A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bandhiadúra , nf: bandhidadura Definizione su bandhidare, su essire a bandhidare Sinonimi e contrari bandhidànscia, bandhidazu, bandhidonzu Frasi zuchiat su coro nighedhu biendhe sa bandhiadura de s'ammorau Etimo srd.

bandhiàre , vrb: abbandidai, bandhidare, bannidare, bannitare Definizione essire o fàere su bandhiu, istare faendho su bandhiu, cuau, in logu chi no si potzat bíere Sinonimi e contrari ilbandhidare Frasi s'amicu fit bandhiandhe chin d-una pedhe a pala ◊ si fit dadu a bandhidare pro no fàghere su militare, ca bi deviat istare dóighi annos Etimo srd. Traduzioni Francese prendre la fuite Inglese to go into hiding Spagnolo huir Italiano darsi alla latitanza Tedesco sich verbergen.

bandhiàre 1 , vrb Definizione andhandho, pèrdere sa filada de un'improntu, girare a una bandha de malesaura o a dónnia modu chentza dhu bòllere / andhare bandhiendhe = a egas e a ogas Sinonimi e contrari istantonai, tontonare Traduzioni Francese faire une embardée Inglese to skid Spagnolo derrapar Italiano sbandare Tedesco schleudern.

bandhiàza , nf: bandhidaza Definizione is bandhios; su bandhidare Sinonimi e contrari bandhidazu 2. at fatu barant'annos de bandhidaza Etimo srd.

bandhícu , nm Sinonimi e contrari banchitu, iscannu.

bandhidadúra bandhiadúra

bandhidànscia, bandhidàntzia , nf: bandhitàntzia Definizione su bandhidare, su essire a bandhidare, su tempus chi unu che istat bandhidandho Sinonimi e contrari bandhiadura, bandhidazu, bandhidia, bandhidonzu Frasi si est dadu a sa bandhidànscia ◊ si fit dadu a sa bandhidànscia ca aiat fatu dannu mannu Etimo srd.

bandhidàre bandhiàre

bandhidàza bandhiàza

bandhidàzu , nm Definizione su bandhidare, su essire a bandhidare Sinonimi e contrari bandhiadura, bandhidànscia, bandhidera, bandhidonzu, bandhulizu, bannidamentu Etimo srd. Traduzioni Francese fuite Inglese being on the run Spagnolo huida Italiano latitanza, banditismo Tedesco Verborgensein, Banditenwesen.

bandhidèra , nf: Definizione su bandhidare, su istare bandhidandho Sinonimi e contrari bandhiadura, bandhidànscia, bandhidazu, bandhidonzu Frasi sa bandhidera l'at ischida fàchere e no at disturbadu a nemos Etimo srd.

bandhidía , nf Definizione su bandhidare, su istare bandhidandho Sinonimi e contrari bandhiadura, bandhidànscia, bandhidazu, bandhidonzu Etimo srd. Traduzioni Francese fuite Inglese being on the run Spagnolo estar en paradero desconocido Italiano latitanza Tedesco Verborgensein.

bandhidínzu , nm Sinonimi e contrari bandhidànscia, bandhidonzu.

bandhidónzu , nm Definizione su bandhidare, su istare bandhidandho Sinonimi e contrari bandhiadura, bandhidànscia, bandhidazu, bandhidia Etimo srd. Traduzioni Francese fuite Inglese being on the run Spagnolo estar en paradero desconocido Italiano latitanza Tedesco Verborgensein.

bandhidòre , nm: bandidori, bandiroi, bannidore Definizione chie andhat in giru peri sa bidha, in is orrugas, a betare su bandhu; chie betat su bandhu Sinonimi e contrari bandhista, banduladori, grideri, pregonadore, pregoneri Frasi su bandhidore si parat in rughes de carrela a betare su bandhu ◊ tue ses pinzos de pagu valore: podes andhare bene a bandhidore a dare bandhos peri sas piatas (Pirastru) Terminologia scientifica prf Etimo itl. Traduzioni Francese crieur public Inglese town crier Spagnolo pregonero Italiano banditóre Tedesco öffentlicher Ausrufer.

bandhídu , nm: bandhiu, bannidu, bannitu Definizione chie si apartat o cuat po no dhu aciapare sa giustítzia; dhu narant fintzes a sa andaciana o pischeri, una genia de bobboi de abba / ponnirisí bandiu = essire a bandhidare, tzacàresi fora Sinonimi e contrari foressidu, ibbanniu, sbandiu / andaciana Frasi a sos bandhios, si no si arrendhent, totu sos dannos chi si fachent li los ghetant a issos ◊ pro bandhidos e ladros sempre atzesas apas pregadorias chi in amore giambent su malu fàghere! ◊ sos pitzinnos zogant a bandhios e carabbineris ◊ fit semper bannitu, semper ventuleri Traduzioni Francese bandit Inglese bandit Spagnolo bandido Italiano bandito Tedesco Bandit, Räuber.

bàndhidu , agt Definizione chi est fatu cun isciala, cun importu mannu, de si pàrrere meda, bene Sinonimi e contrari grandhe / lumenosu Frasi ant fatu un'isposonzu bàndhidu ◊ terra istimada, sole bàndhidu de su coro, bois sezis s'ànima mea! (L.Moro Chironi)◊ in sa durche campura de s'infiniu nadro che sole bàndhidu (F.Satta) Etimo srd. Traduzioni Francese solemnel Inglese solemn, bright Spagnolo solemne Italiano solènne, luminóso Tedesco prächtig, leuchtend.

bandhíre , vrb: bandiri, bannire Definizione betare su bandhu; fàere ischire, nàrrere sa cosa a totus, a gente meda / b. in sas bàtoro contonadas = dare a ischire sa cosa a totugantos, iscandhulizire una cosa Sinonimi e contrari bandhizare, gridai, trumbitai / isprubbicare Frasi su benniolu est banninne frófighes e pètenes ◊ at bandhidu pumatas friscas a piatza Etimo itl. Traduzioni Francese crier une annonce Inglese to announce Spagnolo pregonar Italiano bandire, pubblicizzare Tedesco bekanntmachen.

bandhísta , nm Definizione chie betat is bandhos, nau fintzes in su sensu chi prédicat e isterret un'idea, una fide, un'ideale; sonadore de una bandha Sinonimi e contrari bandhidore, grideri, pregonadore, pregoneri Frasi santu Pàulu fit bandhista e apóstulu de Cristos Terminologia scientifica prf.

bandhitàntzia bandhidànscia