A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

brincarésu , agt Definitzione nau de animale, chi si che brínchidat, chi si che essit de su logu, de malos peis, no abbarrat inue dhu ponent; nau de fémina, chi est conchilébia, chi andhat cun s'unu e cun s'àteru Sinònimos e contràrios andharesu Terminologia iscientìfica ntl Ètimu srd.

brincatórju brincadórgiu

brínche , nm: brínchie Definitzione móvia de botu, a cropu, chi si faet mescamente inartandhosindhe de terra, calandho de artu a terra o faendho unu passu longu meda Sinònimos e contràrios bótiu, brínchidu, brínchili, brincu*, giagu 2, sàltidu, sédhida Frases sa die de sa festa est a unu brínchie e no biet s'ora de mustrare sa braga a sa zente chi at a bènnere a la bisitare Tradutziones Frantzesu saut, bond Ingresu jump Ispagnolu salto Italianu salto Tedescu Sprung.

brinchedhài, brinchedhàre , vrb Sinònimos e contràrios brinchetare Frases is pipiedhus totu pigaus de cussu giogu cumentzant a brinchedhai de su prexu e a tzacarrai is manus (I.Delussu) Ètimu srd.

brinchetàre , vrb: brinchidai, brinchidare, brinchietare, brinchitare Definitzione andhare o istare a brinchidedhos, brincare Sinònimos e contràrios brincae, brinchillai, cadraminciare, sciampitai, subesciare Frases sa pudha passat in carrela brinchitendhe ◊ is angionis funt brinchidendi ◊ custu béciu brínchidat che unu pibitziri ◊ cudhu brínchidat che unu cerbu ◊ càndhero dhi ant giau cussos giogos, su piciochedhu si est postu a brinchidare ◊ candho fustis piciochedhos de deghe o dóighi annos andhaiaus a brinchidare in is muredhos Ètimu srd. Tradutziones Frantzesu sautiller Ingresu to hop about Ispagnolu brincar Italianu salterellare Tedescu hüpfen.

brinchiàda brincàda

brinchiadòre, brinchiadòri brincadòre

brinchiàre brincàe

brinchidài, brinchidàre brinchetàre

brinchídhi , nm Definitzione genia de pigionedhu de unu colore orrúbiu coment'e de aràngiu in su petus e in su gúturu Sinònimos e contràrios barbarrúbia, brinci, dhodhi, ghiri, iscalzurúgiu, petiruju, princiotu, tzichi Terminologia iscientìfica pzn.

brínchidu , nm: abbrínchidu, brínchiru, brínchitu, brínchiu Definitzione móvia de botu, a corpu, chi si faet mescamente inartandhosindhe de terra, calandho de artu a terra, faendho unu passu longu meda pesandhondhe is peis impare Sinònimos e contràrios bótiu, brinche, brínchili, brincu, giagu 2, sàltidu, sédhida, tídhidu Maneras de nàrrere csn: andai a brínchidus = a séllidas, a sedhas, che a su lèpere; ghetai unu brínchidu = fàghere unu brincu Frases su brínchidu de su cuadhu no dh'apu mai tímiu ◊ nàsciu, funt a bébidus e a brínchidus cument'e crabus! ◊ at iscutu unu brínchiu e si ch'est ghetau a supra in d-unu dómine ◊ de su prexu depit ghetai brínchidu che craba in logu de arrocas! ◊ duos brínchios e che fimus in iscola ◊ is piciochedhos andhànt de parte in parte de su camminu a brínchidos e a críbidos Ètimu srd. Tradutziones Frantzesu saut, bond Ingresu leap Ispagnolu salto Italianu salto Tedescu Sprung.

brínchie brínche

brinchietàre brinchetàre

brinchighédhu , nm Definitzione min. de brincu, brinchidedhu Sinònimos e contràrios brincaredhu Tradutziones Frantzesu petit saut Ingresu hop Ispagnolu saltito Italianu saltellino Tedescu Hüpfer.

brínchili , nm Sinònimos e contràrios bótiu, brinche, brínchidu, brinchitu, brincu, giagu 2, sàltidu, sédhida Frases s'isposu est sartendi a brínchilis, de su prexu! Ètimu srd.

brinchillài, brinchilliài , vrb Definitzione brincare, istare a brínchidos, a su brinca brinca; si narat fintzes in su sensu de si dha passare chentza male Sinònimos e contràrios brinchitare, cadrabudhai, sciampitai, subesciare Frases su pipiu brinchillat e giogat che un'angionedhu ◊ su pisci brinchílliat ◊ sa piciochedha… ge brinchílliat: gioghendi in cortili est!◊ s'est ingortu e dhi est incrésciru mera: ita naras, ca dhoi at brinchilliau?! 2. po s’ora ge seus a bellixedhu, ge brinchillaus!… Ètimu srd. Tradutziones Frantzesu sautiller Ingresu to hop Ispagnolu brincar, retozar Italianu saltellare Tedescu hüpfen.

brinchillítu , nm Definitzione piticu, nau a brulla a unu piciochedhu.

brinchiólu , agt Definitzione chi istat a brínchidos Sinònimos e contràrios brincajolu Frases su bantzigare continu e brinchiolu de su ballu Ètimu srd.

brinchiónzu , nm Definitzione su brincare, su istare a su sarta sarta, brinchidandho Ètimu srd.

brínchiru brínchidu