totorígu , nm: toturigu,
tuturigu,
tutúrigu Definition
tzugu de un'ampudha e ampullones e àteras cosas deasi, ma fintzes tapu
Synonyms e antonyms
grugullu
Sentences
is frascus funt prenus fintzas a tuturigu ◊ dhu pigat coment'e unu tuturigu de crocoriga, nanca tenit sabori de acuardenti!
2.
a sa crocoriga dhi cuncordu unu tuturigu (G.Piras)
Translations
French
goulot
English
neck of bottle
Spanish
cuello de botella
Italian
còllo di bottìglia
German
Flaschenhals.
totorógiu, totoróju tatarógiu
totorrói , nm: satzaroi, tzatzarou Synonyms e antonyms mustacedhus, tatarógiu* Scientific Terminology rba.
tótu agt, prn, avb Definition
foras nudha, foras peruna parte o perunu tanti, css. cosa pigada chentza che ndhe bogare nudha: est un'agt. chi podet cambiare de m. a f. (si acumpàngiat númene de bidha, nau a su postu de sa gente de sa bidha, no cuncordat); candho est prn. de gente, prus che àteru dhu narant pl., totus (a/c.: candho est impreau coment'e prn. de gente est méngius a dhu nàrrere pl., ca assinuncas su chi si narat no est tanti precisu, es.: una maladia podet bènnere a totu = a totugantos o a donzi cosa? ◊ in sa vida amus bisonzu de totu = de totugantos o de donzi cosa?); s'imperat meda coment'e avb. in su sensu de deunudotu, meda, prenu prenu, e agiummai no cuncordat mai cun s'agt. o nm. chi acumpàngiat (si podet pentzare coment'e nau prus de su nm. chi no de su vrb.); coment'e agt. si ponet apustis e innanti de su nm.: candho est innanti si ponet s'art. in mesu e si ponet innanti sempre candho acumpàngiat su nm. impare cun agt. numeràriu, postu innanti de custu puru; in is prop. interrogativas si manígiat cun significau de elencu cumpletu: ite as batiu, totu, de bidha? ◊ ita eis fatu, totu, oi in iscola? (o fintzes ite totu as as batiu?)◊ comente azis fatu, totu, a coitare gai?
Synonyms e antonyms
totucantu
/
deunudotu
| ctr.
nudha
/
nemmos,
neune
/
palte
Idioms
csn:
totu est chi… (+ vrb.)= mancai…, est in debbadas chi…; totu est chi no… (+ vrb. cong.)= mancari no…, fintzas si no…; cun totu chi…, chin totu custu = mancai…, belle e aici, mancari gai; (betare, pònnere) totu a unu = ghetai o pònniri impari; a tota fua, a tota die, a tota note = currindhe cantu prus si podet, die cun die, note note, a die o a note intrea; e + totu (etotu)= matessi, fuedhu po inditai un'identidadi, su própiu; de su totus = deunudotu, totu; totu a como, totu a cue ti che at dadu/daet a?!… = zenia de murrunzu, de briga pro isazerassione candho o ue no tocat; totu gai bos paret!… = gai fàtzile fàtzile bos paret!…; èssere o fàghere o totu o nudha = che a sos macos, fàghere chentza bídere chi tra su totu e su nudha si podet fàghere àteru, de tantas maneras; cun sos agt. numeràrios, pro su prus si che fúrriat a f.: totas duos, totas tres, totas bàtoro (ma fintzas "totos"), totas deghe; colare totu fora, totu intro = fai su giru (de unu logu) passendi isceti a parti de foras, de aintru; a totu + vrb. infinidu = faghindhe che tzegos, cun totu sa fortza, su chi narat su vrb. infinidu
Sentences
ant fatu sas domos totas chena progetu ◊ si ndhe falant dae cadhu totos tres ◊ si avertint totus cudhus chi tenint bestiàmini ◊ totos cantos fint bellos ◊ ti cherzo in cumpagnia pro tota vida ◊ at bíviu totu is annus suus fadendu su serbidori ◊ che fit tota die in campu ◊ bi fit totu sa note e totu sa die ◊ mi at fuedhau de totu custas cosas ◊ bi fit totu Anela, totu Bolòtana ◊ perdono a totas duos ◊ semus illiscigados totos duos ◊ dade cara a totus sos cumandhamentos!
2.
nci portu totu in sagrestia ◊ cussu gherrat contra a totu e contra a totus ◊ su totu e su nudha no sunt su matessi ◊ totus innòi seus? ◊ sunt tucaos totus ◊ totu comintzat e totu agabbat ◊ fatu totu azis? ◊ dónnia dí primu de arbèscere sa mama nd'iscidàt a totus ◊ chie totu bi aiat in sa festa? ◊ ite azis fatu, totu?
3.
est totu currindhe, tochendhe, faghindhe, paret irbariadu! ◊ portu is manus totu tzacadas ◊ sos pantalones sunt totu segados ◊ sa zanna est abberta totu ◊ notesta fiu totu isciustu ◊ custu frutuàriu est totu guastu ◊ su logu est totu irbandhonadu, sa domo totu bruta ◊ is cratzonis furint totu isciustus ◊ cuss'iscritura est totu irballos! ◊ sa tzacheta est totu tapulada ◊ candho est in mesu a zente, tota si sisirinat ◊ totu cambas comenti fiat, Minnia setziat a cuadhu a sa moda de is mascus (I.Lecca)◊ cussu logu est totu pedra, su caminu est totu ludu ◊ is piciochedhus funt arribbaus totu assustraus!
4.
seus malàdius totus a una callentura ◊ beta totu a unu, basolu e nughe, za los seberamus in domo ◊ cantas a totu cantare ◊ est tzerriendu a totu tzerriai ◊ est indúlliu a totu dia trabballendi ◊ cun totu chi fit faghindhe peneténscia, at traitu s'istima mia ◊ cun totu chi muzere mia fit betza, deo no cheria bídere sa fine sua innantis de sa mia ◊ dh'at iscritu mali su destinu miu, cun totu chi Deus est bonu a iscriri! (Lai)◊ totu a como ti che at dadu sa presse?! ◊ totu a cue ti che daet a fàghere s'onestu?! ◊ pro bàtoro sodhos? totu pro cussu at a èssere!…
5.
sos malàidos fint sanados totas deghe ◊ in totos duos logos bi at féminas bellas ◊ faghiat bolare s'abba in totos bàtoro bicos de sa baltza ◊ cantu ti benint a costare totas tres, ebba, pudhéricu e isteglieri? (A.Pau)◊ su giúditze at iscapatu totas chentu chimbanta distimonzos ◊ totu est chi l'ispetet, s'azudu tou, su malevadadu!…◊ totu est chi no siat bona, sa cosa… isse la còmporat su matessi!◊ dh'apu inténdiu frastimendi a totu frastimai
Etymon
ltn.
tottus/totus
Translations
French
tout,
complètement
English
completely,
whole
Spanish
todo
Italian
tutto,
completaménte
German
ganz,
völlig.
totúbe , avb: totue,
totui,
totuve,
tutube,
tutue Definition
dónnia logu, calesiògiat logu, in dónnia logu
Synonyms e antonyms
apetotu,
eubecasiat,
inuesisiat,
peribellogu
| ctr.
nedhube
Sentences
su ventu nche li vatut sa voche dae tutue ◊ sa fémina bandat in totui e totui dha sigu ◊ totue goi maca est, sa zente? ◊ no cherjat Deus a torrare che a candho nos inghiriabant totube maledias de mòrrere!
Etymon
srd.
Translations
French
partout
English
everywhere
Spanish
dondequiera
Italian
ovùnque,
dappertutto
German
überall.
totuboderósu , agt Definition
nau de Deus, chi podet fàere totu, chi tenet dónnia podere
Etymon
srd.
Translations
French
tout-puissant
English
almighty
Spanish
omnipotente
Italian
onnipotènte
German
allmächtig.
totucàntu , agt, prn: totugantu Definition totu cantu: foras nudha, peruna parte, perunu tanti, foras nemos Synonyms e antonyms totu | ctr. nudha Sentences sàbiu coment‘e chie at ludrigadu totaganta vida ◊ in iscola fimus totugantos fedales ◊ sos frutos de sa pinna dant consolu a sas generatziones totugantas (Cubeddu) 2. totugantos betaiant s'arga in sos essidorzos de sa bidha ◊ totugantos depent fàghere su contu de sas ispesas e de su chi si pessat de ndhe bogare ◊ totugantos si lamentant de s’annada mala.
totúe totúbe
totugàntu totucàntu
totúi totúbe
totuinúnu totindúna
totúnu , agt Definition
chi est totu unu, totu che pare, nau cun duos significaos diferentes segundhu comente si faet sa boghe ponendho apare duas cosas: a) chi no dhue at peruna diferéntzia, nau fintzes in su sensu de pèrpere, totu pínnigu parívile, b) chi est meda méngius (ma cun custu significau si narat in cuménciu de sa fràsia)
Synonyms e antonyms
matessi
/
pèrpere
/
menzus
Sentences
custu est totunu de cussu ◊ totunu su cumassu, totunu su pesu ◊ custa fémmina portiat sa gunnedha totuna cun sa de un'àtera ◊ oi su celu est bellu asulu de totunu colori ◊ is frades dromiant in totunu letu ◊ a medas, anzone o boe domau lis parent totunu!
2.
ello no cherzo cussu: totunu, custu!…◊ totunu a fàghere goi!…◊ totunu in s'ierru!…◊ totunu a marrai e a bendi in butega!…◊ chi ti nci portat, fuidí: totuna cosa est, innòi! ◊ totunu is istradas nostras!…◊ custu lati parit àcua: totunu su lati de brebei!…
Translations
French
identique
English
identical
Spanish
idéntico
Italian
idèntico
German
identisch.
totupízas , agt, nm Definition chi o chie portat pinnicas medas, est totu trassas e no faet a ndhe cumprèndhere nudha de ite est o bolet abberu Synonyms e antonyms chentupizas Etymon srd.
toturígu totorígu
totúve totúbe
totzibbúcu telzibbúcu
tóu , agt, prn: tuo,
tuu,
tú Definition
chi (su chi, totu su chi) est, o apartenet o pertocat a tie (ccn. borta dhu narant in su sensu de po tui): coment'e agt. acumpàngiat númene mascu síngulu (ma fintzes un'avb.) e si ponet sèmpere apustis che a totu is possessivos (a/c: po fémina si narat tua, su pl. tuos, tuus, tuas, e candho si narat de númenes diferentes, mascu e fémina pigaos impare, cuncordat cun s'úrtimu, su chi portat prus acanta); a logos in làcana de foedhadas, po mascu de 2ˆ pers. sing. ponent sa forma fémina (deasi paret, ma po variare is vocales chi iant a arresurtare oguales, "tuu"): a prasere tua, babbu tua, fillu tua, s'artículu tua, ca no narant ne tou, ne tuo, ne tú
Synonyms e antonyms
| ctr.
agenu
Idioms
csn:
sos tuos, is tuus (fuedhendi de genti) = is parentis tuus; in pitzus tus = subra tua
Sentences
ajó, move ca andhaus de anca est babbu tuo! ◊ totu est chi l'ispetet, s'azudu tou, cudhu malevadadu!…◊ càstia su chi fait s'amigu tú! ◊ oe no fachet a travallare in s'ortu tú ◊ mannedhu tuo at rejone ◊ pro dischente pícati a Maurissu, fitzu tuo ◊ frade tou caru ◊ fatu tou mi cheria! ◊ si una cosa no est sa tua no la deves tocare!
2.
cras benimus a triballare a su tou ◊ maridu miu est peus de su tuu ◊ ti sunt dendhe sa morte e mancu sos tuos ndhe ant dolentia ◊ crepint is de crepai, is mius impari a is tuus: sa coja si at a fai! ◊ custos ocros sont sos tuos
3.
su pensamentu tou dae sa mente mia no ndhe lu bogo mai
4.
sa manu de Deus pendit in pitzus tus
Surnames and Proverbs
prb:
a su tuu, tui
Etymon
ltn.
tuus
Translations
French
ton,
le tien
English
your (s)
Spanish
tu,
tuyo
Italian
tuo
German
dein.
tóu 1 tólu
tóu 2 , nm Definition una genia de arretza po piscare, fata de tres orrugos cun su de mesu a trama prus craca.
tovàcu tavàcu