ecologístu , nm Definizione arrespetosu mannu de s’ambiente naturale e po cussu apentau a dhu difèndhere e contivigiare, a si ndhe serbire chentza dhu distrúere Sinonimi e contrari ambientalistu.
economía , nf: acolomia* Definizione
totu su chi pertocat su trebballu, totu is atividades de trebballu, su produire css. bene chi podet serbire a calecunu iscopu; su impreare sa cosa chentza ndhe perdimentare, impreandhondhe su tanti chi bastat, su prus pagu chi si podet
Sinonimi e contrari
aorru,
economizu,
rispàrmiu,
stràviu
Traduzioni
Francese
économie
Inglese
economy
Spagnolo
economía
Italiano
economìa
Tedesco
Ökonomie.
económicu , agt Definizione chi costat pagu; chi pertocat s'economia.
economísta , nm Definizione istudiosu e connoschidore de s’economia, prus che àteru po comente est cuncordada e funtzionat Terminologia scientifica prf.
economizadòre , agt Definizione chi faet economia, nau in su sensu chi avitat o faet risparmiare, ispèndhere o consumare pagu.
economizàre , vrb Definizione fàere rispàrmiu, consumare o ispèndhere prus pagu Sinonimi e contrari acolomizare, arresparmiai, avitare, cadeliare, istraviare 1, sparagnai.
economízu , nm: aconomígiu Definizione su economizare, su fàere avitu, rispàrmiu Sinonimi e contrari aorru, rispàrmiu | ctr. istrubberia, sperdítziu Frasi in banca, fin'a s'últimu momentu, buscadu su sodhitu che poniat: ma de s'economizu ite ndh'at tentu?! (P.Zedda) Etimo srd.
ecònomu , nm Definizione chie in is amministratziones tenet s'incàrrigu de àere su manígiu de su dinare, disponet de, o contivígiat, su dinare de manígiu.
ecràxu ecàxu
ecrisàre, ecrissàre eclisài
ecrísse eclíssi
ecuatòre, ecuatòri , nm Definizione
logu (línia) de sa Terra inue is ràgios de su Sole a mesudie orruent a totu annu a prumu e currespondhet a is puntos de sa Terra chi funt a sa matessi distàntzia inter is Polos (e po cussu giustu giustu a istúturu a 90 grados cun s'asse): cosa chi ispartzit sa Terra in duas metades oguales de mannària
Frasi
sunt duas sas diferéntzias mazores chi dhu cumprennet chie cunsiderat canno arrivat a s'ecuatore e bidet su sole in mesu a s'aera (T.Borrodhe)◊ s'ecuatori est longu 40.076 chilómitrus
Terminologia scientifica
slg
Traduzioni
Francese
équateur
Inglese
equator
Spagnolo
ecuador
Italiano
equatóre
Tedesco
Äquator.
ecuatoriàle , agt Definizione de s'ecuatore, chi pertocat s'ecuatore o is logos de acanta.
ecuatziòne , nf Definizione su èssere oguales de valore duas espressiones matemàticas, duos tantos, fintzes duos significaos.
ecuilibbrài, ecuilibbràre , vrb Definizione pònnere in echilíbbriu una cosa, cuncordare is cosas a manera de no ispendhentare, de no pèndhere a una parte, de no giare prus importu a una parte o a s'àtera.
ecuinótziu , nm Definizione est sa borta, una in beranu e una in atóngiu, chi, po comente est posta sa Terra cun su Sole, die e note durant giustu su matessi tanti e in dónnia logu de sa Terra.
ecuivalènte, ecuivalènti , agt Definizione chi currespondhet a su matessi tanti, chi balet su matessi tanti.
ecuménicu , agt Definizione chi est de totu su mundhu, chi pertocat totu su mundhu / concíliu e. = atóbiu de is píscamos de totu su mundhu.