A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

brischílliu , nm Definitzione s'inartada chi si ndhe faet su cuadhu cun is peis de ananti Sinònimos e contràrios bischílliu*, cadramissada, impinnada Tradutziones Frantzesu cabrement Ingresu rearing Ispagnolu empinamiento Italianu impennata (del cavallo) Tedescu Aufbäumen.

brísciu , agt Definitzione mancante, chi dhi mancat (su dinare) Sinònimos e contràrios ibbrixu*, ispiantadu | ctr. bussanti

bríscu , agt Sinònimos e contràrios friscu 1.

bríscula , nf Definitzione pedrighedha Sinònimos e contràrios brusca* 1, brúscula.

brísi , nm Definitzione nau unu pagu a brulla, su lèpere Sinònimos e contràrios brinci, lèpere Sambenados e Provèrbios smb: Brisi Terminologia iscientìfica anar, lepus capensis mediterraneus Ètimu srdn?

bríssia , nf Sinònimos e contràrios arregalu, dàdiva, donu, presente Frases apu fatu una bríssia a unu ◊ de su chi tenemu ndi apu fatu una bríssia.

brítiu brétiu

brítu , agt Sinònimos e contràrios frios, fritu* Frases m'intendho su coro a tochedhos e apo titillias de britu.

brítza , nf Sinònimos e contràrios frècia, frícia* Frases m'intendho solu britzas in custa mente apragastada!

britzichèta biciclèta

bríu , nm Definitzione fortza e fintzes capacidade de fàere cosa / èssere chentza brios de nudha = chentza fortzas, sentíresi débbile Sinònimos e contràrios balia Frases addolumannu meu, apo pérdidu sos brios ◊ candho ti lasso, Sardigna istimada, mi truncat donzi àschidu, onzi briu ◊ su binu de Olíana est de cudhu chi mintet briu! 2. deo so su chi in brios l'apo posta e àtere si ndh'est aprofetendhe! Tradutziones Frantzesu force, vigueur Ingresu vigour Ispagnolu vigor, energía Italianu vigóre Tedescu Stärke.

briunídu , agt Definitzione chi est a brione, chi at bogau briones, tzeurra Sinònimos e contràrios apillonau, rebudhidu, tudhidu Frases est allegru ca at bidu sas primas fozas de su laore bessindhe briunidas Ètimu srd.

bríus , nm Definitzione foedhu manigiau in forma plurale in su sensu de bibbirriu, cosa chi si faet chentza unu motivu sériu o craru Sinònimos e contràrios zibbírriu Frases cussu pipiu est fadendi brius!

bríva , nf Definitzione sa bregúngia chi si faet a unu brigandhodhu meda Frases a su mairu sa mulleri dhi at fatu sa briva.

brivài, brivàre brevàre

brivasciòne, brivassiòne , nf Definitzione su brivare, su fartare de sa cosa Sinònimos e contràrios falta, mancamentu / controida Frases fint abesos a su sacrifítziu e a sas brivassiones ◊ in domo de sa connada fit totu una brivascione: no podiat fàghere e ne nàrrere nudha, fit briva fena de respirare!… 2. bi at brivassione de nos faedhare Tradutziones Frantzesu privation, défense, interdiction Ingresu deprivation, prohibition Ispagnolu privación, prohibición Italianu privazióne, proibizióne Tedescu Beraubung, Verbot.

brivàu , pps, agt Definitzione de brivare 2. lassadu mi as in mesu a s'angustia, de carignos brivadu e de cunsizos.

brivàu 1 , agt: privadu Definitzione chi no est comunale, chi no est prúbbicu ma de propiedade de unu Sinònimos e contràrios padronatu | ctr. comunale, prúbbicu Frases pro cussa domo chi at comporadu l'ant fatu un'iscritura brivada ◊ custu est terrinu brivadu Tradutziones Frantzesu privé Ingresu private Ispagnolu privado Italianu privato Tedescu privat.

brívu , agt: privu Definitzione chi no si podet, chi unu no podet ca si dh'ant proibbiu (s'impreat fintzes coment'e pps.); chi est chentza calecuna cosa, chi dhi mancat calecunu arremu / èssere, fàghere a b. meu, tou, sou = segundhu s'idea mia, tua, sua, chentza iscurtare nudha e a neune; èssere brivu de essire = itl. agli arresti domiciliari Sinònimos e contràrios controidu, faltu, preubbidu Frases in vidha tanno fit brivu de mascarare, a carrasecare ◊ est brivu de fàghere nudha, cun cussu malàidu gai in domo ◊ in iscola fis brivu de faedhare: guai in sardu de la repitire! (A.Puddu)◊ seu briva de bessí ca innòi chi no nci seu dèu sucedit sempri calincunu dannu! ◊ proite m'azis brivu de dogni allegria?! 2. ma iscujade, ca no ndh'apo neghe prite mi l'ant brivu sos afannos (Còntene) 3. su mortu fit isterrujadu in su trainedhu, brivu de sas manos, mutzadas a bistrale 4. cussu est a brivu sou: no li nias nudha ca tantu no iscurtat a nessunu! ◊ no ponet mente a nessunu: faghet totu a brivu sou ◊ sa pisedhina de como… sunt totu a brivu issoro (G.Ruju) Ètimu itl. privo Tradutziones Frantzesu interdit, défendu Ingresu forbidden, unable Ispagnolu prohibido Italianu proibito, impossibilitato Tedescu verboten, verhindert.

broàju, broàrzu , agt Definitzione chi dhi praghet su brodu.