A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

apretàda , nf Definizione su apretare Sinonimi e contrari apressuru, apretonada Etimo srd.

apretadamènti , avb Definizione in manera apretosa, cun apretu, cun presse meda Etimo srd.

apretàdu , pps, agt: apretau Definizione de apretare; chi est in apretu, in bisóngiu mannu, chi dhue at presse Sinonimi e contrari apretosu 2. su cadhu mi at leadu sa manu e mi so àpidu apretadu a mi che imbolare a terra ◊ mi so àpidu apretadu a bèndhere su bestiàmine ◊ unu si est apretadu tenet presse meda 3. sa cosa est apretada e non potzu prescindi mancu una dí ◊ no trascuris de ti curai ca sa cosa est apretada! Traduzioni Francese pressé Inglese forced by need Spagnolo apretado, en apuros Italiano costrétto, incalzato dalla necessità Tedesco aus Notwendigkeit gezwungen.

apretadúra , nf Definizione su apretai Sinonimi e contrari apressuru Frasi po èssi bona sa cosa cota no bollit fata a apretadura Etimo srd.

apretàe, apretài , vrb: apretare 2, apretari Definizione pònnere in apretu, in dificurtade manna, pònnere presse, essire o fàere prus càdriu, prus fruscu; rfl. caminare prus impresse, istirare su passu camminandho Sinonimi e contrari acadriare, apressurai, apretonare, trotinare Modi di dire csn: apretare una cosa a… (a sole, a fogu, a chíngia, e gai) = fàghere dannu a sa cosa cun su sole, cun su fogu, sa chíngia a tropu; apretare sa màchina = fàghere andhare prus lestra Frasi sighint sas agonias a apretare ◊ su sole apretaiat sa campagna chena piedade ◊ bae a sa friscura, ca a tardu ti apretat su sole! ◊ a su malàidu li at apretadu su male ◊ in cussu logu mergiani apretat e no fait a fidai is angionis 2. is fillus megant de dh'apretai a comporai su tratori ◊ su guvernu cheret apretadu chi muntenzat sas promissas ◊ si apretesint de sighire sa volontade sua ◊ si ti apretat su fritu cugúzadi! ◊ candu mi apretat su fàmini papu ◊ l'est apretandhe su sonnu ◊ su bentu est apretendhe ◊ est comintzendhe a pròere: si apretat abberimus su paracu 3. a sa padedha abbàssiali su fogu, no l'apretet ca si atacat 4. cudhu si apretat e aciapat su cani Etimo spn. Traduzioni Francese presser Inglese to chase closely Spagnolo apretar Italiano incalzare, mèttere frétta a qlc., intensificare qlcs Tedesco jdn zur Eile antreiben, sich beeilen.

apretànte , agt Definizione títulu apretante = itl. tìtolo strétto, vìncolo, diritto.

apretàre apiatàre

apretàre 1 , vrb Definizione apostivigare o fàere su contu de cantu est unu dannu Sinonimi e contrari perisciare Etimo srd. Traduzioni Francese indemniser Inglese to compensate, to value a damage Spagnolo indemnizar Italiano estimare un danno, indennizzare Tedesco entschädigen.

apretàre 2, apretàri apretài

apretasciòne , nf Sinonimi e contrari apressuru, apretadura.

apretàu apretàdu

apreticatórju, apretigadórzu apredigadórzu

apretigàre , vrb Definizione fàere fortza o pesu apitzu de ccn. cosa Sinonimi e contrari abbarrigare, abbaticare, carcare, incalcare, pretare Etimo srd. Traduzioni Francese comprimer Inglese to press, to compress Spagnolo apretar Italiano prèmere, comprìmere Tedesco drücken, zusammendrücken.

apretonàda , nf Definizione su apretonare Sinonimi e contrari apressuru, apretada Etimo srd.

apretonàre , vrb Sinonimi e contrari acadriare, apressurai, apretae Etimo srd.

apretòne, apretòni , nm Definizione perígulu, necessidade manna / apretoni de genti = zente a meda, aira Sinonimi e contrari apretu / arrufa, catigamuru Etimo spn. apretón.

apretósu , agt Definizione chi est o chi ponet in apretu, chi dhue at apretu, chi bolet fatu a presse Frasi at pediu s'imbiu apretosu de is mexinas ◊ no agguanteit ca su pistighinzu de ischire fit apretosu ◊ si fiat inserrau in s'istúdiu ca depiat acabbai unu trabballu apretosu Etimo srd. Traduzioni Francese urgent Inglese urgent Spagnolo apremiante Italiano pressante, urgènte Tedesco eilig.

aprétu apréntu

apretúra , nf Definizione prus che àteru, su fàere fortza, isfortzare calecuna cosa Sinonimi e contrari aprentu, arragu Frasi sos fiancos ponzendhe in apretura, iscapat unu tiru onnipotente ◊ sos bandhidos a s'apretura istaiant in logos arestes Etimo srd.

apretzadòri , nm Definizione chie perítziat unu dannu po bíere cantu est, ponet o betat unu prétziu Sinonimi e contrari perissiadore Frasi est benniu s'apretzadori ca mi ant imputau unu dannu Etimo srd. Traduzioni Francese estimateur Inglese estimator Spagnolo perito, quien atribuye un precio Italiano estimatóre Tedesco Schätzer.