A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bínnigi bíndhichi

binniónia , nf Definizione una genia de linna americana Terminologia scientifica mtm, Campsis radicans.

bínnixi bíndhichi

binòcolos , nm pl Definizione genia de aina a lentes po castiare atesu / bídere a ccn. o carchi cosa a b., in b. (nadu in cuguzu) = no bídere prus, in logu 2. si no mi pagat, su mere, custa borta a binòcolos mi biet!… Traduzioni Francese jumelles Inglese binoculars Spagnolo anteojos, gemelos Italiano binòcoli Tedesco Fernglas.

binoculàre , vrb Definizione abbaidare a binòcolos Frasi Antonandria binoculeit a inghíriu (P.Pillonca)

binómiu , nm Definizione cantidade, summa cumposta de duas partes, foedhu cumpostu de duos númenes (ma a bortas dhu narant de duos númenes po cosas chi andhant o si agatant sèmpere paris, allobaos) 2. su binómiu fantasia-resone est su motivu printzipale in sas òperas de Rodari Traduzioni Francese binominal, binôme Inglese binomial Spagnolo binomio Italiano binòmio Tedesco Binom, Wortpaar, Paar.

binósu , agt Definizione chi giughet binu, súciu meda Sinonimi e contrari mustiosu Etimo srd.

bínsa , nf Definizione su bínchere Sinonimi e contrari bínchida, binchimentu, binta 1 Etimo srd.

bínsu bínchidu

bínta , nf Definizione su chi si faet o si narat giaendho a bíere una cosa po un'àtera Sinonimi e contrari dispinta, falsidade, fingidura, finta* Frasi fachia binta de èssere seberu, timendhe chi sos pitzinnos mi che serent sétios a cabadhu corona.

bínta 1 , nf: vinta Definizione su binci Sinonimi e contrari bínchida, binchimentu, binsa* | ctr. pérdia Modi di dire csn: picare o lebare b., bintas a unu, a una cosa = bínciri; dare b. = dare in bínchida; bènniri in b. de una cosa = resèssere, bínchere carchi dificurtade Frasi su malu pessare, sas disamistades paret chi apant picau sa binta a sos balores prus zustos ◊ su pessamentu de sa gherra li aiat lebau binta a sa resone ◊ sos dolores li lebant sa binta ◊ sos àteros fint pranghendhe, ma issos no aiant dau sa binta de iscapare làcrima ◊ su binu est leandhedi sa binta e che urrues in totus sas brigunzas!

bintèna , nf: bintina, vintina Definizione su tanti de binti, duas deghinas; unos o unas binti, unu tanti a fúrriu de binti Frasi in su tzilleri dhue at mesighedhas de linna e una bintena tra cadiras e iscannos ◊ in s'àula dhoi iat una bintena de bancus ◊ da una bintina de annos a como in Sardinza est náschiu e créschiu unu movimentu chi punnat a torrare a nobu s'identidade nassionale (M.Pittau) Etimo itl. Traduzioni Francese vingtaine Inglese about twenty Spagnolo veintena Italiano ventina Tedesco zwanzig, etwa zwanzig.

bínti , agt, nm: vinti Definizione duas bortas deghe (in números àrabbos 20, in números romanos XX) Etimo ltn. vinti po viginti Traduzioni Francese vingt Inglese twenty Spagnolo veinte Italiano vénti Tedesco zwanzig, Zwanzig.

bintína bintèna

bintínnu, bintínu bentína

bintirínzu, bintirítzu , nm Definizione genia de linna chi faet a cannàile longu longu, finedhedhu in is puntas prus artas e noàdiles, ma grussu fintzes cantu su bratzu in tretos de bàsciu (e coment'e ispongiatzu in mesu, tanti chi a ndhe surbare un'orrugu sicau passat s'ària o, si est allutu, su fumu): si che artzat a pitzu de is matas e che dhas ammontat puru Sinonimi e contrari alúsara, bentitzu, bidichinzu, elighinzu, filichinzu, intretzu, mussòrgia, pibiríngiu, pidighinzu, reti, tintiritzu, tretzu Terminologia scientifica mt, Clematis cirrhosa Etimo srd.

bintítzu bentítzu

bintòre , agt, nm: vintore Definizione coment'e binchidore, ma nau in su sensu de arrennèscere, de superare is dificurtades Sinonimi e contrari binchidore | ctr. peldidore Frasi cussa est isetandhe a unu chi no li at nau mai chi l'istimat, ma no ndhe benit bintore! ◊ sos meres no cheriant a lis ispropriare sa terra, ma no ndhe sunt pótios bènnere bintores ◊ mannos e ancudos chi fimus, no nos semus fatos bonos a ndhe bènnere bintores! Etimo srd. Traduzioni Francese victorieux, gagnant Inglese winning Spagnolo vencedor, ganador Italiano vincènte Tedesco siegend, Überwinder.

bíntu bínchidu

bintúnu , agt, nm: vintiunu Definizione duas bortas deghe prus unu (in números àrabbos 21, in números romanos XXI)/ a/c.: candho est agt., su númene chi benit apustis cuncordat cun su sing. de unu Frasi custu pesat bintunu chilu ◊ tenia bintun'annu e podia fai de conca mia (B.Lobina)◊ candu iat cumpriu bintun'annu, iat fatu is paperis e fiat partiu (F.Pilloni)◊ candho as a tènnere bintun'annu, si benis, cun megus ti ndhe leo! ◊ est morta a s'edade de bintun'annu Traduzioni Francese vingt et un Inglese twenty-one Spagnolo veintiuno Italiano ventuno Tedesco einundzwanzig, Einundzwanzig.