A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

brollósu , agt Sinònimos e contràrios catarrosu.

bróllu bòdha 2

bròma , nf: bruma Definitzione greme berrinadore, genia de bobboi (animaledhu croxudu) chi si papat su linnàmene de mare Sinònimos e contràrios tàralu, zannarolu Terminologia iscientìfica crp, teredo navalis Ètimu spn., itl. broma, bruma Tradutziones Frantzesu taret Ingresu sea woodworm Ispagnolu taraza Italianu terèdine Tedescu Schiffsbohrwurm, Schiffswurm, Pfahlwurm.

bròma 1 , nf, nm: bromu Definitzione genia de animaledhu de mare chi ispirtit tocandhodhu, faet a pistidhore e a faes in sa pedhe (is partes chi prus si distinghent funt su capedhu e is cambas)/ bromus ortziada = zenia de animaledhu de mare a zisa de paracu abbertu, itl. idromedusa Sinònimos e contràrios bròmbulu, grumma 1 Frases candu intramu a mari ndi bessei cun is cambas a maràndulas de su bromu chi dhoi fut Ètimu itl.s bromu.

bròmbulu , nm, agt: bròmulu Definitzione genia de animale de mare chi faet a pistidhore e a faes in sa pedhe; nau in cobertantza, unu tontatzu Sinònimos e contràrios broma* 1, grumma 1 / babbalocu, gingiorre, istrònscia, tolondro, tontu, scimpri 2. o bròmbulu, o prupu, o cotzina, arrocali! ◊ ma lah ca est unu bròmbulu, cussu cristianu, lah! ◊ cussus funt bonus isceti a ndi pigai su dinai a is bròmbulus! Terminologia iscientìfica crp Tradutziones Frantzesu méduse Ingresu jellyfish Ispagnolu medusa Italianu medusa Tedescu Qualle, Meduse.

bromigiài , vrb Definitzione betare cosa de papare a s'abba po fàere cúrrere su pische a ue funt is gamos paraos Sinònimos e contràrios anniscai Ètimu srd.

bromígiu , nm: brumígiu Definitzione esca po pische (ammesturu de sardina, casu, pane, pedrighedhas biancas) chi impreant is piscadores a gamu Sinònimos e contràrios aesca Ètimu itl. brumeggio Tradutziones Frantzesu amorce, appât Ingresu bait Ispagnolu cebo Italianu ésca Tedescu Köder.

bròmu bròma 1

bròmulu bròmbulu

bronchíta, bronchíte , nf: brunchita Definitzione maladia chi leat a bruncos Sinònimos e contràrios saredha Frases custa bronchita no mi lassat isperriai passu ◊ ndi at aciapau sa bronchita ◊ si mi est salarzada sa bronchite e su dutore at chérfidu a mi ricoverare Terminologia iscientìfica mld Tradutziones Frantzesu bronchite Ingresu bronchitis Ispagnolu bronquitis Italianu bronchite Tedescu Bronchitis.

broncopormoníte , nf Definitzione bronchite e prummonite totu impare Terminologia iscientìfica mld.

bronetínu , agt: prunetinu Definitzione genia de colore asulu Sinònimos e contràrios biaitu, blau, bleu, méschinu Terminologia iscientìfica clr Ètimu itl. brunettino.

brónnia brògna

bronúsciu brenúsciu

bronzédhu , nm Definitzione iscova de argiolas o mundha domos: una genia de erba linnosa, fragosa, bona po iscovas a mundhare fora e a uscrare porcos Sinònimos e contràrios alacasu, alluevogu 1, calacasu, cocici, locasu, luchitu, lucrexu, mummueu, ossassi, spinedopis Terminologia iscientìfica rbl, Stachys glutinosa Ètimu srd.

broósu brodósu

bròre , nm Sinònimos e contràrios fiore* Frases apo a bíere a nobu tra brores de paparantzolu leporedhos nobales (G.Delogu).

bròscia , nf Definitzione prendha de oro, a ispilla, po aguantare s'isciallu o de pònnere in su pannu de petorras Sinònimos e contràrios fermàlliu Frases portat giunchíglius, fermàglius, bròscias e anedhus ◊ no ischias inue pònnere pitu pro cudha bròscia antiga de oro infustu (A.Spano) Terminologia iscientìfica prd Ètimu itl. broscia Tradutziones Frantzesu épingle Ingresu brooch (big) Ispagnolu agujón Italianu spillóne Tedescu große Anstecknadel.

bròssa , nf, nm: brota, brotza Definitzione is cambos noos de is matas, sa tzeurra de s'erba naschindho Sinònimos e contràrios froedha, fruntza, inseurru, irbrossa, pigionatzu Frases su terrinu fit galu netu de brossa Sambenados e Provèrbios smb: Brotza, Brozza, Brozzas Ètimu srd. Tradutziones Frantzesu bourgeon, pousse Ingresu germination Ispagnolu brote, botón Italianu germòglio Tedescu Sproß.

bròssa 1 , nf Definitzione genia de ispàtzula, aina po bruscare, ispatzulare is cuadhos Sinònimos e contràrios ambrústia, brusca, frutosa, irbrossa, isprumadore 1 Terminologia iscientìfica ans Ètimu ctl., spn. brossa, broza.