A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

brischílliu , nm Definizione s'inartada chi si ndhe faet su cuadhu cun is peis de ananti Sinonimi e contrari bischílliu*, cadramissada, impinnada Traduzioni Francese cabrement Inglese rearing Spagnolo empinamiento Italiano impennata (del cavallo) Tedesco Aufbäumen.

brísciu , agt Definizione mancante, chi dhi mancat (su dinare) Sinonimi e contrari ibbrixu*, ispiantadu | ctr. bussanti

bríscu , agt Sinonimi e contrari friscu 1.

bríscula , nf Definizione pedrighedha Sinonimi e contrari brusca* 1, brúscula.

brísi , nm Definizione nau unu pagu a brulla, su lèpere Sinonimi e contrari brinci, lèpere Cognomi e Proverbi smb: Brisi Terminologia scientifica anar, lepus capensis mediterraneus Etimo srdn?

bríssia , nf Sinonimi e contrari arregalu, dàdiva, donu, presente Frasi apu fatu una bríssia a unu ◊ de su chi tenemu ndi apu fatu una bríssia.

brítiu brétiu

brítu , agt Sinonimi e contrari frios, fritu* Frasi m'intendho su coro a tochedhos e apo titillias de britu.

brítza , nf Sinonimi e contrari frècia, frícia* Frasi m'intendho solu britzas in custa mente apragastada!

britzichèta biciclèta

bríu , nm Definizione fortza e fintzes capacidade de fàere cosa / èssere chentza brios de nudha = chentza fortzas, sentíresi débbile Sinonimi e contrari balia Frasi addolumannu meu, apo pérdidu sos brios ◊ candho ti lasso, Sardigna istimada, mi truncat donzi àschidu, onzi briu ◊ su binu de Olíana est de cudhu chi mintet briu! 2. deo so su chi in brios l'apo posta e àtere si ndh'est aprofetendhe! Traduzioni Francese force, vigueur Inglese vigour Spagnolo vigor, energía Italiano vigóre Tedesco Stärke.

briunídu , agt Definizione chi est a brione, chi at bogau briones, tzeurra Sinonimi e contrari apillonau, rebudhidu, tudhidu Frasi est allegru ca at bidu sas primas fozas de su laore bessindhe briunidas Etimo srd.

bríus , nm Definizione foedhu manigiau in forma plurale in su sensu de bibbirriu, cosa chi si faet chentza unu motivu sériu o craru Sinonimi e contrari zibbírriu Frasi cussu pipiu est fadendi brius!

bríva , nf Definizione sa bregúngia chi si faet a unu brigandhodhu meda Frasi a su mairu sa mulleri dhi at fatu sa briva.

brivài, brivàre brevàre

brivasciòne, brivassiòne , nf Definizione su brivare, su fartare de sa cosa Sinonimi e contrari falta, mancamentu / controida Frasi fint abesos a su sacrifítziu e a sas brivassiones ◊ in domo de sa connada fit totu una brivascione: no podiat fàghere e ne nàrrere nudha, fit briva fena de respirare!… 2. bi at brivassione de nos faedhare Traduzioni Francese privation, défense, interdiction Inglese deprivation, prohibition Spagnolo privación, prohibición Italiano privazióne, proibizióne Tedesco Beraubung, Verbot.

brivàu , pps, agt Definizione de brivare 2. lassadu mi as in mesu a s'angustia, de carignos brivadu e de cunsizos.

brivàu 1 , agt: privadu Definizione chi no est comunale, chi no est prúbbicu ma de propiedade de unu Sinonimi e contrari padronatu | ctr. comunale, prúbbicu Frasi pro cussa domo chi at comporadu l'ant fatu un'iscritura brivada ◊ custu est terrinu brivadu Traduzioni Francese privé Inglese private Spagnolo privado Italiano privato Tedesco privat.

brívu , agt: privu Definizione chi no si podet, chi unu no podet ca si dh'ant proibbiu (s'impreat fintzes coment'e pps.); chi est chentza calecuna cosa, chi dhi mancat calecunu arremu / èssere, fàghere a b. meu, tou, sou = segundhu s'idea mia, tua, sua, chentza iscurtare nudha e a neune; èssere brivu de essire = itl. agli arresti domiciliari Sinonimi e contrari controidu, faltu, preubbidu Frasi in vidha tanno fit brivu de mascarare, a carrasecare ◊ est brivu de fàghere nudha, cun cussu malàidu gai in domo ◊ in iscola fis brivu de faedhare: guai in sardu de la repitire! (A.Puddu)◊ seu briva de bessí ca innòi chi no nci seu dèu sucedit sempri calincunu dannu! ◊ proite m'azis brivu de dogni allegria?! 2. ma iscujade, ca no ndh'apo neghe prite mi l'ant brivu sos afannos (Còntene) 3. su mortu fit isterrujadu in su trainedhu, brivu de sas manos, mutzadas a bistrale 4. cussu est a brivu sou: no li nias nudha ca tantu no iscurtat a nessunu! ◊ no ponet mente a nessunu: faghet totu a brivu sou ◊ sa pisedhina de como… sunt totu a brivu issoro (G.Ruju) Etimo itl. privo Traduzioni Francese interdit, défendu Inglese forbidden, unable Spagnolo prohibido Italiano proibito, impossibilitato Tedesco verboten, verhindert.

broàju, broàrzu , agt Definizione chi dhi praghet su brodu.