A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

inghisciadúra , nf Definition su inghisciai; su ghisu chi s'imbodhigat a inghíriu de un'arremu chi at tentu dannu (segau, tzacau) po dhu poderare firmu fintzes a sanare Synonyms e antonyms inzessadura Sentences est cun sa camba círdina po un'inghisciadura a su genugu Etymon srd. Translations French plâtre English plastering, plaster Spanish escayola Italian ingessatura German Eingipsen.

inghisciài inghijàre

inghísciu inghísci

inghisidúra , nf Definition su inghisire Synonyms e antonyms imbratadura Etymon srd.

inghisíre , vrb Definition pònnere su ghisu, ma fintzes imbrutare cun calecuna cosa Synonyms e antonyms inghijare / imbratare, untare 2. tzocaos a fusiladas, prima de nos inghisire a sàmbenes metzanos! Etymon srd.

inghisíu , pps, agt Definition de inghisire Synonyms e antonyms imbratau 2. ocradas chírdinas che nérbiu de coro doe a custas badhes inghisias ◊ fit totu inghisiu in murros a fortza de trincare ◊ sos balentes de commo nos pintant in cara milli fàvulas inghisias de frassos acasazos ◊ sa beste fit totu inghisia de ozu Translations French barbouillé English soiled Spanish ensuciado Italian imbrattato German beschmutzt.

inghitài, inghitiài , vrb: unghitai Definition betare is ungas in su sensu de leare a furadura; iscúdere, betare cun s'unga, mescamente nau de su giogu chi si faet lassandho andhare a cropu sa conca de su pódhighe a una muneda o àtera cosighedha po che fàere lòmpere a su cofedhu Synonyms e antonyms afufai, apresai, arpiai, arrapagnare, arrapare 2, aungrare, craspuare, furai, irrobbare, runtzinare, sdorrobbai Etymon srd. Translations French saisir avec les griffes, agripper (fig.) English to claw Spanish agarrar Italian artigliare German mit den Klauen packen.

inghítida , nf, nm: inghítiu Definition genia de cropu, de ispinta, de inghitillu, ma nau in sensu prus largu / inghítida a foradedha = tiru de sa ballina a su gari Synonyms e antonyms impédhida, inghitillu, inghitiradura, púntzia Sentences s'inghítida de cumentzu tocat a sa biríllia prus atesu Translations French impulsion English impulse Spanish impulso Italian impulso German Antrieb.

inghitíliu , nm Definition calecuna cosa de papare, unu bucone de cosa Sentences inghitíliu ti ndi pigas avatu o torras a mericedhu?

inghitillài , vrb Definition fàere s'inghitillu; papare a biculedhos o fintzes solu papare (nau unu pagu in cobertantza)/ nci dh'at inghitillara = nci dh'at ingúrtia, dhi est pràxiu, b'at crétidu Synonyms e antonyms impèlliri, inghitirai Sentences candu giogamus a tapus, tui inghitillasta mellus de mimi 2. si no ti papas su minestroni as a biri ca no inghitillas àteru! ◊ istocara, cussu ge inghitillat a satzadura! Etymon srd.

inghitíllu , nm Definition genia de pistincada, cropighedhu chi si giaet cun su pódhighe de mesu ponendho s'unga a forte in sa mata de su pódhighe mannu e faendhodhu istirare a cropu Synonyms e antonyms inghítiu.

inghitiradúra , nf Definition su inghitirai, su fàere essire a cropu su pódhighe mannu arréschiu in s’inditziali po tirare ccn. cositedha (es. muneda, birilla); fintzes furriadura a cropu de calecuna cosa, pistincada / fai a i. = a corpu Sentences is piciochedhus giogant a biríllias a inghitiradura ◊ sa cratzola mi at fatu a inghitiradura e arruta nci seu Etymon srd.

inghitirài , vrb Synonyms e antonyms inghitai Sentences is piciochedhus funt gioghendi a chini inghitirat de prus sa biríllia a su fossu Etymon srd.

inghítiu inghítida

inghitzàda , nf Definition su inghitzai; is primas cosas chi si faent de una faina, is primos momentos de unu tempus, de unu fatu Synonyms e antonyms comintzada, comintzu, cunviu | ctr. acabbada, finitia Etymon srd.

inghitzài, inghitzàre , vrb Definition fàere is primas cosas de una faina, passare su primu tempus de una sumana (manna o pitica), is primas dies de unu tempus; tocare, cumenciare calecuna cosa de papare o de bufare / pei inghitzau = pitigadu Synonyms e antonyms atelare, comentzari, coviare 1, isprimitziai | ctr. acabbae Sentences su soli inghitzat a indorai is trigus ◊ apu inghitzau a solu cantendu sa stória nosta (F.Madau)◊ pustis de cancun'annu ant inghitzau a nai ca is fàbbricas no rendint e dhas torrant a serrai ◊ immoi inghitzat sa cumunioni ◊ torreit a inghitzare nèndhemi chi cussu fit su mezus chi teniat (N.Falconi) 2. eus inghitzau su sartitzu nou 3. seu andada assumancu in binti domus e portu totu is peis inghitzaus! Etymon ltn. initiare + ghetare Translations French commencer English to begin Spanish empezar, comenzar Italian incominciare, iniziare German anfangen, beginnen.

inghitzàre 1 , vrb Definition acapiare su giuale a is corros cun is loros, acapiare Synonyms e antonyms allorare, inchíngere Sentences fiza mea, istanote sa luna no at àpidu panteas de inghitzare sos corros a s'istedhu!

inghítzicu , nm Definition su àere sa responsabbilidade de ccn. cosa Synonyms e antonyms responsabbilidade Idioms csn: zúchere a i. = tènnere, àere in pozos; dassare ccn. cosa a i. a ccn. = lassare a ccn. s'impreu, su pesu, s'ingàrrigu de carchi cosa.

inghitzidàre , vrb Synonyms e antonyms impunciai, incidai, ispuntogliare Sentences sos meres inghitzidaiant sos tzeracos a gherrare a s'istrumpa.

inghítzu , nm Definition su inghitzare, is primas cosas chi si faent de una faina, is primos momentos de unu tempus, de unu fatu, su primu tretu de unu camminu; genia de lobu po acapiare is cuadhos a su puntedhu po treulare / avb.: a s'i. = a su comintzu Synonyms e antonyms comintzada, comintzu, cunviu, inghitzada, primítziu / benitu | ctr. acabbada, acabbu, finitia Sentences abarrais de s'inghitzu a s'acabbu ◊ su "oi" separat s'inghitzu e sa fini de duas temporadas ◊ pintamí in su passu s'inghitzu de s'istrada giusta! ◊ su chi est istétiu a s'inghitzu un'ameletzu est una beridadi pitziosa, oi Etymon srd. Translations French début, commencement English begin Spanish comienzo Italian princìpio, inìzio German Anfang.