A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aperiènte , nm Definizione bufóngiu chi ponet apititu, cosa po acutzare o ispertare s'apititu Terminologia scientifica bfg Traduzioni Francese apéritif Inglese aperitif Spagnolo aperitivo Italiano aperitivo Tedesco Aperetif.

aperigúngia abbericúngia

aperperàre , vrb Definizione fàere una cosa pèrpere, totu pínniga de unu matessi andhare Sinonimi e contrari atamanare Etimo srd. Traduzioni Francese uniformiser Inglese to uniform Spagnolo uniformar Italiano uniformare, omogeneizzare Tedesco uniformieren, homogenisieren.

aperperinàre , vrb: perpirinare Definizione su si abbasciare cun is cambas pinnigadas e is nàdigas in pitzu de is carrones (fintzes coment'e po fàere de bisóngiu); su si calare coment'e po no aguantare, cédios Sinonimi e contrari abbibbirinai, abribidhai, apatai, apimpirinare Frasi ancu sa budha si li sichet, a si aperperinare in sa piatza, ca at pudiu su locu! ◊ sa pitzinna si fit aperperinaa chin sa conca in brenucos 2. unu coro s'est aperperinau in su fochile fritu de s'amore (G.Piga) Etimo srd.

aperràdu , pps, agt: apirratu Definizione de aperrare; chi no ascurtat a s'àteru, chi costumat a fàere a conca sua Sinonimi e contrari abbetiosu, aputajolu, coteu, istorroniau, perrónchinu, perrosu, pistilosu, serréntile, testarrudu Terminologia scientifica ntl Traduzioni Francese têtu Inglese stubborn Spagnolo testarudo Italiano cocciuto Tedesco dickköpfig.

aperràre , vrb Definizione fàere a conca sua chentza ascurtare su pàrrere, su cossígiu de s'àteru Sinonimi e contrari betiare, incalliri, ostinai, tostai Etimo spn. emperrarse Traduzioni Francese s'obstiner Inglese to insist Spagnolo emperrarse Italiano ostinarsi Tedesco sich versteifen.

apèrrede, apèrrere abbèrrere

aperricàre , vrb Definizione artziare a unu logu artu, a una mata, aguantandhosi cun is manos a ccn. cosa Sinonimi e contrari acadhai, aperrociai, apiculai, apichedhai, apilicare Frasi su pitzinnu si aperricavat a s'úlimu pro divertimentu Etimo srd.

aperrighinaméntu , nm Definizione su èssere o fàere su tostorrudu Sinonimi e contrari arrepedhu, tostorrímine Etimo srd.

aperrighinàre , vrb Definizione no bòllere intèndhere s’arrexone de s'àteru, fàere a conca sua chentza bòllere ascurtare nudha, pecare a perronia Sinonimi e contrari abbetiae, aconchinae, acorrochinare, intestai, tostoinare Etimo srd. Traduzioni Francese s'obstiner, s'entêter Inglese to be obstinate Spagnolo emperrarse Italiano fermarsi a lungo con ostinatézza, incaponirsi Tedesco auf seinem Kopf bestehen, sich versteifen.

aperrintzadúra , nf Definizione su si aperrintzare, su artzare a calecunu logu o in calecunu logu aguantandhosi cun is manos e a isfortzu Sinonimi e contrari apilicadura Etimo srd.

aperrintzàre , vrb Definizione artzare apitzu de ccn. cosa Sinonimi e contrari acadhai, apichedhai, apiculai, apilicare Frasi su pitzinnu si aperrinzat a sas àrbules.

aperrociài , vrb: apirrociai Definizione artzare a logu o cosa in artu Sinonimi e contrari acadhai, apichedhai, apiculai Frasi nci aperròciant in d-una mata de figu e cumentzant a papai (M.A.Cappai)◊ cun duus sàrtidus nci aperròciat apitzus de una mata.

apèrta abbèlta

apertài , vrb Definizione laminare sa lana bogandho de pare is frocos o pubusones a manera de dha pòdere filare Sinonimi e contrari balminare, carminai, irgardare, isgraminare, isparpedhare Etimo srd.

apertiàda , nf Definizione cropu de pértiga, de fuste o àteru deasi Sinonimi e contrari spertiada Etimo srd.

apértu abbéltu

apertúra abbeltúra

apéschi Definizione pentzas chi?… Frasi apeschi siat sa madrighe noa de su chi bramas tempus benidore? ◊ apeschi sia macu?!

apesciàre , vrb Definizione coment'e pònnere in perca, a una bandha, a un'oru Sinonimi e contrari arremai 1, remonire Frasi finas si che amus su molinu elétricu, no amus apesciadu sa mola ◊ drommo apesciadu in s'oru de sa tanca mia Etimo srd.