Ditzionàriu in línia
de sa limba e de sa cultura sarda

ferionài , vrb: avelionai Definition èssere a dellírios Synonyms e antonyms fadhotai, ilbarionare, istantariare Etymon srd.

feriòni , nm: avarioni, barione, varione* Definition cosa chi unu narat chentza mancu ischire ite est naendho, coment'e candho foedhat dormiu, cun sa callentura o àteru deasi Synonyms e antonyms ischíssiu Sentences ses a ferionis o iscibudhendidí?!

feríre , vrb Definition tocare, fàere male ma no iscudendho cun calecuna aina: si narat, difatis, de is mortos chi tocant is bios… Synonyms e antonyms colpare, fèrrere Sentences no bos poto ferire ca sezis preghendhe a Nostra Segnora.

feritója , nf Definition genia de apertura istrinta in is muros, mescamente in òperas de difesa Synonyms e antonyms archibbusera, colombera.

ferítza , nf: Definition genia de sentidu chi si provat tenendho piedade, lastimandho a unu / feritza mia! = coro ’e mamma!, coro meu!; ite feritza! = ita làstima!, ita dannu! Synonyms e antonyms apiadamentu, dolentia, dolu, làstima, piaidade Sentences cal'est sa bella chi girat armada e chena feritza conchistendhe a cantos mirat? ◊ si cheres chi eo ti crea chi tenes de me feritza, beta a terra arcu e fritza e cussa bendha ti lea! (M.Madao)◊ isse si tucat e leat su bolu, dae s'aera s'imbolat che raju chena tènnere feritza e ne timore ◊ mi feris chena feritza e ne dolu! Etymon srd. Translations French compassion English simpathy Spanish compasión Italian compassióne German Mitleid.

feritzédhu! , agt Definition min. de feritzu, foedhu chi narant lastimandho a ccn.: sceradedhu!, siscuredhu!, mischinu! Synonyms e antonyms scedau! siscuru!

feritzósu , agt Definition chi tenet o sentit feritza Synonyms e antonyms afrescionosu, cumpassivu, lastimosu, piadosu, piaidadosu Sentences est ora, devo andhare, gighèndhemi… solu su feritzosu adiu de amigos (C.Demartis) Surnames and Proverbs prb: a méigu feritzosu piae púdida Etymon ttrs. Translations French compatissant English pitiful Spanish compasivo Italian compassionévole German mitleidig.

ferítzu! , iscl Synonyms e antonyms biau!, siscuru!, iscedau! Etymon ttrs. feritzi.

feríu ferídu

ferivéri , avb Definition ferendho, atzapulandho candho a unu logu candho a s'àteru, a s'atumba atumba de unu logu a s'àteru Synonyms e antonyms atapatapa, fertulavértula, periberi, stumbistumbi, veliveli Sentences feriveri che ànimas in pena Bachisedhu e Pepinu ant emigradu ◊ sos camionistas andhant feriveri, de unu logu a s'àteru ◊ est imbriagu e bandat feriveri de unu muru a s'àteru ◊ anchi bandit atzàpula atzàpula e feriveri! ◊ su bentu feriveri dhos poltet! Etymon srd.

ferivógu , nm: ferrifogu Definition genia de aina po bogare ischintídhias Synonyms e antonyms bativogu, catzavogu, fogheri Scientific Terminology ans Etymon srd. Translations French briquet English flint-lock Spanish eslabón Italian acciarino German Feueranzünder.

férja , nf Synonyms e antonyms iférias, traba.

fèrma , nf: flemma Definition ispudu, isprugadura chi si ndhe bogat de is prumones tussindho Synonyms e antonyms carralciada, iscaràsciu, sdarràsciu.

fermàlliu , nm: fremmàgliu, frimmallu Definition prendha a ispilla de púnghere in bestimentu, genia de ispilla a poderare calecuna cosa Synonyms e antonyms bròscia, ghermallu Sentences sa zente si ponet in corbata cun frimmallu de oro ◊ gighet in tuju una bella collana de oro e in petus fremmàglios delicados Scientific Terminology ans, prd Etymon itl. Translations French broche, boucle, fermoir English clasp Spanish broche Italian fermàglio German Vorstecknadel, Brosche.

fèrme , nm: belme, èlmene, verme* Definition greme, bobboi minudedhu e longhitu chi faet mescamente in sa cosa guasta, ma fintzes su chi ponet a su casu fatu; crista de materiale (ferru, linna) chi abbarrat in cosas filetadas / genias de ferme: de corru (cosche), de linna (zannarolu), solitàriu (alisanzedhas), síricu (su chi faet sa seda) Synonyms e antonyms lolloi, merme, solde, tilingione Scientific Terminology crp.

fermentàrzu, fermentàzu , nm: frammentalzu, frammentarzu, frammentazu, frementalzu, fremmentarzu, frommentarzu Definition pane lassau cruo, fatu aghedare, de ammodhigare in abba tébia po fàere s’impastu de un'àtera cota Synonyms e antonyms ammentarzu, chimentarzu, fermentorzu, fermentu, madria 2. sas laras tuas parent frammentarzu daghi est totu isperradu imbischidendhe (P.Senes)◊ custu frammentarzu 'e sos ammentos chi tenet in cheghentu su passadu cheret manuidu e contivizadu! (S.Are) Scientific Terminology pne Etymon ltn. fermentum + arium Translations French levure English yeast Spanish levadura Italian lièvito German Hefe, Germ (austr.).

fermentórzu , nm Synonyms e antonyms fermentarzu, fermentu Sentences su fermentorzu no dhu negat nisciunus, candho si dimandhat.

ferméntu , nm: formentu, framentu, frammentu, frementu, fromentu, frommentu, frumentu, frummentu Definition pane lassau cruo, fatu aghedare, de ammodhigare in abba tébia po fàere s’impastu de un'àtera cota / candu acutzat sa figu, formentu a mindigu! = in tempus caente bi cheret pagu frommentarzu pro fàghere pesare su pane Synonyms e antonyms ammentarzu, chimentarzu, fermentarzu, fermentorzu, madria, premmentu Sentences po fai su pani, su mericedhu innantis si poniat su frammentu, s'incràs a chitzi si callentàt s'àcua cundia de sali e si faiat s'impastadura de sa farra in sa scivedha ◊ dhi at ghetau unu lómburu de fromentu: dèu nau chi at a axedai! Etymon ltn. fermentum Translations French levure English ferment Spanish levadura Italian lièvito German Hefe, Germ (austr.).

fermesílicu , nm: fermisílicu Definition su greme chi faet sa seda Synonyms e antonyms sílicu Scientific Terminology crp, bombyx mori Translations French ver à soie English silkworm Spanish gusano de seda Italian baco da séta German Seidenraupe, Seidenwurm.

fermichédhu , nm Definition min. de ferme, greme piticu.