A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

síngru , agt, prn: síngulu Definition unu, chi o chie est a solu, chi at pérdiu su cumpàngiu (a/c.: síngulu si narat prus che àteru po afortire su significau de un'agt. de cantidade = própiu cussu ebbia, giustu giustu) Synonyms e antonyms iscumpagnadu, solteri, solu Idioms csn: brebei s. = chi no bi at mai anzadu; fémina s. = chi no podet fàghere fizos; arrespòndhere a singru serru = dare s'úrtima risposta, serrare su chistionu e donzi cuntrestu; binu singru = binu sintzillu, chentza annunta de nudh'àteru Sentences unu síngulu mi ndh'at dadu! ◊ de sas àrbures petzi bi fint sos truncos, unu inoghe unu cudhane che duos síngulos tudhos de pilu in una conca ispilida 2. non dia cherrer bívere in su mare de s'acorru de boches singras (L.Loi) 3. si no bi podet sa bidha, ite bi podet su síngulu? Etymon ltn. sing(u)lus Translations French seul, single English single Spanish solo Italian sólo, sìngolo German allein, einzeln, alleinstehend.

síngru 1 , agt Synonyms e antonyms finigosu, iltrízile, istíncu, scarritzinu, stinghiritzu.

singulàre, singulàri , agt Definition chi pertocat a un'ebbia; si narat fintzes in su sensu de istravanau, bellu meda de no si ndhe agatare àteru Sentences is númenes e is agetivos tenent giai totus una forma singulare e una plurale 2. tue cun issas no as paragone ca ses un'ermosura singulare Translations French singulier English singular Spanish singular Italian singolare German einzig.

singultàre , vrb: assungurtai, singurtai, singurtare, singutai, sungotai, sungurtai, sungurtare Definition prànghere a suncutu, tzunchiare pranghendho Synonyms e antonyms assuconai, assupedhare Sentences de comenti dh'apu inténdia sungotendi mi est ammodhiau su coru Etymon ltn. singultare Translations French sangloter English to hiccup Spanish sollozar Italian singhiozzare German schluchzen.

síngulu síngru

singurtài, singurtàre singultàre

singúrtu , nm: singutu, sungúrtidu, sungurtu Definition est s'assúpidu, su mancamentu de àlidu, chi benit a chie est pranghendho a meda, genia de arrespiru a corpu po carda de prantu Synonyms e antonyms acoramentu, assupedhu, atzuconamentu, súcunu, sucúturu, súsperu, surpúliu, tzuconi, tzúcuri Sentences trista sorte: est bénnida sa die de prànghere a sungurtu! ◊ est prangendi a singutus che unu pipiu ◊ in urigas m'istronat su sungurtu de dolore de sa mama ◊ po dhi fai passai is sungúrtidus, a su pipiu, sa mamma dhi at donau tzúcuru Etymon ltn. singultus Translations French sanglot English sob Spanish sollozo Italian singulto German Schluchzen.

singutài singultàre

singútu singúrtu

sinichíri , vrb rfl Definition mòvere Synonyms e antonyms fritire, tziricare Sentences no s'est mancu sinichiu.

sinicúrtzis , nm Definition cosa chi si faet o chi unu si ponet po no dhi fàere efetu is fatúgios; persona làngia meda Synonyms e antonyms breve, contramazina, foltilesa, fortile, pastagna, punga, scritu.

sinigòga sinagòga 1

siníre , vrb Definition innisire su mucu e illimpiare su nasu Synonyms e antonyms inniscire, ischisciare, ischiscire, mucai, nesire* Sentences fit siníndhesi su nasu cun sa coa de sa fardeta.

sínna síngia

sinnàbi signàle

sinnadólzu, sinnadórju , nm, agt: sinnadorzu, sinnadroxu, sinnadrozu Definition logu po sinnare o marcare su bestiàmene pesau nou; mescamente sa marcadura, su tempus e sa festa de sa marcadura; sa pesada de Cristos a chelu; nau de pegus, chi est de sinnare, de marcare Synonyms e antonyms malcadura / ascenscione Etymon srd.

sinnadòre , nm Definition chie sinnat, betat sa marca (a su bestiàmene o àteru) Synonyms e antonyms bullaroi, marcadore Etymon srd.

sinnadòrza , nf Definition genia de pedra modhe, prus che àteru de colore biancu, lisa e coment'e ogiosa a dha tocare, bona po iscríere, po isolante, o fintzes a farra fine fine po fàere cíprias: si agatat mescamente in is montes de Orane Synonyms e antonyms predamodhe Scientific Terminology mnr Etymon srd. Translations French talc, stéatite English talc, soapstone Spanish talco, esteatita Italian talco, steatite German Talk, Speckstein.

sinnadórzu, sinnadróxu, sinnadrózu sinnadólzu

sinnàdu , pps, agt: sinnatu, sinnau Definition de sinnare; chi portat su sinnu, chi est marcau Synonyms e antonyms signaladu, sinzolau 2. su bestiàmine est totu sinnadu ◊ nois amus s'istinu sinnau e dae cuche no nos franghimus Translations French marqué English marked Spanish marcado Italian contrassegnato, segnato German gekennzeichnet, gezeichnet.