A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

atendhàu , pps, agt Definizione de atendhare.

atendhènte , nm Definizione sordau chi atendhet a unu superiore, genia de tzerachedhu Sinonimi e contrari muntzu Traduzioni Francese mil. ordonnance Inglese orderly Spagnolo ordenanza Italiano attendènte Tedesco Offiziersdiener.

atèndhere , vrb: atendi, atèndiri, atènnere Definizione tènnere contu, giare atentzione a unu trebballu, a una faina, a una persona po su chi dhi podet serbire, fàere faina; fintzes serbire, abbàlere de fàere fortza / pps. aténdhidu / atèndiri de… = sassiare de…, cun…; atendhe!, atendhide! = bai, baxei, faghe, faghide su chi azis de fàghere, no irbies/irbiedas pro me, itl. prego! Sinonimi e contrari achistiri, contifizare, oloire | ctr. irbandhonare, lassai Frasi sas sorres la fint atendhendhe ca aiat tentu unu fizu ◊ bellu grassu cuss'animali: bai ca si atendit! ◊ no podeus atendi mancu custus duus fillus piticus ◊ bazi, atendhide si azis de fàghere! ◊ sos pitzochedhos depent atèndhere in famíllia, puru! ◊ donzunu devet atènnere a sas fainas suas ◊ mi ndi andu ca tengu cosa de atendi 2. cun s'artrosi chi tengu mancu is brutzus mi atendint prus, e is didus a su própiu! 3. is matas po crèsciri de prus tocat a dhas atendi de àcua Etimo itl. attendere Traduzioni Francese prendre soin, s'occuper de qqn, qqch. Inglese to attend, to look after Spagnolo atender Italiano accudire, dedicarsi, badare a qlcs., a qlc Tedesco versorgen, pflegen.

atendhidòre , agt: atendidori Definizione chi atendhet Etimo srd.

aténdhidu , pps, agt: aténdhiu Definizione de atèndhere; chi est tentu contu, contivigiau Sinonimi e contrari atesu 1 Frasi custos animales sunt creschindhe ca sunt aténdhidos.

atendhidúra , nf Definizione su atèndhere Sinonimi e contrari atendhimentu, contibizu Etimo srd.

atendhiméntu , nm Definizione su atèndhere, su contivigiare Sinonimi e contrari atendhidura, contibizu Frasi late e atendhimentu ti siat beneditu! ◊ cussa cosa, si ti la prantas, za no cheret atendhimentu meda Etimo srd.

aténdhiu aténdhidu

atèndi atèndhere

atendiadúra , nf Sinonimi e contrari atendiamentu, istiradura, istiramentu Etimo srd.

atendiài , vrb Definizione pònnere o fàere a manera chi una cosa abbarret istirada, cun is càbudos o is oros tiraos Sinonimi e contrari istèndhere, istenniare, istèrrere, istirare, stendiai, tèndhere Frasi sa funi aténdiat fintzas chi si segat ◊ si aténdiat sa pasta cun su túturu Cognomi e Proverbi prb: atendiai su pei in cunforma a su lentzoru Etimo srd. Traduzioni Francese étendre Inglese to stretch Spagnolo distender Italiano distèndere, stirare Tedesco strecken.

atendiaméntu , nm Definizione su atendiai Sinonimi e contrari atendiadura, istiramentu Etimo srd.

atendidòri atendhidòre

atendiméntu , nm Definizione su atèndhere a calecunu o a calecuna cosa Sinonimi e contrari atendéncia, contibizu Frasi is piciochedhus tenint bisóngiu de atendimentu.

atèndiri atèndhere

aténdiu , agt Definizione chi atendhet, tenet pentzamentu de atèndhere a calecuna cosa o a calecunu Sinonimi e contrari apremuradu Terminologia scientifica ntl Etimo srd.

ateneàda , nf Definizione su ateneare, nau fintzes in su sensu de sighire unu fàere, unu cumportamentu, binchendho totu is dificurtades, chentza si disanimare Sinonimi e contrari agguantu, apómpiu.

ateneàe, ateneàre , vrb: ateniare Definizione fàere tènnere, atzitzare, fàere a manera de apretare calecuna cosa, abbruxare unu terrenu ponendho su fogu a tentas aprontandhodhu po dh'arare; pònnere is operajos, is manorbas, a trebballare in sa tenta e fàere su trebballu de sa tenta totu a un'andhare (fàere a tenea, bogare sa tenta), pònnere a tenea, a filera, sighire in sa matessi cosa, fàere cun contivígiu, cun gana Sinonimi e contrari aciopai, atiare, atorigare, auntzare, incidai, inciulai, insissiligai, intzullire, ubetzare / achicai, assissai, atzipare, ischichinare, scarrabbussonai / agguantai Frasi ateneade su fogu, sinono su débbiu no brujat! ◊ ateneare sos canes 3. pro educascione bisonzat de si ateniare ue bi at zente meda totu pro sa matessi cosa ◊ si est ateneau issu etotu a fae su trabballu 4. is prus ateneaos faent sèmpere prus trabballu de is àteros ◊ po cini ist ateneau a trabballae incui nce tenet bonu dinare! Etimo srd. Traduzioni Francese fomenter Inglese to foment Spagnolo fomentar Italiano fomentare Tedesco fördern.

atenéu , nm Definizione genia de gana forte, disígiu Sinonimi e contrari afródhiu, arraolu Etimo srd.

atenéu 1 , nm Definizione iscola universitària.