A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

medalliàre matagliàre

medàscia, medàssa madàssa

medàu madàu

medàza meàrza

medennéssi , avb Definition meda e nessi: foedhu chi si narat prus che àteru po impudu de calecuna cosa chi no si iat a bòllere, bolendho inditare un'iscéberu Synonyms e antonyms assumancu, assunessi, aterunono, medaeschi, nensi Sentences tantu no bi drommo, mi ndhe peso e medennessi mi fato carchi faina ◊ medennessi no mi che so andhadu a campu: tota die ispetendhe a isse e isse chentza bènnere! Etymon srd.

medèsciri , vrb: merèschere, meresci, merèsciri, merèssere Definition fàere cosa a manera de ndh'àere o de ndhe pòdere àere calecunu prémiu, bàntidu, làude, praxere, o fintzes calecuna cosa de male (po curpa, neghe, farta) Synonyms e antonyms imminèssere, manesci, meressire, meritai | ctr. demerèssere, smerèsciri Sentences is malafatoris chi apuntant fogu no merescint de bivi in mesu de sa genti! ◊ bos rendho tantas gràscias, ma no cantas ndhe meressides ◊ medescint abbruxadas, custas línguas de fogu! ◊ po s'amori chi tenis e chi donas, in totu s'umanidadi chi onoras, alabàntzia merescis e rispetu ◊ sunt poesias chi ant meréschidu su prémiu Etymon spn., ctl. mereixer Translations French mériter English to deserve Spanish merecer Italian meritare German verdienen, eintragen.

medhàca , nf Definition genia de erba agheda Synonyms e antonyms ciduledha, coraxedu 1, erbasalia, marraola, melacra, meraxa, meriàgula, miriola Scientific Terminology rba Etymon srd.

medhigàrzu , agt Definition chi est médhighe, naschiu a loba Synonyms e antonyms copiolu, cropàgliu, médhighe Sentences su pastoredhu est paschinzanne anzonedhos medhigarzos (S.Are).

médhighe , agt, nm: médhigu Definition chi est naschiu allobau, de sa matessi bentre, de su própriu partu cun àteru frade o sorre, frade mughedhu / anzare a médhighe = fàghere a croba, a loba Synonyms e antonyms copiolu, cróbinu, cropàgliu, gremédhiche*, medhigarzu, médhile, mughedhu Sentences Deus cheret a fàghere pitzinnos e fuint bénnidos duos médhigos galanos (Z.A.Cappai).

medhighínas , nf pl: midhighinas Definition mentes fines, is pigighedhos chi imbodhigant su crebedhu Scientific Terminology crn Etymon srd. Translations French méninges English meninx Spanish meninges Italian meningi German Gehirnhaut, Meninx, Hirnhaut.

médhigu médhige

médhile , agt Definition chi est naschiu allobau, de sa própriu brente, de su matessi partu cun àteru frade o sorre, frade mughedhu; nau de boe, chi est cumpàngiu, chi faet a loba cun àteru po èssere unu giú Synonyms e antonyms copiolu, cróbinu, cropàgliu, ghermédhiche, mughedhu Etymon srd.

medhúre , nm Definition erba de cogas, imbriaga molentis Synonyms e antonyms búdharu, budhúrigu, dhúdhulu, gudhútulu, mudhuru, pisciaforru, pudimanu, údhuru Scientific Terminology rba, Conium maculatum Etymon srdn.

média , nf Definition in matemàtica, de una filera de valores chi podent èssere de mannària diferente, su valore chi arresurtat de mesania faendho sa suma de is valores dividia po cantos funt is valores síngulos summaos: essendho s'arresurtau de una divisione matemàtica, podet èssere chi no currespondhat a manc'unu de custos valores Sentences Fulanu in iscola tenet sa média de su sete ◊ bi at logos chi in média campant setanta annos, ma bi at chie morit meda prus zòvanu e chie prus mannu Translations French moyenne English average Spanish promedio Italian mèdia German Mittel.

mediàda , nf Definition su mediare, migliorare, andhare méngius Synonyms e antonyms abboniada, imbonimentu, mediada, melloria, mezorada, mezoramentu | ctr. aggravamentu, impeoramentu Sentences su tempus at fatu una bella mediada Etymon srd. Translations French amélioration English improvement Spanish mejora Italian miglioraménto German Verbesserung.

mediadòre , agt Definition chi médiat, ponet médiu, rimédiu Sentences nostra Segnora est mediadora de tantos males Etymon srd. Translations French réparateur English repairer Spanish mediador, reparador Italian rimediatóre German Ausbesserer.

mediadúra , nf Definition su mediai, su èssere coment'e ammachiaos, coment'e fora de sèi Synonyms e antonyms mediori, scimíngiu Etymon srd.

mediàgu , nm: ammeriagu, meliagru, meraju, mereacru, meriacru, meriaghe, meriagru, meriagu, meriaju, meriarzu, meriaxu, miliacru, miriàciu, miriacru, miriagu, moliagru Definition s'umbra de mesudie, logu e umbra (mescamente de matas mannas) inue su bestiàmene passat is oras de sole prus forte, in istade / fàghere meriaghe = meriare in s'umbra Synonyms e antonyms camadroxu, meriadórgiu, umbraghe Sentences sos masones sunt acuilados in su meraju ◊ sa domo fit unu meraju finas a sero ◊ a oras de sole forte, in istiu, su bestiàmine istat in su meliagru ◊ custos sunt masones fatendhe meriaghe ◊ saludi e bacas in su meriagu, e trigu meda, ma dinai pagu!(A.Mandis)◊ nonnu naraiat "moliagru" e no "meliagru" Scientific Terminology pst Etymon srd. Translations French ombrage English nook where the flock tooks shelter from the sun Spanish sesteadero Italian sito ombróso dóve si ripara il grégge dal sóle German Ort im Schatten, wo die Schafe Mittagsruhe halten.

mediài , vrb: ammediai 1, mediare 1, meriai, meriare, merijare, miriare Definition nau mescamente de su bestiàmene, passare is oras de sole prus forte, in istade, in su meriagru, istare in s'umbra Synonyms e antonyms acamai, meliagrare Sentences sas berbeghes fint meriendhe suta de sa nughe ◊ candho sa robba comintzat a meriare, comente imbudhighinat sole, che la trubbas a sa sedha, a suta de sos chercos ◊ una piga est mediandhe in d-unu ratu ◊ in s’ora prus cajente de sa die issu est merijandhe Scientific Terminology pst Etymon ltn. meridiare Translations French faire la méridienne, faire la sieste English to have a siesta, to stay in the shade Spanish sestear Italian meriggiare, stare all'ómbra German im Schatten Mittagsruhe halten.

mediài 1 , vrb Definition essire coment'e médios, pigaos a machiore, fora de sèi, pèrdere is sentidos Synonyms e antonyms irmedhighinare, ismemoriai Etymon srd. Translations French être hors de soi English to be beside oneself Spanish estar fuera de sí Italian èssere fuòri di sé German außer sich sein.