ammostagúa , nf: mostacua* Definizione ammosta e cua: su si fàere a bíere e cuare a borta a borta, nau de una matessi persona o cosa Sinonimi e contrari incaracua Frasi sa luna, intrendu e bessendu de is nuis, dhi fait s'ammostagua (G.Angioni).
ammostài, ammostàre , vrb: ammustrare, mostrai* Definizione fàere a bíere, pònnere a bíere; ingitare, fàere abbaidare a calecunu logu o a calecuna cosa po chi un'àteru dha potzat bíere Sinonimi e contrari ammoare, inditai, voliare / isprabarzare | ctr. cuai Frasi su piciochedhu imparat luegus su chi dhi ammostant.
ammóstru , nm: ammustru Definizione cosa chi si ammostat, ma nau prus che àteru po calecuna cosa chi si giaet in donu, coment'e istrina, o fintzes bella meda, solu de ammostare Sinonimi e contrari ammosta Frasi at tentu criadura noa, cudha, e no che li leas mancu un'ammustru?! ◊ fígiu, s'ammostru meu, mi che ses ispariu!◊ si falas a Castedhu bàtimi carchi cosa de ammustru! Etimo srd.
ammóstu ammòsta
ammostuài, ammosturài ammasturài
ammotroxàu ammatroxau
ammotroxinài ammoltighinàre
ammotroxinàu ammortosinàu
àmmu , nm Definizione lobu de fune intrau in murros (a sa barra de fundhu) de un'animale po dhu pigare a fune Sinonimi e contrari acamu.
ammucigotàu , agt Definizione chi est mudu, citiu, ma in manera coment'e timendho, preocupau, afartau Sinonimi e contrari cagliadu, múdrigu Frasi su babbu e sa mama ant agatau is piciochedhus ammucigotaus, timendi (A.Simbula) Etimo srd.
ammucionàu , agt Sinonimi e contrari ammurrionadu, ammutzigonadu Frasi ita ses, ammucionau?
ammucitài , vrb Definizione fàere chellare, fàere istare citios, mudos (a bortas cun sa prepoténtzia de chie cumandhat o dóminat) Sinonimi e contrari assamudare 2. is persones ammucitadas podent donai unu fúrriu a is prepoténsias ci nci ant ingúrtiu!
ammucoradúra , nf Sinonimi e contrari annarbamentu, lanidura.
ammucorài , vrb: ammugorai, ammurgorai, mucorare Definizione pònnere sa lanedha a sa cosa istandho in logu de umidore o ca est úmida in logu serrau Sinonimi e contrari afungorai, allanae, ammufai, annabrai, atufai, imbucorae, morighinire, mufire, lanire Frasi gei no si at a ammucorai: oi puru nc'est essia! ◊ su pani si est ammucorau Etimo srd.
ammucoràu , pps, agt Definizione
de ammucorai; chi est totu mufa, mugore
Sinonimi e contrari
allanadu,
annarbau,
imbucorau,
lanedhosu,
lanidu,
mugheradu
2.
su pani est totu ammucorau
Traduzioni
Francese
moisi
Inglese
grown mouldy
Spagnolo
mohoso
Italiano
ammuffito
Tedesco
angeschimmelt.
ammucóru , nm Definizione genia de lanedha chi faet in sa cosa isciusta a tempus meda / intrai in a. = umidare de serenu (nadu de erba sica) Sinonimi e contrari afungori, annarbamentu, morighinu, mucore, mulgheru Frasi s'ammucoru ti nchi papit de conca a carronis! 2. cun s’umbididadi de sa noti, su cardu sicau intrat in ammucoru e sa béstia si ndi alimentat Etimo srd.
ammudàda , nf Definizione su si citire Sinonimi e contrari cagliada Etimo srd.
ammudàdu , pps, agt Definizione de ammudare Sinonimi e contrari assamudadu, citiu, mudu 2. su piús peus fit ca mi faghiant istare ammudadu.
ammudadúra , nf Definizione su si ammudare Etimo srd.