A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

brollósu , agt Sinonimi e contrari catarrosu.

bróllu bòdha 2

bròma , nf: bruma Definizione greme berrinadore, genia de bobboi (animaledhu croxudu) chi si papat su linnàmene de mare Sinonimi e contrari tàralu, zannarolu Terminologia scientifica crp, teredo navalis Etimo spn., itl. broma, bruma Traduzioni Francese taret Inglese sea woodworm Spagnolo taraza Italiano terèdine Tedesco Schiffsbohrwurm, Schiffswurm, Pfahlwurm.

bròma 1 , nf, nm: bromu Definizione genia de animaledhu de mare chi ispirtit tocandhodhu, faet a pistidhore e a faes in sa pedhe (is partes chi prus si distinghent funt su capedhu e is cambas)/ bromus ortziada = zenia de animaledhu de mare a zisa de paracu abbertu, itl. idromedusa Sinonimi e contrari bròmbulu, grumma 1 Frasi candu intramu a mari ndi bessei cun is cambas a maràndulas de su bromu chi dhoi fut Etimo itl.s bromu.

bròmbulu , nm, agt: bròmulu Definizione genia de animale de mare chi faet a pistidhore e a faes in sa pedhe; nau in cobertantza, unu tontatzu Sinonimi e contrari broma* 1, grumma 1 / babbalocu, gingiorre, istrònscia, tolondro, tontu, scimpri 2. o bròmbulu, o prupu, o cotzina, arrocali! ◊ ma lah ca est unu bròmbulu, cussu cristianu, lah! ◊ cussus funt bonus isceti a ndi pigai su dinai a is bròmbulus! Terminologia scientifica crp Traduzioni Francese méduse Inglese jellyfish Spagnolo medusa Italiano medusa Tedesco Qualle, Meduse.

bromigiài , vrb Definizione betare cosa de papare a s'abba po fàere cúrrere su pische a ue funt is gamos paraos Sinonimi e contrari anniscai Etimo srd.

bromígiu , nm: brumígiu Definizione esca po pische (ammesturu de sardina, casu, pane, pedrighedhas biancas) chi impreant is piscadores a gamu Sinonimi e contrari aesca Etimo itl. brumeggio Traduzioni Francese amorce, appât Inglese bait Spagnolo cebo Italiano ésca Tedesco Köder.

bròmu bròma 1

bròmulu bròmbulu

bronchíta, bronchíte , nf: brunchita Definizione maladia chi leat a bruncos Sinonimi e contrari saredha Frasi custa bronchita no mi lassat isperriai passu ◊ ndi at aciapau sa bronchita ◊ si mi est salarzada sa bronchite e su dutore at chérfidu a mi ricoverare Terminologia scientifica mld Traduzioni Francese bronchite Inglese bronchitis Spagnolo bronquitis Italiano bronchite Tedesco Bronchitis.

broncopormoníte , nf Definizione bronchite e prummonite totu impare Terminologia scientifica mld.

bronetínu , agt: prunetinu Definizione genia de colore asulu Sinonimi e contrari biaitu, blau, bleu, méschinu Terminologia scientifica clr Etimo itl. brunettino.

brónnia brògna

bronúsciu brenúsciu

bronzédhu , nm Definizione iscova de argiolas o mundha domos: una genia de erba linnosa, fragosa, bona po iscovas a mundhare fora e a uscrare porcos Sinonimi e contrari alacasu, alluevogu 1, calacasu, cocici, locasu, luchitu, lucrexu, mummueu, ossassi, spinedopis Terminologia scientifica rbl, Stachys glutinosa Etimo srd.

broósu brodósu

bròre , nm Sinonimi e contrari fiore* Frasi apo a bíere a nobu tra brores de paparantzolu leporedhos nobales (G.Delogu).

bròscia , nf Definizione prendha de oro, a ispilla, po aguantare s'isciallu o de pònnere in su pannu de petorras Sinonimi e contrari fermàlliu Frasi portat giunchíglius, fermàglius, bròscias e anedhus ◊ no ischias inue pònnere pitu pro cudha bròscia antiga de oro infustu (A.Spano) Terminologia scientifica prd Etimo itl. broscia Traduzioni Francese épingle Inglese brooch (big) Spagnolo agujón Italiano spillóne Tedesco große Anstecknadel.

bròssa , nf, nm: brota, brotza Definizione is cambos noos de is matas, sa tzeurra de s'erba naschindho Sinonimi e contrari froedha, fruntza, inseurru, irbrossa, pigionatzu Frasi su terrinu fit galu netu de brossa Cognomi e Proverbi smb: Brotza, Brozza, Brozzas Etimo srd. Traduzioni Francese bourgeon, pousse Inglese germination Spagnolo brote, botón Italiano germòglio Tedesco Sproß.

bròssa 1 , nf Definizione genia de ispàtzula, aina po bruscare, ispatzulare is cuadhos Sinonimi e contrari ambrústia, brusca, frutosa, irbrossa, isprumadore 1 Terminologia scientifica ans Etimo ctl., spn. brossa, broza.