Ditzionàriu in línia
de sa limba e de sa cultura sarda

atracàe, atracài , vrb Definition sodigare, giare a pitzu, betare manos a unu a trampa candho no si dh’ibertat Synonyms e antonyms atacai, atrapare 1 Sentences a cussa fémina dh'enta atracada in tali logu e furau ndi dh'enta s'oraria ◊ peronòspera e pesta niedha funt atracandu sa sarmenta, e àteras pestas prus malas funt atracandu sa limba nostra! (G.C.Mameli) Translations French attaquer, surprendre qqn. par la ruse English to catch by fraud Spanish atracar Italian assalire, sorprèndere con inganno German überfallen, erwischen.

camorría , nf Definition camorra, su chi faent is camorristas cricandho de ingannare s'àteru Synonyms e antonyms arrebbuseria, embusteria, fragnocoleria, ingannia, macatreferia, mangorra, tramperia Translations French fraude, duperie English swindle Spanish fraude, engaño, estafa Italian fròde, inganno German Betrug.

caràmbula , nf Definition cosa chi si faet cun trassa a dannu de unu Synonyms e antonyms abberintu, afrascu, estremagiogu, imbovu, ingànniu, tràglia, tramòglia, trampa, transa, troga Etymon spn. carámbola Translations French duperie English deceit Spanish trampa Italian inganno German Betrug.

corogliàre , vrb Definition giare a bíere, a crèdere una cosa po un'àtera, pigare a ingannu Synonyms e antonyms abbovai, abbuvonare, coglionai, colovrinare, imbaucare, imbelecare, imbusterai, improsae, ingannai, ingrangugliare, ingregai, istusciare, piocai, scafai, trampai, transare Sentences no s'ischit ite àteru li nesit cussa mariola pro la corogliare ◊ a sos duos amantes si los corogliesit su dimóniu e fatesint su progetu de bochire sa muzere de isse ◊ ma como chi bos isco cuss'astrúscia, su de mi corogliare est corogliadu! (P.Mossa) Translations French rouler, tromper English to make fun of Spanish engañar Italian corbellare, trarre in inganno German täuschen.

imbústa , nf Definition cosa chi si faet o chi si narat a ingannu Synonyms e antonyms abberintu, camorra, farrassa, imbovu, impastufu, ingànniu, inghénia, inzamu, troga Sentences bos ant proadu s'imbrollu e s'imbusta: ite bregunza no bos paret custa in cudhos logos chi l'ant a ischire! (B.Sulis) Translations French duperie, manigance English deception, trick Spanish embuste Italian raggiro, inganno German Betrug.

ingannía , nf Definition sa calidade de s'inganneri, sa capacidade de pigare a ingannu; su ingannare, s'ingannu, totu su chi faet ingannare, crèdere o pigare una cosa po un'àtera / zúghere s'i. a unu = pigaidhu a ingannu, a traitoria, in trampa Synonyms e antonyms arrebbuseria, camorria, embusteria, fragnocoleria, inzamu, macatreferia, tramperia / falludheria / traitoria | ctr. onestade, singillesa Sentences mundhu traitore: totu trampas, totu ingannia! ◊ mi at zutu s'ingannia, cussu! ◊ in sos sonnos no bi creas, ca sunt totu un'ingannia ◊ si l'est lendhe contr'a chie li at usadu s'ingannia in domo etotu ◊ pro traitore tènemi e indignu sa die chi mi provas ingannia! (M.Murenu) Etymon srd. Translations French manigance, duperie, caractère fallacieux English deceit Spanish embrollo, trampa Italian raggiro, inganno, fallàcia, mistificazióne German Betrug, Täuschung, Schwindel.

ingànniu , nm: ingannu Definition su chi si faet po ingannare; s'arresurtau, su dannu de s'ingannu Synonyms e antonyms abberintu, afrascu, caràmbula, estremagiogu, imbelecu, imbovu, mangalofu, màngana, mangorra, tarasca, tràglia, tramòglia, trampa, troga Sentences su dimóniu est su rei de s'ingannu ◊ bentu de milli ingànnios ◊ s'ingannu torrat a s'ingannadore ◊ comente at fatu a mi giúghere s'ingannu? ◊ zutu ti ant s'ingannu a bozu issoro ◊ a pàschere porcos a minore andhesit ma su padronu giutu li at ingannos Etymon itl. Translations French fraude, duperie English fraud Spanish engaño Italian fròde, inganno German Betrug.

intrània , nf, nm: intràniu Definition su male chi si pentzat e cuncordat a ingannu contr'a ccn. Synonyms e antonyms abberintu, afrascu, cadràbula, concivada, cumpoltura, estremagiogu, imbovu, ingànniu, mangalofu, màngana, tarasca, tràglia, tramòglia, trampa, trapassa, troga Sentences s'at buscadu un'isaurimentu chi li at postu in perígulu sa vida e si est de sos intrànios pentida (G.Sini)◊ a su babbu e a sa mama los cumpensat cun intrànios malignos e finas los istúpiat in cara Etymon srd. Translations French machination, duperie English intrigue, deceit Spanish engaño Italian macchinazióne, inganno German Anstiftung, Betrug.