A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

furriótu , nm Definizione su furriare, fúrriu, giru de ballu, fintzes logu o tretu inue si fúrriat, contonada; inghírios de foedhos po cumbínchere a unu; genia de ispantamata chi si apicat po fàere a tímere is pigiones; una calidade de pane longhitu e grussu po festas e isposòngios; un’apenas de cosa pigada coment'e furriandho is pódhighes; aina o parte de un'aparíciu po furriare calecuna cosa: furriotu de porta, de fentana, de frenu / furriotu de binu = barrile, cubedhutzu (fintzes po pigare abba a bufare) Sinonimi e contrari furriada, fúrriu, ifiliestu, inghiriotu, ibbadhinamentu, molinada / cantonada, carronada / mustagione / giótula / piticada Frasi est pighendumí a furriotus a conca ◊ su bentu cun d-unu furriotu pariat chi si nci fiat istesiau 2. furriotos cun arte, bellos pro abbovare zente menga ◊ custus furriotus no mi andant: mi est pighendi a gana maba ◊ e drínghili!… no mi fetzas totus cussus furriotus! 3. ses unu furriotu fatu po ispriai su pilloni: dexis apicau a una mata de figu! 5. ancu tengat arrori: est unu furriot'e píbiri, cust'ómini! ◊ is furriotus dhus faint de linna de castàngia ◊ portandi cussu furriotu prenu de piciou ca si ndi feus una bella acirrara!◊ a bíngia si portaus unu furriotu de àcua po bufai e una crocoriga de binu Terminologia scientifica pne, ans Etimo srd. Traduzioni Francese tour Inglese turn Spagnolo giro, espantajo, clase de pan Italiano giro Tedesco Drehung.

furriótula , nf Sinonimi e contrari furriotu, giótula Etimo srd.

furrísca forrísca

fúrriu , nm, avb: afúrriu Definizione su furriare, in totu is significaos; logu acanta a ue si istat; fintzes avolotu contr'a ccn. Sinonimi e contrari dúrriu, fórtzicu, furriada, furriotu, ghiradura, gíriu, inghíriu / acurtzu / rebbellia Modi di dire csn: fúrrios de conca = scimíngiu; avb. a fúrriu = a su fúrria fúrria, acurtzu; de fúrriu = impresse, de fúrria; in d-unu f. = in tempus de unu sinnu; zúghere carchi cosa a fúrriu cun àteras = pònniri is cosas a candu s'una a candu s'àtera; a fúrriu de mesudie = a oras de mesudie, faci a mesadí; a f. de luna = candho comintzat sa luna noa; unu f. de ballos = una ballada Frasi si funt postus a fai fúrrius de ballu ◊ a su cuadhu dhi at fatu fai unu mesu fúrriu ◊ no mi parit berus ca tèngiu cosa dèu puru: labai cantus fúrrius nci at in sa vida!…◊ est sempri a fúrrius in su letu! ◊ cincu chilus de malloredhus cun otu caboniscus no ant fatu mancu unu fúrriu! ◊ custa sceda at fatu su fúrriu de su mundu 2. su cumpanzu mi contabat sas cosas capitadas in su fúrriu ◊ aiat acatau duos pastores de fúrriu tentàndheli su cabadhu ◊ a sa festa arribbant dae sas bidhas de fúrriu 3. soe semper a fúrriu e candho bos bio andhandhe a sos locos bos imbídio! ◊ est a fúrriu in bichinau isetandhe s'amicu ◊ s'anzone arrustindhe cheret muntesu a fúrriu pro no si brusiare 4. est sempri a maba gana e a fúrrius de conca 5. fata sa rughe, Chisinera ch'essit de fúrriu dae crésia ◊ in totu sa dí no fais un'arroghedhu de su chi sorga tua fait in d-unu fúrriu 6. is féminas iant pesau avolotu, unu fúrriu a totu is prepoténsias Cognomi e Proverbi prb: is cuadhus bellus si bint a is úrtimus fúrrius Etimo srd. Traduzioni Francese tour, environs, à proximité Inglese turn, outskirts Spagnolo giro, alrededores Italiano giro, vicinanze, dintórno Tedesco Drehung, Runde, Nähe, Umgebung, ringsherum.

furronàgia , nf Definizione sa forredha de su ferreri Sinonimi e contrari fornali, forronali.

furronàgiu , nm Definizione trebballadore de forru de crachina o àteru deasi Sinonimi e contrari forraju Etimo srd.

furronàle, furronàli forronàli

furronèra , nf Sinonimi e contrari forraxi Frasi at vistu atrempandhe unu fumu pariat su fumu de una furronera (N.Rubanu)◊ in sas furroneras fachiant sos matones Etimo srd.

furrótula forrótula

fúrru fórru

furrugonài forroconàre

furruncàre forroncràre

furruncòni, furrungòni furringòni

furtíca , nf Sinonimi e contrari frochita* Frasi pigaisí tiaxola, furtica, tassa e gortedhu e benei a prandi.

furticàrju forticàrju

furtíche, furtícu fortícru

furtiédhu , nm Definizione genia de pesu chi si ponet a su fusu po mantènnere istirau su filu, filandho a manu Sinonimi e contrari cócura, cucurale, furriedhu, irotu, lódiru, ortiedhu, ruédhula, rueledha, ruella, vertichedhu Terminologia scientifica ts.

furtizàre , vrb Sinonimi e contrari atrotixai, folfigiare, fortzicare, profizare | ctr. isprofizare, strogai Frasi sa lana pro s'istàmine depet èssere furtizada menzus e prus fine Etimo srd.

furtúna foltúna

furtunàu fortunàdu