A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

carzolína , nf Definizione codronera, pigionedhu chi portat sa conca orrúbia, su tzugu niedhu píghidu in su gatzile e biancu in su gúturu, is pinnias in pitzu in colore tanadu e biancas asuta cun sisias biancas e niedhas Sinonimi e contrari cadrallina*, cardanera, cardelita, gardolina, passarilinu Terminologia scientifica pzn, carduelis carduelis tschusii.

càsa , nf Definizione abiàrgiu, casidhu, su niu chi faet s'abe in is tuvos de is matas o de orrocas, o fintzes àteru bobboi chi faet mele / min. casedha Sinonimi e contrari istallu 1 / abialzu, bugnu, caidhu, mógiu, moitedhu Frasi una borta e dua ndhe li apo intesu, a babbu, de contos de casas de abe!…◊ su muscone, si li forroxant sa casa, si difendhet cun rejone! ◊ lis mustresit s'abe in sas casas Cognomi e Proverbi smb: Casa, Casas Terminologia scientifica sbs Traduzioni Francese nid d'abeilles Inglese beehive Spagnolo panal de abeja Italiano nido delle api Tedesco Bienennest.

casàca , nf Definizione genia de trastu a bestire in pitzu Terminologia scientifica bst Etimo itl. Traduzioni Francese casaque Inglese jacket Spagnolo casaca Italiano casacca Tedesco Kasack.

casachína , nf Definizione genia de trastu a bestire in pitzu Sinonimi e contrari giancheta Terminologia scientifica bst.

casàda , nf: casata Definizione su primu late apenas fatu su fedu (nau de sa fémina); nau de s'animale, sa colostra posta a budhire chi si càgiat e faet a casu Sinonimi e contrari cabóstigu Cognomi e Proverbi smb: Casada Terminologia scientifica csu Etimo srd.

casadína , nf, nm: casatina, caxadina, caxadinu Definizione genia de druche, tundhu e ladu, fatu cun prenimentu de casu friscu (si ndhe faet fintzes cun arriscotu): in sa pasta trebballada a pígiu fine, segada tundha, si ponet su prenimentu de casu lassau aghedare, fatu a farinos e cundhiu, e si artiant unu pagu is oros, a pitzicorros, poi si coent in su forru Sinonimi e contrari cadagina, pàdrua Frasi bi aiat biscotos, amaretes, tilicas, montogadas e casadinas ◊ sas casadinas si faghent a Pasca ◊ s'intendhiat su fiagu de sos cótzulos, de sos pabassinos e de sos caxadinos Terminologia scientifica drc Etimo srd.

casàdu , agt Definizione nau de su late, chi est cagiau, fatu a cagiau Sinonimi e contrari cagiau, preta 1 Terminologia scientifica csu Etimo srd.

casàja , nf Definizione logu ue faent su casu cun métidos e machinàrios de indústria Sinonimi e contrari caciara, casifíciu, latiera 2. latinista? bolis biri ca custu trabballat in logu de casaja?! ◊ unus cantu annus apu portau su lati a sa casaja Traduzioni Francese fromagerie Inglese diary Spagnolo quesería Italiano caseifìcio Tedesco Käserei.

casàju , nm: casàrgiu Definizione chie faet o bendhet casu Sinonimi e contrari caseri Terminologia scientifica prf Etimo srd. Traduzioni Francese fromager Inglese diaryman Spagnolo quesero Italiano casaro Tedesco Käsemacher.

casalàdu , agt Definizione abbasciau, incasciau, calau coment'e cosa sicandhosi Sinonimi e contrari abasciau, calau Frasi deo cun su bonete casaladu, cun sas manos in mata, a bentre in susu, apo a pàrrere drommidu (B.Truddaju)◊ s'àinu zughiat a costazos un'ispéssia de alas casaladas, duos sacos bóidos.

casàle , agt Definizione mescamente nau de linna, chi est bècia meda / feruledha casale = una calidadi de feurra (Thapsia garganica) Sinonimi e contrari becru / cdh. casali | ctr. noàdile Frasi custa est un'àrvere casale Cognomi e Proverbi smb: Casale, Casali Etimo ltn. casalis.

casàle 1 , nm Definizione domo de campu / gheta casales = betadomos, dannarzu mannu Sinonimi e contrari casile, madau Etimo ltn. casalis.

casalétu , nm Definizione genia de cannita po pònnere casu a sicare, po dhu chistire Sinonimi e contrari arreciau, cadaletu 1, canníciu, casalire Frasi timendhe, che at cuadu su babbu in su casaletu de sa paza Terminologia scientifica pst.

casalíre , nm: casarile Definizione sa frochidha chi si ponet in pitzu de su cadhàrgiu po dhue pònnere is discos faendho su casu; sa cannita inue si ponet su casu po asciutare Sinonimi e contrari forchidha / arreciau, cadaletu 1, canníciu, casaletu Frasi in su cubile bi at abbarrau lachinza, madricau chene murtu, corcarjos e fruales chin carchi casarile de castannarju Terminologia scientifica pst Etimo srd.

casaméntu , nm Definizione domo manna; cosa meda Sinonimi e contrari dominàriu Terminologia scientifica dmo.

casamíru , nm Definizione chi o chie, po is fàeres chi tenet, est unu pagu de tímere, o fintzes pagu abbistu, chi si lassat pigare in giru: bellu chichiu, pudhighinu… Sinonimi e contrari pècore Frasi Isperraluminu fit unu bellu casamiru: atzicadu piús de un'ebreu, niunu si ammentaiat su sambenadu giustu!(S.Patatu)

casàna , nf Sinonimi e contrari masonada Frasi de zente chi podiat fàghere bella fregura in cust'isporto bi ndhe aiat una casana Cognomi e Proverbi smb: Casana.

casandrínu , agt Definizione chi est pesau in domo, chi istat in domo, chi no est abbituau a istare in su sartu Sinonimi e contrari domaresu, domarzu, pudhinu | ctr. agreste Etimo crsn. Traduzioni Francese domestique Inglese domestic Spagnolo doméstico Italiano domèstico Tedesco häuslich.

casàrgiu casàju

casaríle casalíre