A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

colojàre , vrb Definizione furriare a s'àtera parte, imbuscinare a furriadura Sinonimi e contrari boltare, furriai, mòere Frasi sa panedha de su casu si che ponet in d-un'isterzu de abba frita a manera chi, colojèndhela onzi tantu, leet a intostare (G.Addis)◊ sas panedhas si dassant in sa murza colojèndhelas pro leare sale a parte e àtera.

colombèra , nf: columbera Definizione logu chi dhue faent su niu e sa cria is culumbos, genia de buidu, de calanca, in logu de muru Sinonimi e contrari columbàriu Traduzioni Francese pigeonnier, colombier Inglese dovecot Spagnolo palomar Italiano colombàia Tedesco Taubenschlag.

colombéri , nm: columberi, culumberi, cumboberi, cumboreri, cumbuleri, cummoberi Definizione genia de armadiedhu lassau in su muru po pònnere calecuna cosa (mescamente acanta a sa forredha); su buidu chi lassant in is muros – a bortas – candho ndhe leant su ponte; istampu mannu in is muros, in orrocas, buidedhu chi dhue faent su nidu is culumbos o, si est a paris de terra, genia de cundhutu asuta de muru po passare abba Sinonimi e contrari abburgadorzu, acajolu, camaritu, fenesta, macarina, percolu Frasi candho essis lassa sa crae in su culumberi! ◊ chie iscultat in columberi de muru iscultat male anzenu e sou puru ◊ in sas cumbessias sas bentanedhas pariant culumberis ◊ ponimus sos luminos in su culumberi de su furru ◊ at postu sa cafetera in su cumboberi tupau cun sa tendhina 2. custu muru est totu a culumberis de cantu est male fatu ◊ connoschet donzi culumberi inuve s'impercant sas cosas pérditas ◊ eis biu cussus colomberis me in s'arroca: in cussus istampus dhui biviant feminedhas chi tessiant a tralàrgiu de òru… Etimo ctl. colomer Traduzioni Francese placard Inglese small room Spagnolo alacena Italiano pìccolo vano, ripostìglio nei muri Tedesco Abstellraum.

colombína , nf Definizione brutesa, su ladamíngiu de is culumbos.

colombra , nf Definizione its, colobra? ibbàlliu po colobra? Frasi a istare intro de dommo sua est coment'e chi essat sa colombra e apenas chi podet si nch'essit a su portale!

colombrài colembrài

colómbu caómbu

colomínzu colimínzu

coloncòne calancòne

colòndra , nf Definizione pilastru, pedra segada de longu prus che àteru tundha, totu a unu o a orrugos unu in pitzu de s'àteru, po aguantare parte de unu fràigu Sinonimi e contrari colunna, coróndua, piloto 2. fràiga colondras de amore! Terminologia scientifica dmo Etimo itl. colonda.

colonéllu , nm: coronellu, coronnellu Definizione uficiale militare de gradu artu Sinonimi e contrari cdh. culunellu Frasi s'armada sarda fit bene arguida, sendhe tres coronellos cumandhantes (R.Congiu)◊ candho fit andhadu a tirare in leva, fatèndheli sas lastras, unu coronnellu li aiat àpidu una mància in mesu de petorras Etimo spn. coronel Traduzioni Francese colonel Inglese colonel Spagnolo coronel Italiano colonnèllo Tedesco Oberst.

colónia , nf Definizione logu de unu pópulu isfrutau in podere asuta de un'istadu angenu, sa gente etotu de su logu asuta de guvernu angenu; logu ue is presoneris trebballant iscontendi una pena; logu de pàusu ue s'istat passandho una sumana po cambiare ària, po ispàssiu 2. atressat totu su sartu de sa colónia po si assegurai chi is cundennaus ant fatu su trabballu Traduzioni Francese colonie Inglese colony Spagnolo colonia Italiano colònia Tedesco Kolonie.

coloniàle, coloniàli , agt Definizione de colónia.

colonialísmu , nm Definizione manera de fàere e domíniu de chie, mescamente un'istadu, si faet mere de su logu angenu.

colonialísta , agt, nm Definizione amantiosu de su colonialismu, chi o chie faet colonialismu.

colonizadòre , agt, nm Definizione chi o chie si apoderat de su logu angenu, si faet mere de su chi pertocat po diritu naturale a un'àteru pópulu, de èssere mere in logu suo e de si guvernare a manu sua.

colonizàre , vrb Definizione andhare a si fàere meres de su logu de un'àteru pópulu.

colonizatziòne , nf Definizione su si apoderare su logu angenu, de un'àteru pópulu, su dhu mantènnere asuta de domíniu Traduzioni Francese colonisation Inglese colonization Spagnolo colonización Italiano colonizzazióne Tedesco Kolonisation.

colòra colòbra

colorài , vrb: colorare Definizione intínghere, giare un'àteru colore a sa cosa Sinonimi e contrari colorire, tígnere Etimo srd. Traduzioni Francese colorer Inglese to colour Spagnolo colorar Italiano colorare Tedesco färben.