A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

acorriatàre , vrb Definizione fàere tzacurrare is dentes; fàere corriatzu Sinonimi e contrari arrodare, titiriscare, tzacarrai Etimo srd. Traduzioni Francese grincer Inglese to grind Spagnolo rechinar Italiano digrignare i dènti Tedesco fletschen (animalis), mit den Zähnen knirschen (cristianus).

acorriàtu, acorriàu acorriàdu

acorrimbòe , avb Definizione chi est betau o pendhet a una parte Sinonimi e contrari abboe, achibboe, achifilu, calembru, imboe, ochirioe Etimo srd.

acorrinài , vrb Definizione acapiare unu corru a su pei de su boe Sinonimi e contrari apedicare 1, apegonai Etimo srd.

acorrioncàdu , pps, agt Definizione de acorrioncare; légiu e béciu che corronca, che corraga.

acorrioncàre , vrb Definizione fàere a corronca, béciu e légiu Etimo srd.

acorrischedhàre , vrb Definizione nau de laores, intostigare, sicare che corru, abbruxare Sinonimi e contrari intostai, intostighedhare Frasi si mancat s'abba o dh'imbatet fogu, su pisu, sa fae si acorrischedhat (Z.Porcu) Etimo srd.

acorrochinàre , vrb rfl Sinonimi e contrari abbetiae, aperrighinare, tostoinare Etimo srd. Traduzioni Francese s'obstiner, s'entêter Inglese to get obstinate Spagnolo emperrarse Italiano incaponirsi Tedesco sich versteifen.

acorrociài , vrb Sinonimi e contrari incorrai, iscorratzare, sigorrai Etimo srd.

acorroncài , vrb Definizione carragiare, pònnere asuta Frasi a is porrus dhis acorroncas custu lardu e sanant 2. coment'e cosa purdiada si sciadhonat acorroncau de istrobbus ◊ acorrau de s'umbra de bisus iscaréscius, acorroncau de arregordus, aundi seu? (L.Porchedhu)◊ po abarrai bèni acorroncau in s'àcua, a su linu dhi poniaus pedra.

acorronconàu , agt Definizione chi est coment'e fatu a corroncone, béciu, nau de persona Etimo srd.

acorrongiài acarrongiài

acorropàre , vrb Sinonimi e contrari abbudronare, acedhae, aggrustare, apubulare, atropare, atrumare Frasi sos cumpanzos current a si che acorropare in coghina po aparare sas manos a bis zare pane.

acorrorinàu acoldolinàu

acorrotàu , agt Definizione postu coment'e corota, caratza, màschera Frasi sas fizas fuint cun s’issàlliu acorrotau in cara, pranghindhe sa mama morta (C.Frau) Etimo srd.

acorróu , nm Definizione pigada in giru, befa, brigúngia Sinonimi e contrari befa, dellezu, mofa, tzàntara.

acorrovedhài , vrb Definizione su istare o pònnere coment'e acugudhau, acorredhau, coment’e acancarronau e firmu acanta a sa forredha in su fogu Sinonimi e contrari achizonare, arreconai Frasi is pipias currint aund'e sa mama e si dhi acorrovedhant acanta (R.Spissu)◊ is amigas mias andant a Missa e dèu sempri acorrovedhada in domu! Etimo srd.

acorrovonài , vrb Definizione pònnere a una parte Sinonimi e contrari acuzonare, afurringonai, arreconai, frànghere, partare Etimo srd.

acorrovonàu , pps, agt Definizione de acorrovonai; chi est coment'e postu o apartau a unu corrovoni, acugigonau Sinonimi e contrari afurrungonau, arrenconau Frasi s'ómini fiat acorrovonau a costau de su letu.

acórru , nm: aggorru Definizione logu serrau, prus che àteru fatu po bestiàmene; su acorrare, s'ora de acorrare, de portare a s’acorru Sinonimi e contrari acorradolzu, acorramentu, acorratzu, arrocu 1, màndara Frasi sa genti fut surruschiendu pariat un'acorru de procus! ◊ a s'impudhile si che bocabant sas crapas dae s'aggorru 2. crabas e arveghes a s'aviu e a s'acorru giughent bentre lena ◊ a s'ora de s'acorru su pastori nd'istorrat is brebeis po mulli Terminologia scientifica srr Etimo srd. Traduzioni Francese enclos Inglese corral Spagnolo corral Italiano recinto Tedesco Pferch.