A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

imbatiàda , nf Definition su imbatiare, su arresurtare fiudos Etymon srd.

imbatiàre , vrb: ingatiare Definition abbarrare chentza pobidhu o chentza pobidha po sa morte de s’unu o de s’àtera (tempos cumpostos cun aus. èssere e àere) Synonyms e antonyms agatiare, ifiudare, sciudai, sviurai Sentences de candho aiat imbatiadu no li fit mai mancada de manos sa ruca e su fusu ◊ custu li fit capitau apustis chi si fit ingatiaa Etymon srd. Translations French être veuf English to be left a widow (er) Spanish enviudar Italian restare védovi German verwitwen.

imbàtida , nf Definition capacidade, fortza de imbàtere, de lòmpere a calecuna cosa o logu / àere, zúghere i. Synonyms e antonyms impédhida, ispinta Etymon srd.

imbàtidu , nm: imbàtiru Definition bentu friscu de mare chi movet is undhas e infriscat s’abba, pruschetotu de su Sud Synonyms e antonyms australe, imbatu* Sentences su piscadori portat sa pedhi niedha, arrecota de su soli e de s'ària salia de s'imbàtiru chi ndi benit de mari Scientific Terminology tpm Translations French brise de mer English sea breeze Spanish viento marero Italian imbatto, brézza di mare German Meeresbrise.

imbatijàre , vrb Definition iscimprare cun ccn. cosa o chistione Synonyms e antonyms isbatizare.

imbatiladúra , nf Definition su imbatilare Etymon srd.

imbatilàe, imbatilài, imbatilàre , vrb Definition betare su bàtile apitzu, pònnere su bàtile issedhandho unu pegus; betare ccn. cosa apitzu de un’àtera, o de unu, fintzes in su sensu de ndhe foedhare male, de dhi betare curpas, neghes / i. sos mojos; i. sos corros a unu Etymon srd.

imbatíre , vrb Definition i. una pedra = imbolare, iscúdere atesu una pedra Synonyms e antonyms imbàtere, imbolare, isciúdere.

imbàtiri imbàtere

imbàtiru imbàtidu

imbàtitu , nm Definition su imbatire / de i = a corpu Sentences postu unu passu a secus de imbàtitu pro nche dare prus allargu, iscutet unu làntziu chin totu sa possa sua abbia de innantis (A.Pau) Etymon srd.

imbàtoro , avb Definition nau de sa manera de camminare, a pampas, ponendho is manos e is benugos in terra / andhare a s’i. = a pampadas, a pampas, a tatas, a cuatru peis, a baubbau, a catummiau, a s'imbàtula, itl. gattonare Synonyms e antonyms gortogorto Sentences fit andhendhe a s'imbàtoro, totu irbadhinadu ◊ sos pisedhos a zogu caminant a s'imbàtoro Etymon srd. Translations French à quatre pattes English on all fours Spanish a gatas Italian carpóni German auf allen vieren.

imbatósu , agt Definition de imbàtidu, de imbatu Sentences (at fatu una) iscuta de abbabbentu e isciorrocu imbatosu.

imbàtu , nm Definition móvia a cropu coment’e brinchidandho; su imbàtere; bentighedhu friscu de mare Synonyms e antonyms incannada / imbàtidu.

imbàtula , avb Definition andhare a s’i. = a pampadas, a pampas, a s’acucacuca, a s’imbàtoro Sentences dae sa fentana de su passadu intrat s'ammentu de unu pitzinnu a s'imbàtula ◊ si gruxeint fintzas a terra e leeint a arzolare a s'imbàtula.

imbatzinaméntu , nm Definition furriamentu de conca Synonyms e antonyms abbadhinamentu, abbatzinamentu, ammolighinzu, bacinedha, batzinu 1, loinu, luinore, insimíngiu Etymon srd.

imbatzinàre , vrb Definition fàere a furriamentos de conca Synonyms e antonyms abbadhinare, abbatzinare*, ammolighinare, atambainare, ibbadhinare, ingadhinae, scimingiai Sentences su ballare a mie mi imbatzinat.

imbauài , vrb: imbaulai Definition su abboghinare chi faent is canes candho si sapint cosa (animales o gente) o murighíngiu Synonyms e antonyms alloroscare, apedhae, atocare, aciaulai, baulai, inciauai Etymon srd.

imbaucàre , vrb Definition pigare a ingannu, a trampa; fintzes meravigliare, ispantare Synonyms e antonyms abbovai, arrebbusai, coglionai, colovrinare, corogliare, imbusterai, imbuvonare, improsae, ingannai, ingregai, istusciare, mariotare, piocai, scafai, trampai Sentences est in debbadas chi bi ponzas contivizu: tantu no mi lasso imbaucare! ◊ unu padronu ricu cun fiaca at imbaucadu su giualzu ◊ s'istintu connoschet bene s'arte de imbaucare s'ómine Etymon spn. embaucar Translations French embobiner English to take in Spanish engañar Italian infinocchiare German betrügen.

imbaúcu , nm Definition su imbaucare; fintzes giogu, divertimentu, ispàssiu 2. su mezus imbaucu nostru fut sa sonedha (Piras) Etymon srd.