A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

brinchitadòre , agt Definizione chi brincat, chi istat o andhat a brinchidedhos Sinonimi e contrari brincadore, brincajolu Frasi sa rana est un'animale brinchitadore Etimo srd. Traduzioni Francese sautillant Inglese hopper Spagnolo saltador Italiano saltellatóre Tedesco hüpfend.

brinchitàre brinchetàre

brinchítu , nm Definizione brínchidu pitichedhu, de pagu tretu, pagu in artu Sinonimi e contrari atídhidu, brínchidu, brínchili, subesciada Frasi su cane meu mi aiat postu fatu gioghitèndhemi cun sos brinchitos suos Traduzioni Francese petit saut Inglese skip Spagnolo saltito, brinco Italiano saltèllo, salterèllo Tedesco Hüpfer.

brínchitu, brínchiu brínchidu

brínci, bríncisi , nm: brintzi, bríntziri, brintzis, printzis Definizione genia de pigionedhu de unu coloredhu orrúbiu coment'e de aràngiu in petorras e in su gúturu; genia de bobboi; a brulla si narat fintzes de su lèpere Sinonimi e contrari barbarrúbia, brentorrúbiu, brinchidhi, chiridolu, dhodhi, ghiri, iscalzurúgiu, petiruju, princiotu, tzichi, vàrvisi / berme, tilingione Modi di dire csn: brintzis a cannedha = una zenia de berme; fàghere a brintzis proas = ghetaisí in medas, a trivas, a fai una cosa Frasi andhada a brinchitos che unu brintzis ◊ addinarados e allegros che brintzi, atacant a bufare 2. pro mi azuare faghiant totu a brintzis proas ◊ candho si at fraigadu sa domo Pepantoni, totu faghiant a brintzis proas pro carrare pedra e rena Terminologia scientifica pzn, erithacus rubecula sardus Traduzioni Francese rouge-gorge Inglese robin Spagnolo petirrojo Italiano pettirósso Tedesco Rotkehlchen.

bríncu , nm Definizione móvia de botu, a cropu, chi si faet mescamente inartandhosindhe de terra, calandho de artu a terra o faendho unu passu longu meda a peis pesaos; fintzes decisione perigulosa, arriscada / min. brincaredhu, brinchighedhu Sinonimi e contrari bótiu, brinche, brínchidu, brínchili, giagu 2, sàdhidu, sàltidu, sédhida Modi di dire csn: betare, iscúdere, fàghere unu b. = fai unu sàrtidu; andhare a brincos = a sachedhadas, coment'e brinchendhe, o fintzas cambendhe cosa chentza fata, fata male, a arrogus e a mússius; fàghere a b. e a terra = ghetaisí cun lestresa meda (comenti a chini si nd'isciumbullat de su letu); zúghere su coro a brincos = a bàtidas lestras Frasi su pudhedru fit reu reu cadredhendhe a brincos ◊ pro mi ndh'essire dai cussu fogu tiro unu brincu e a su caminu! ◊ at fatu unu brincu e petzi che l'apo bidu a s'àtera bandha de su riu! ◊ su muru fit artu, epuru l'at fatu a unu brincu in tundhu! 2. si faghes cussu brincu ti costat su machine! (G.Raga) 3. innanti de si bortulare su carru apo fatu a brincu e a terra ◊ li apo betadu una boghe e at fatu a brincu e a terra ◊ de s'assuconu fit tota note cun su coro a brincos che lèpere in sachedhu Etimo spn. brinco.

brincujólu brincajólu

brinculàre , vrb Definizione controire de dhue fàere calecuna cosa, in d-unu logu / terrinu brinculadu = terrinu aundi est proibbiu su pàsculu, de frabbicai, o àteru Sinonimi e contrari avinculai, irghiare.

brinculínu , agt Definizione chi brínchidat, chi andhat brinchitendhe (puzone b.), brinchitadore.

brindài, brindhàre , vrb Definizione fàere unu bríndhisi, ma fintzes combidare, cricare o tzerriare a ccn. po dhi giare calecuna cosa, a fàere calecuna faina, a festa Sinonimi e contrari birrandai, brindhatzare / cumbidare, prejare Frasi a duos pitzocos de su bichinau los aiant brindhaos a cariare sa pasta pro fàchere su cocone ◊ dh'iant brindhau a unu tusórgiu ◊ cussa fut una maca iscaminada e dh'at brindhau a volontade sua! ◊ mi brindhabat semper su cafè fatu a budhidura.

brindhatzàre , vrb Sinonimi e contrari brindai, birrandai.

brindhatzína , nf Definizione bufóngiu, sa cosa chi si giaet faendho unu bríndhisi Sinonimi e contrari brindhatzione, cómbidu Frasi in domo ’e s'impicadu pro unore a sa fune faghent sa brindhatzina… Etimo srd.

brindhatziòne , nf Definizione bufóngiu, sa cosa chi si cómbidat faendho unu bríndhisi Sinonimi e contrari brindhatzina, cómbidu Frasi posca de sa faedhada fateint una brindhatzione Etimo srd.

brindhàu , pps, agt, nm Definizione de brindhare; chi est combidau, persona invitada fintzes a una festa, isposóngiu o àteru Sinonimi e contrari cumbidau 2. afatu de s'isposu sighit sa cambarada de s'isposu, afatu de s'isposa sighint is brindhaos de s'isposa.

bríndhisi , nm Definizione genia de festa, brindhu po bufare Sinonimi e contrari brindhatzione, cómbidu Etimo spn. brindis Traduzioni Francese toast Inglese toast Spagnolo brindis Italiano brìndisi Tedesco Toast, Trinkspruch.

bríndhu , nm Definizione su cricare o tzerriare a ccn. a si pigare cosa chi si giaet, a fàere cosa chi dhi podet pràghere Sinonimi e contrari cómbidu Frasi pro ballare no si podet arrefudare su brindhu ◊ ti so telefonandhe pro ti fàchere su brindhu a una gara de poesia Etimo srd. Traduzioni Francese invitation Inglese invitation Spagnolo convite Italiano invito Tedesco Einladung.

brintài , vrb Definizione andhare aintru de unu logu, pigare unu postu de trebballu Sinonimi e contrari intrae* | ctr. essire 2. dèu tengu abbisóngiu de unu pastori: si s'arrangiaus brintas cun mimi!

bríntzi brínci

brintzilítu , agt Definizione chi est de carena fine Sinonimi e contrari finigosu, iltrízile, scalarxiu, scarritzinu, schirriolu.

bríntziri, bríntzis brínci