A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

runchinínu , agt Definition nau de una genia de astore, sa toloria, chi, che a totu is pigiones chi papant petza, portat su bicu grussu, curtzu e forte Etymon srd.

runchinòne , nm Definition pilloni de santa Crara, genia de orrúndhine Synonyms e antonyms babbarotu, farzia, ibbirru 1 Etymon srd.

rúnchinu , nm: orrónchinu* Definition su runchinare / istare a r. = istare orrunchinandho Synonyms e antonyms rosicadura, rósicu, rosidura.

rúnchinu 1 , nm Definition aina puntuda fata a manera chi, apustis punta, torrandho agoa arrescat e tiret sa cosa punta Synonyms e antonyms ampile, grifone Etymon srd.

runchiòne , nm: runcone Definition runcu, bruncone*, s'orrugu chi abbarrat in sa mata, de una nae, candho no est segada bene a paris Synonyms e antonyms brocu, bruncu 1, runcu 1 2. intràdeche in sas tancas de s'intragna pro dare allatu a custos runchiones (A.Contu).

rúnchiu , nm Synonyms e antonyms fura, mustrencheria Etymon srd.

runcíllu , nm: arruncillu* Definition ferramenta, aina de ferru fata che una càvana, ma a màniga curtza e cun d-un'atza, coment'e a seguredha, unu tretu, fintzes in sa parte de su tolu Synonyms e antonyms cavanzola, cavonatzu, farchione.

runcòne runchiòne

rúncu , nm: arruncu Definition su chi abbarrat in su truncu de una nae chi no ant segau a paris (ma si narat fintzes de sa parte prus grussa de is erbas); cosa segada, o de segare, longhighedha, grussita Synonyms e antonyms brechioni, bruncu* 1, rocu / acantu 1, arrogu, bículu Idioms csn: su r. de su codhu = su codhu, su tretu tra su tzugu e su bratzu apitzus de su suercu; furriàresi a runcos de codhu (po papai) = papai su chi no andat bèni, su chi no fait; casu a runcu = a cantighedhos Sentences at innestadu cussos runcos de bide ◊ tue ses vivendhe a runcos de fenuju ◊ a runcu runcu si che l'at manigada totu, cussa cosa ◊ annunghe duos runcos de linna a su fogu! ◊ macarrones chin casu a runcos 2. si no tenimus nudha, a runcos de codhu nos furriamus?! Translations French moignon English stump Spanish tocón Italian bròcco, moncóne German Stumpf.

rúncu 1 , nm Definition in sa cara, su tretu de sa buca, de is lavras Synonyms e antonyms bruncu*, fruncu, murrighile, mutzichile, murru, nuncu Idioms csn: istare, èssere a runcos a su fogu, a runcu a fogu = acanta a su fogu; èssere a r. a sa fossa = acanta a si mòrriri, bècius meda Sentences pro fàghere aurtire a fiza mia, mezus andho a pedire pane a runcu a terra! ◊ est papendi a farrancaras cun tzu runcu totu brutu ◊ cun is manus in su runcu is féminas cumènciant a si fai sa rugi e nai s'orassioni 2. nois vetzos semus a runcu a sa fossa: amus fatu su de fàghere!

runcúdu , agt Definition nau de erba, chi portat runcu, est a runcu, portat tretu de su cambu grussitu Sentences su frenugu cheret runcudu pro còghere, e menzus collidu inue paschet bestiàmine ca che li mànigat sa lana.

rundài , vrb: arrundai, orrundai, rundhare, runnare Definition essire, andhare a rundha, andhare peri su logu; istare in giru chentza impreu Synonyms e antonyms bagamundai, barrantzellare, cilindronare, faghinerare, inghirintinare, meriolare, zirare Sentences so rundhendhe tota chida pro no istare sa zente chensciosa 2. ite bi sezis rundhendhe in cue, ca no cheret su mere a bi colare?! ◊ rundhabat in sas tancas a die e a note ◊ sas feras istant rundhendhe in su buscu 3. petzi ses bonu a rundhare introidha chentza contu e chentza cabu! ◊ una note fit rundhendhe in tzitade Etymon spn. rondar Translations French faire la ronde English to do the rounds Spanish rondar Italian far la rónda German die Runde machen.

rundédhu , nm Definition pilloni annapau, de noti, de su tiàulu o sóriche càmpinu o pinnàdigu, genia de animaledhu múrinu chi essit solu addenote (no biet in sa lughe) Synonyms e antonyms alaepedhe, arratapignata, cincidedhu, satzamurredhu, terriolubedhe Scientific Terminology anar.

rúndha , nf: grunda, orrunda, runna, urrundha Definition in is teuladas, ue acabbant (o cumènciant) is canales, is téulas, siat sa parte prus in artu e siat sa parte prus in bàsciu ue orruet s'abba; crista o serra de monte, fintzes orroca arta, corona de orrocas Synonyms e antonyms butiadorzu, grundhera, gutera, martu 2, stidhiadroxu / serra Sentences sas rúndhines si ant fatu su nidu suta de sa rundha in domo nostra ◊ sas rúndhines matessi bido chi tenent gustu de torrare a sa betza rundha tua (P.Mossa) 2. s'àbbile costoit su nidu in punta de sa rundha ◊ dae sas rundhas de su Gennargentu falat una díliga frina ◊ fit de rundha in rundha chirchendhe antunna ◊ su fàmine de Tzacabballa, chi si mandhigheit una rundha de chercos! ◊ sos pitzinnos si che pigaiant a sa rundha pro iscúdere a pedra Scientific Terminology dmo, slg Etymon itl. gronda Translations French gouttière English roof-gutter Spanish canalón Italian grondàia German Regenrinne.

rúndha 1 , nf: orrunda 1, rúndhia Definition su rundhare; su andhare a trevessu, in giru, cricandho; fintzes unos cantu, unu tanti de personas chi andhant impare a giru / ballare a rúndhia = fàere su ballu tundhu Synonyms e antonyms gíriu / fiotu Sentences sos barrantzellos istanote sunt in rundha 2. candho s'astore essit a rundha fuet dogni puzone ◊ su grodhe, malésigu, essit a rundha in su litu ◊ tue puru in rundha: ube che fis?! 3. rundhas de pitzinnos innotzentes aspetant chi falet un'istella Translations French ronde English rounds, rondel Spanish ronda Italian rónda German Runde.

rundhàglia , nf Definition is rundhajolos, gente metzana chi totu su chi faet est a istare in giru Synonyms e antonyms bagamundalla, bruscualla, cannarolaza, gentaredha, scrufulia Etymon srd. Translations French racaille English scum Spanish gentuza Italian gentàglia German Gesindel, Pack.

rundhajólu , agt, nm Definition chi o chie costumat a istare in giru, perilloi perillai, a trevessu peri su logu Synonyms e antonyms arringau, arroliadori, randhaju, rundhanu, runnadore / bacamundhu, bandhuleri, ilimbitanu, garroneri, peldulàriu, rundhellu, zirellu Sentences a sa cane li amus postu "Rundhajola" ◊ matzone rundhajolu si tucat solu solu tota note a ziru Scientific Terminology ntl Etymon srd. Translations French flâneur English dawdler Spanish azotacalles Italian bighellóne German Herumtreiber.

rundhàllia , nf Definition cosa chi abarrat, arrogalla, orrugos de cosa Synonyms e antonyms arremusulla, romasiza Sentences ti fetant a rundhàllias!

rundhànu , agt Synonyms e antonyms arringau, arroliadori, bandhuleri, rundhajolu, rundhellu, tzincavesu, zirellu Sentences unu cane zacarau est rundhanu in sa tanca ◊ bi at féminas rundhanas de afilu malu e bi ndhe at remonias ◊ rundhanu, su coro meu, che bentu de iscra ruja andhat currendhe (G.Piga) Scientific Terminology ntl Etymon srd.

rundhàre rundài