A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

èda 1 , nf: era 1 Sinonimi e contrari candhelalzu, èdola, èllera, eravera, folladedha, follaera / cdh. grédhula Cognomi e Proverbi smb: Era.

edàde, edàdi , nf: erari Definizione su tempus de sa vida de unu, is annos chi tenet Sinonimi e contrari tempus Frasi totu su chi amus fatu in pitzinnia, como chi intrados semus in edade, nos paret oro de prima calidade! ◊ s'edade mia avantzada est aggravada de unu male puru ◊ candu femmu dèu a s'edadi tua prus de su coràgiu fut sa timoria! (Urru)◊ candho eo fia de s'edade tua no ischia cantare che a tie (Cubeddu) Etimo ltn. aetate(m) Traduzioni Francese âge Inglese age Spagnolo edad Italiano età Tedesco Alter, Lebensalter.

edalítzu , nm Definizione orrugu de istentina grussa, de procu, prenu de sàmbene cundhiu e cotu Sinonimi e contrari bidalíciu Terminologia scientifica mng.

eddeàllu! eàllu!

eddúcas, eddúnca , cng: adducas Definizione foedhu chi si narat coment'e po acabbare un'arrexonu, faendho is conclusiones, e medas bortas fintzes cumenciandhodhu Sinonimi e contrari tandho Frasi no est dàbbile chi campe sentza de tue: benzat, edducas, sa morte e mi privet de sa vida! Etimo srd.

edédu , nm Definizione chedhita, tropedhu de edos, de crabitos Sinonimi e contrari edúliu Etimo srd.

edénticu , agt: idénticu* Sinonimi e contrari totunu.

èdera , nf: edra, èdrela, èreda, èrede Definizione genia de matedu chi faet a cannàiles (coment’e a funes) e si ligat a forte a truncos e muros; a logos est sa sirba de su melone o àteru deasi Sinonimi e contrari candhelalzu, eda 1, èdola, èlere, èllera, eravera, folladedha, follaera / cdh. grédhula Frasi sa edra si allatzat a sas àrvures ◊ sa copertura de sa crésia in su monte est cucuzada de èrede 2. in su càmiu ant istérritu s'èdera de su melone etotu, a modhita, pro garrigare Etimo itl. édera.

ederaggràssa , nf Definizione genia de erba grassa chi si che artzat a in artu che a sa edra Sinonimi e contrari follaeraggrassa Terminologia scientifica rba, Senecio angulatus.

èdha , prn Definizione issa, cussa: prn. chi s'impreat po fémina Frasi canto mutos pro edha ◊ pagu bèni edha! ◊ cussos animales de bandhios no aiant pr’edha perunu rispetu nen grabbu.

edheà , avb Sinonimi e contrari achelu, acodhu, addeallu, allodhu, midhu Frasi edheà sa veridade! Traduzioni Francese voilà Inglese here it is (you are) Spagnolo he aquí, he allí Italiano ècco! Tedesco da.

édhu , prn Definizione isse, cussu: prn. po ómine Frasi sos ammentos de unu de edhos li parent interessantes (A.Deplano)◊ cudhos connoschent su locu menzus d'edhos ◊ cussu dirgrassiau picait a punzos sos prus débbiles d’edhu (G.Brocca).

edícola, edícula , nf Definizione genia de butega ue bendhent giornales Frasi cudha zòvana ocrianaiat sos fotoromanzos in s'edícula.

ediculéri , nm Definizione chie tenet edícola, butega pruschetotu de giornales Frasi s’ediculeri dhi depiat bèndiri ancora númerus medas de su giornali.

edilàre , vrb Definizione pònnere o acorrare is crabitos in s'aili Sinonimi e contrari immandrare | ctr. isedilare Etimo srd.

edíle , nm: adile, eile, eili Definizione ispétzia de barracu a ischinale po is crabitos, po dhos agguantare istagiaos, abbandha de is mamas Sinonimi e contrari chirra, chiostru, salcone Frasi su crabitu in s'ierru restaiat in cuile, fit allatadu in cuerru, in s'eile (B.Fadda) Terminologia scientifica pst Etimo ltn. *haedile.

edína , nf Definizione pedhe de crabitu Etimo ltn. haedinus.

édina , nf Sinonimi e contrari alisanzedha, sédina.

edissiòne , nf: editzione, editzioni Definizione istampa, pubblicatzione de un'òpera iscrita, líbberu o giornale Traduzioni Francese édition Inglese edition Spagnolo edición Italiano edizióne Tedesco Ausgabe.

editòre, editòri , nm Definizione chie tenet coment'e impreu o faina de impresa su de pubblicare líbberos e/o giornales.