A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

culichédhu , nm Definizione min. de culu Sinonimi e contrari culitu.

culíciu , nm Definizione panníciu chi s'imbodhigat a su culitu de is pipiedhos Sinonimi e contrari mantedha 1 Etimo srd. Traduzioni Francese couche-culotte Inglese napkin Spagnolo pañal Italiano pannolino assorbènte Tedesco Windel.

culiértu , agt Sinonimi e contrari birbante, canàgliu, fulbu.

culièta , nf Definizione sa cosa furada aguantada cuada Sinonimi e contrari pidigone Traduzioni Francese butin Inglese stolen goods Spagnolo robo Italiano refurtiva Tedesco Beute.

culiètas , nf Definizione genia de papare fatu cun fenugu cotu a budhiu e poi fríssiu, casu, oos, cundhimentu, e imbodhigau in sa fògia de sa beda, de fríere e sighire a còere in su forru Terminologia scientifica mng.

culifíta , nf: culivita Definizione cropu giau cun sa manu aperta a nàdigas Sinonimi e contrari innadiada, isculivita, nadiada Frasi candho fisti minore, basos e carinnos ti apo dadu, culivitas e pítighes de amore Etimo srd.

culifrújinu , nm Definizione s'arrana comente naschit: dhu narant deasi ca in s'abba curret lestra lestra fruschinandho sa coa Sinonimi e contrari conchemallu, conconi, culifúrria Terminologia scientifica crp Etimo srd.

culiggràve , agt, nm Sinonimi e contrari cojanesu, mandrone Etimo srd.

culiggrògo , agt Definizione chi est brutu de cagaredha Sinonimi e contrari iscacarodhau Etimo srd.

culigiòne cruguxòni

culilgiòni cruguxòni

culilúche, culilúghe, culilúxi , nm, nf: cululugi, cululúgiu, cululuxi Definizione genia de bobboi pitichedhu chi paret una lughighedha, a denote, in terra; fintzes ischintídhia de ferru abbrigau chi ch’essit comente su maistu dhu pistat a martedhu / min. culilugaredhu; ocros de culiluche = minudedhos Sinonimi e contrari cululúcidu, lucheluche, ogulúcidu Frasi sunt culilughes e los at crétidos làmpanas! ◊ culilughe, in custu sero de istiu ti bido bolendhe ◊ sas culiluches dúrriant a mizas, si àmpulant, si abbassant, surcandhe s'aera assiant, s'irderghent, giocandhe inchietas 2. su ferreri mazanne su ferru in s'incódine ispraghet culilughes a dónnia parte Terminologia scientifica crp, lampyris noctiluca, cantharis fusca, malachius aeneus, rhagonicha fulva Etimo srd. Traduzioni Francese luciole Inglese firefly Spagnolo luciérnaga Italiano lùcciola Tedesco Leuchtkäfer.

culimànnu , agt Definizione chi portat nàdigas mannas, culu mannu Sinonimi e contrari culaciudu, culudu Etimo srd.

culimínzu colimínzu

culimpípa , avb Sinonimi e contrari culimpíperi, pimpirinu Etimo srd.

culimpíperi, culimpípiri, culimpísperu , avb: culispíspidi, culispíspiri Definizione a c. = abbasciau a cara a denanti cun sa conca, ma cun su culu in artu, o fintzes coment'e cicios tocandho is melas de is cambas cun is còscias Sinonimi e contrari culimpipa, pimpirinu Etimo srd.

culingiòni crubixòni

culingiòni 1 , nm Definizione tretu piticu apartau, mescamente tra duos muros o àteru chi faent un'àngulu, nau de logu piticu (de domo, de s'ogu) o fintzes mannu (de sartu, de àteru) Sinonimi e contrari ancione, angrone, arranconi, chizolu, chizonada, chizone, coda 1, corroncone, crucuzone, cruju, currungioni, furringoni.

culinighédhu , agt Definizione chi portat su culu niedhu Etimo srd.

culinsécus , nm, avb: culissegus Definizione culu in segus, a desegus (chi est sèmpere deasi, ma nau in su sensu de andhare torrandho agoa ma abbaidandho a denanti o parte contrària)/ andhare a c. = torrai acoa Sinonimi e contrari incuadas, palipissegus, sculusculu Etimo srd. Traduzioni Francese marche arrière Inglese reverse (motion) Spagnolo marcha atrás Italiano retromàrcia Tedesco Rückwärtsgang.