A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bròssa 2 , nf Definitzione arena cun orrughedhos de pedra, giarra, cosa de isterratzu, crachina, pedra Frases ghetai o cobèrriri un'arruga de brossa Ètimu ctl., spn. brossa, broza.

brossàre , vrb Definitzione segare sa brossa, is pigiones de is matas Sinònimos e contràrios irbrossare, irfizare, irmarare, ispudhonare Ètimu srd.

brossólu barciólu

bróstu bóstru

bròta bròssa

brotadúra , nf Definitzione su bogare is cambos noos chi faent is matas, nau de àtera cosa puru Sinònimos e contràrios ogridura, pillonadura 2. che abba dae pèlcia a brotadura li s'aundhant de prantu sas pupias Ètimu srd.

brotài, brotàre , vrb Definitzione su essire o bogare is cambos noos de is matas; su essire fora de s'abba de una vena Sinònimos e contràrios afroghedhare, apillonai, brionare, brionire, broculare, brundhire, ibbrotare, incorumedhai, puzonire, rebbrotai / benai, bundhare, tzurruare Frases est che àlvure chena piús brotare fruas ◊ sas àrbures sunt brotendhe linna noa ◊ bi at unu fiore brotendhe ◊ sas fruedhas sunt brotendhe torra 2. s'abba budhindhe ndhe brotat su bullu dae su labiolu ◊ ndhe brotat de abba frisca, cussa funtana!…◊ li brotaiat su sàmbene dae nares 3. e cantas curreladas ti faghias cantendhe cantu in coro brotaias! ◊ li brotat dae coro s'augúriu prus bellu ◊ incantos divinos brotat sa terra Ètimu ctl., spn. Tradutziones Frantzesu jaillir, prendre sa source, naître Ingresu to spring Ispagnolu brotar, manar Italianu scaturire Tedescu sprossen, quellen.

brotàle , nm Definitzione su cambu nou de s'iferta chi at bogau, tentu Frases pustis de duos annos dai s'infelchidura, su brotale si ch'est fatu longu e si che podet achedhare in giardinu (G.Addis) Terminologia iscientìfica rbr Ètimu srd.

brotícu , nm Definitzione [ o bróticu?] its? Frases fiat brufuendi che unu broticu e cacendi e isturridendi.

brótu bótu 3

bròtza bròssa

brotzàda , nf Sinònimos e contràrios brotzu 1, arrascotu, soru.

brotzàre , vrb Definitzione nau de su late postu a còere candho est aghedandhosi, fàere a brotzu, a casu, morrere Sinònimos e contràrios acasare, aforratzai, arrecotare Ètimu srd.

brotzólu barciólu

brotzòne , nm Definitzione brotzu mannu, genia de lepedha manna Sinònimos e contràrios ispadinu Sambenados e Provèrbios smb: Brotzone Terminologia iscientìfica ans Tradutziones Frantzesu coutelas Ingresu bad knife Ispagnolu cuchillo Italianu coltellàccio Tedescu großes Messer.

brótzu , nm Definitzione genia de lepedha a lama unu pagu fàrchina / min. brocitu, brocitedhu Sinònimos e contràrios arrasoa, lepa Sambenados e Provèrbios smb: Brotzu, Brozzu Terminologia iscientìfica ans Ètimu ctl. brotxa.

brótzu 1 , nm Definitzione apustis piscau su casu, est su chi essit de su soru postu in su fogu a imbudhidare fintzes agiummai a puntu de pesare búdhidu Sinònimos e contràrios brotzada, arrascotu, martadhu, martzedhu, soru, sorugotu / cdh. bróciu Frases su sustentu fit a fae e lardu, casu, brotzu e giodhu ◊ si ponzeit a fàghere seadas de brotzu, chi piaghiant a totos tres Sambenados e Provèrbios smb: Brotzu, Brozzu Terminologia iscientìfica mng Ètimu crsn. bròcciu.

brotzuítu , nm Definitzione asa de broca Frases cussu portat is cambas trotas che brotzuitus! (M.B.Manconi)

brotzulàre , vrb Definitzione coment'e fàere a brotzu, nau de sa caciadura chi faent is pipios suendho chi ndhe torrant su late acasadu; nau de sa majonesa faendho, chi si morit, no sighit a fàere.

bròu blò