A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

mediàna , nf Definition sa cannita de mesu de is launedhas; genia de ballu / zenias de launedha: m. pipia, m. fiuda, m. asciuta, m. fiudedha, m. falsa Synonyms e antonyms mancosa, mesuganna Sentences toca, sonasí una mediana ca badhaus! ◊ a noda de mediana su sulitu in cuncórdiu cun pitiolus e trinitus sonasta Scientific Terminology sjl.

medianéri , agt, nm Definition chi o chie si ponet in mesu po batire is cosas a un'iscopu, in chistione de bonu ma fintzes de malu, po torracontu de totugantos, ma fintzes solu suo e a dannu de àtere Synonyms e antonyms tratadore / aporridore, bugoni Sentences cussu est unu medianeri de paxi ◊ Gesugristu est su medianeri nostu e po mesu suu teneus s'intrada a su tronu de Deus 2. est una mertza de medianeris chi at traíxiu e béndiu sa Sardigna a is istràngius ◊ sa rufiana, pro fàghere s'arte de medianera, pretzisu chi apet curtu in primu logu e siat avesada a donzi giogu! (B.Sulis) Etymon spn. medianero Translations French intermédiaire English intermediary Spanish mediador Italian intermediàrio German vermittelnd, Vermittler.

mediànu , agt, nm Definition chi o chie est in mesu, su de mesu, chi o chie est a mesania inter duas o prus mannàrias, distàntzias o valores; nau coment'e calidade, chi no est tanti bona, antzis a bortas prus mala chi no bona, metzana Synonyms e antonyms médiu 1 / andhante, mecianu 2. tue ses su puzone medianu cundennadu a bolare dae un'àlvure a s'àteru.

mediàre , vrb Definition essire o fàere méngius, prus bonu, agiustare, agatare rimédiu, nau fintzes in su sensu de cambiare in méngius su cumportamentu, is maneras de fàere Synonyms e antonyms abboniare, arranzare, megliorai, remediare | ctr. impeorai, pejorare Sentences chin cantu ghetamus apare, tota bida, no mediamus mai! ◊ su bisonzu ch'est andhau: semus mediandhe totus! ◊ pro mediare onzi male sezis pronta meighina ◊ in custa netzessidade no ischimus comente nos mediare! 2. su ditzu antigu narat gai: Mala ratza no médiat mai ◊ si s'errore podio mediare, Columba, de ti tènnere a muzere!…◊ so andhau abbissi la podio mediare Translations French s'améliorer, se corriger English to improve, to correct oneself Spanish mejorar, corregirse Italian migliorare, corrèggersi German verbessern (sich).

mediàre 1 mediài

medicadúra , nf: meigadura Synonyms e antonyms ammexinadura, medicamentu, meiconzu, méiga, meigascione Etymon srd.

medicài , vrb: medicare, meicare, meigai, meigare Definition betare o pònnere meighina po curare o agiudare a sanare unu male, una maladia Synonyms e antonyms curai, meighinare Sentences meigaiat sa frúture pro no ndhe li tocare ◊ e sa bíngia meigada dh'as? Etymon ltn. medicare Translations French panser (une blessure), soigner (qqch.) English to medicate Spanish curar Italian medicare German behandeln.

medicaméntu , nm: meigamentu Definition su chi si faet po agiudare a sanare unu male, prus che àteru in su sensu de pònnere o frigare meighina, badrare o amparare un'arremu malàidu cun calecuna cosa Synonyms e antonyms cura, medicadura, meiconzu, meigascione Sentences ses s'únicu medicamentu de feridas nostras e males ◊ cussa est cosa bona pro meigamentu Translations French médicament English medicament Spanish medicación, cura Italian medicaménto German Kur.

medicàre medicài

medichína , nf: meghina, megina, meichina, meighina, meigina, meixina, mexina, michina, mighina, mixina Definition dónnia e calisiògiat rimédiu chi potzat curare o sanare unu male, de su corpus o fintzes de s'ànima, de su cumportamentu; istúdiu, isciéntzia e arte de medicare e curare maladias, males de sa carena Synonyms e antonyms cura Idioms csn: zenias de meighina: a bufadura, a innetziones, a frigadura, a imbràstiu; no ndi tènniri (de ccn. cosa) mancu po mexina = própiu nudha, mancu cantu s'ungra po unu bisonzu Sentences isperaus chi is mexinas mi giuint! ◊ sas meighinas a bortas curant unu male ma ndhe faghent essire un'àteru ◊ apo bisonzu de meghinas e de acunnortu (G.Ruju)◊ est malàidu ma no buscat mighina ◊ no si ndhe agatet una a meighina! ◊ dhi ant ordinau mexina contrària 2. sa bonànima de ajaja mia faiat sa mixina de s'ogu pigau ◊ sa michina de sa deina imbetzes de mi facher bene mi at fatu pejus ◊ bae ca sa meighina at fatu efetu: de candho li ant dadu banzu, furendhe, no bi est torradu prus! ◊ pro sa meighina de s'oju bi cheriat unu pinzos o trastis de sa pessone malàida 3. est in s'universidade istudiendhe in meighinas Etymon ltn. medicina Translations French remède, médicament English medicine Spanish medicamento, medicina Italian medicina, fàrmaco German Arznei, Heilmittel.

medichínzu , nm Definition genia de linna chi faet a cannàile longu longu e fine, a funes, e si che artzat a pitzu de is matas, faet su frore biancu Synonyms e antonyms atzara, bidichinzu, bilichinzu, elighinzu, ertessu, filichinzu, inteltzu, lutzara Scientific Terminology rbl, Clematis vitalba. Etymon srd.

médicu , nm, agt: méicu, megu, méigu Definition istudiau chi curat males de sa carena, maladias; chi pertocat is dutores o chi est cosa de dutore Synonyms e antonyms datori Sentences che méigu chi astringhet una bua chena dolore sou in carre anzena (Piras)◊ comente so recuidu a domo mi ant giamadu una cariadora, ca su méigu che fit essidu ◊ cussu est su corbu postu a médicu 2. cun sa dimandha bi cheret su tzertificadu médicu pro dochimentu Surnames and Proverbs prb: méigu piedosu liaga pudéscia ◊ ferida mala e méigu giòvanu!… Scientific Terminology prf Etymon ltn. medicu(m) Translations French médecin English doctor, medical Spanish médico Italian mèdico German Arzt, ärztlich.

medída , nf Definition istrégiu de 5 litros po medire laore o cosas deasi, ma si narat fintzes po css. cosa chi serbit a medire; su medire etotu / a medida de… = cunforma a… Synonyms e antonyms addeda, mesura / medidura 2. innantis de fàghere su giampu lea bene sa medida! ◊ in donzi cosa bi cheret sa medida! ◊ est una fémina betza pedrale e patida, sufrit sena medida ◊ tue avantzadu ti ses in medida ca non tenes métidu! 3. sa medida de s'arrobba dha faint a prammus 4. is portas si oberint o serrant a medida de su bisóngiu de friscu o de calori Etymon spn. medida Translations French mesure English measure Spanish medida Italian misura German Maß.

medidòre , agt, nm Definition chi o chie medit, pigat misuras; fintzes misura, aina o orrugu de cosa po medire Synonyms e antonyms ammadidori Sentences cussu medidore no est síncheru: furat medindhe! Etymon srd.

medídu , pps, agt: mediu Definition de medire; fintzes chi est bene cunsiderau, fatu cun cunsideru, chentza esageratziones Synonyms e antonyms ammodau, ammodidu, reguladu | ctr. malammodidu 2. in famíllia fint medidos manighendhe, no fint mentovados pro su tropu manigare ◊ in domo donzi ispesa fit medida Translations French modéré English moderate, moderated Spanish moderado Italian moderato German gemäßigt, maßvoll.

medidúra , nf Definition su medire, su pigare is misuras Synonyms e antonyms ammisitadura, mesuradura Sentences cue bi at una butega chi bendhent sa robba a medidura Etymon srd. Translations French mesurage English measurement Spanish medición Italian misurazióne German Messung.

medievàle, medievàli , agt Definition chi pertocat o apartenet a su mediuevo.

medighínu , agt Synonyms e antonyms meditu.

medigiolàre , vrb Definition ammesturare e iscolomare cosa (lícuida) de un'istrégiu a s'àteru.

medímini , nm Synonyms e antonyms lochesa, lochidadi, mediori Etymon srd.