A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

imbrillòni , nm Sinonimi e contrari borcionitus, brillone, castagnetas, griglione*.

imbríllu , nm Definizione cantighedhu de cosa, trebballau e fatu de abbarrare prantau, chi si ponet po dhu fèrrere giogandho a bòcia a imboladura a manu: su prus piticu si narat noixedhu Sinonimi e contrari birillu*, óntzulu / cdh. bridhu Terminologia scientifica ggs Traduzioni Francese quille Inglese skittle Spagnolo bolo Italiano birillo Tedesco Kegel.

imbríllu 1 imbrílliu

imbrimbinadúra , nf Definizione su imbrimbinai Sinonimi e contrari imbímbinu, losinga Etimo srd.

imbrimbinài imbimbinàre

imbrimbinàu , pps, agt Definizione de imbrimbinai Sinonimi e contrari imberriadu.

imbrimbinósu , agt Definizione chi costumat a pigare a imbrímbinos Sinonimi e contrari carignadore, caritziosu, carosu Etimo srd. Traduzioni Francese caressant Inglese caressing Spagnolo acariciador Italiano carezzévole Tedesco zärtlich.

imbrímbinu imbímbinu

imbrinucadúra , nf Definizione su imbrinucare, imbenugare Etimo srd.

imbrinucàre imbenuciàre

imbrinucàu , pps, agt Definizione de imbrinucare 2. mi sèghero úmile e pentiu, imbrinucau in pedes de un'artare (F.Satta).

imbriscàre , vrb Definizione atzitzare contras a ccn. (es. is canes) Sinonimi e contrari auntzare, incidai, inciulai, insissiligai, intzullire Frasi innanti l'at minetadu e apustis li at imbriscadu sos canes ◊ pro muntènnere su cradeone issoro ant imbriscadu sos gherreris a bochire sa zente!

imbrisconàu , agt Definizione nau de unu, chi est de naturale alligru, briosu.

imbríscu , nm Definizione su imbriscare, nau fintzes in su sensu de cómbidu, ingrangúgliu Sinonimi e contrari incídiu Frasi no ti arrendhas, aiscurta sos imbriscos de sa vida!

imbrisiài , vrb Definizione andhare, fèrrere, iscúdere cosa a tretu atesu Sinonimi e contrari imbolare, imbrillai, lampare 1 Frasi su bentu imbrísiat aundi bollit e tui nd'intendis s'amuinu (Ev.)◊ fut beniu unu zúmiu, comenti e candu imbrísiat unu bentu forti ◊ s’araxi frida chi m'imbrisiàt a chitzi in pitzus de su cuadhu m’iat acroxolau is genugus ◊ dhis donànt s’aciocu iscudendi de perda chi imbrisiàt acantu fuant is dus pastoris.

imbrocàda , nf Definizione su imbrocare Etimo srd.

imbrocadórzu , nm Definizione logu, mescamente comunale, inue che iscapant bestiàmene grussu a pàschere Sinonimi e contrari iscapadorzu / cdh. sbrucatógiu Frasi cussu terrinu fit un'imbrocadorzu, ma como est unu bell'ortedhu Etimo srd.

imbrocadúra , nf Definizione su imbrocare Etimo srd.

imbrocàre , vrb Definizione acumpangiare a ccn. (o animales) fintzes a unu tretu e iscapare o lassare andhare chi sigant a solos, fàere intrare a calecunu logu, fàere andhare a unu logu giaendho calecunu indítziu e lassare andhare a unu a solu, chi si arranget / imbrocàresi a ccn. = dàreli a subra, carrabbugliai, imbestire Sinonimi e contrari imbucare, iscapare Frasi cuss'anzone che l'imbrochet a pàschere in carchi tanca! ◊ su babbu a su pisedhu che l'aiat imbrocadu in montes a pastorigare ◊ Fulanu fit chirchendhe casu e che l'apo imbrocadu a tale domo ◊ che l'at imbrocadu a su logu e l'at lassadu a si arranzare.

imbrocibài , vrb: imbrocilai Definizione acapiare su trigu messau a mannugos, messandho a manu Etimo srd.