A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cacaredhósu , agt: cagaredhosu Definizione chi est a cagaredha, nau de ccn. in su sensu chi timet dónnia cosighedha Sinonimi e contrari cagoni, cobardu, timecaca, timigiolu Frasi de fronte a cudhos si pariat unu timijolu, unu cagaredhosu Terminologia scientifica ntl Etimo srd. Traduzioni Francese peureux, craintif Inglese shitheel Spagnolo cagón Italiano pàvido, cacóne Tedesco ängstlich.

cacariàre , vrb: cracariare, crocoriare Definizione su cantare chi faent is pudhas, fàere cacàrios Sinonimi e contrari calcarare, cocolae, iscacarare Frasi pariat una pudha cacariandhe ◊ una corronca est fuida crocoriendhe Traduzioni Francese caqueter, coasser Inglese to make a din, to croak Spagnolo cacarear, croar Italiano schiamazzare, crocchiare, gracidare Tedesco schnattern, quaken.

cacaríbos , nm Definizione pilloni de santu Perdu, de santu Martinu, genia de pigione a bellos colores, a bicu longu: papat pische e faet in is errios e in oru de mare in tempos de passera Terminologia scientifica pzn, alcedo atthis Etimo srd. Traduzioni Francese martin-pêcheur Inglese kingfisher Spagnolo martín pescador Italiano martin pescatóre Tedesco Eisvogel.

cacarína , nf: cagarina Sinonimi e contrari cacaredha Etimo srd.

cacarínu , agt Definizione nau de intina de craba, chi est a ispertiadas e cun marchighedhos in colore de castàngia in cara Etimo srd.

cacariólu , nm Definizione genia de petonadura de is pilos de sa fémina chi dhos portat longos, coment'e imbodhigaos a tedile tundhu in sa sedha de su cúcuru (unu pagu a cara a daesegus) Sinonimi e contrari ciónciu, cocoiledhu, cucajone, cucale, cuchedha, cucurinu, picioce Etimo srd.

cacàriu , nm: cracàliu, cracàriu Definizione su carraxu, is boghes chi faent is pudhas e pudhos cantandho; su càntidu de is arranas Sinonimi e contrari acróidu Frasi s'intendhet cacàrios de pudhighina ◊ a cracàlius su caboni su mengianu mi ndi at iscidau 2. cussu logu fit unu regnu de paghe addulcadu dae su cantu de sas chígulas, su cracàriu de sas ranas Terminologia scientifica bga Etimo srd. Traduzioni Francese caquetage, coassements Inglese bird row, croaking Spagnolo alboroto producido por aves Italiano schiamazzo di volatili, gracidìo Tedesco Geschnatter.

cacaródhu , agt Sinonimi e contrari cacone Etimo srd.

cacarólu , agt Definizione chi est timerosu meda Sinonimi e contrari cacarodhu, timecaca.

cacàrra , nf Definizione genia de pantalones de furesu chi is pastores ponent prus che àteru po múrghere Frasi ma serradhas is barras, chi paris una cacarredha, sempri fuedhendi!

cacàrra 1 , nf Sinonimi e contrari aciamarra, bestebedhi, besti.

cacarrài , vrb Definizione bestire cun cacarra Frasi bisu ancora su lanudu mantu chi cacarràt sa pressoni mia (G.Manconi).

cacàrru, càcaru , agt Definizione chi est a ischecos, a marcos, a pintirighinos de àteru colore / barveghe càcara = bianca a magras niedhas, biscacada; tilibische cacarru = cancarru Sinonimi e contrari bardeju, barjolu, biscacadu, incespiau, pintarinadu, pintolinadu, randhinadu Traduzioni Francese bigarré Inglese variegated Spagnolo jaspeado Italiano screziato Tedesco gesprenkelt.

cacasennorèdha , nf Definizione pane de sirbone, pane o fà de procus, patata pórchina: genia de frore chi faet a patatedha ladita, asuta Sinonimi e contrari cacacú, cacamalune, cucú 1, lepirisposu, ortiedhu, sennoredha Terminologia scientifica rba, Cyclamen repandum Etimo srd.

cacasína , nf: carcasina, cascasina, cascaxina, cascuina Definizione ladamíngiu chi lassat su bestiàmene inue passat, ma si narat fintzes de su ladamíngiu de sa gente Sinonimi e contrari cadhajoni, dhàdhara, ghiritoni, gradhajone, ladhagione, làdhara, vasura / cdh. cacarúgnulu Frasi sos caminos unu tempus fint prenos de cascasina búbula ◊ su carrabbusu bivet in sa cascasina Etimo srd. Traduzioni Francese excrément Inglese excrement Spagnolo excremento Italiano escreménto Tedesco Exkrement.

cacasúciu, cacasútzu , agt, nm: cagasuci, cagasutzu Definizione unu chi istat a su time time faendho is cosas, mescamente chie est de manu istrinta, malu a giare, arrestigu Sinonimi e contrari aggantzadu, limidu, spissecu, susuncu Frasi asuriu e cagasutzu, sèmpere acarrazandhe dinare! Etimo srd.

cacatógiu cacadórju

cacatúra cacadúra

cacàtza , nf Definizione genia de isprugadura de colore grogo chi faent is gràndhulas grassas in su cundhutu de is origas Traduzioni Francese cérumen Inglese earwax Spagnolo cerumen, cera de los oídos Italiano cerume Tedesco Ohrenschmalz.

cacàu , pps Definizione de cacare / cagadu in ogos = tzimigosu.