A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

impomporissàu , agt Definizione [G. Piras, Che unu passirillanti 36: trad. "rosseggiante"] Frasi allirgu, impomporissau ses arribbau ◊ in costera, in sa planura est su logu una pintura, allirgu, impomporissau.

impomporredhàre , vrb Sinonimi e contrari apompai, impomponare, ispomporodhare Frasi a su tic de sas màchinas fotogràficas dat un'ispronizada pro chi su cadhu abbarret prus frimmu, cumpostu e s'impomporredhet.

impòndhere , vrb Definizione totu is significados de impònnere Sinonimi e contrari impòniri*.

imponéncia, imponénscia , nf: imponéntzia Definizione mannària ispantosa e bella, o importu chi unu si giaet de comente faet / donaisí i. = dàresi importu, fintzas fàghere su barrosu Sinonimi e contrari grandhesa, grandhiosidade, impoltànscia Frasi s'imponénscia de su monte Limbara 2. faci de trugiota, si donat imponéntzia puru!… ◊ su podestade, a iscàrgiu mannu e arrelórgiu de prata, portàt s'imponéntzia de unu rei Traduzioni Francese majesté Inglese magnificence Spagnolo majestuosidad Italiano maestosità Tedesco Majestät.

imponènte, imponènti , agt Definizione chi est mannu e ispantosu.

imponéntzia imponéncia

imponentziósu , agt Definizione chi tenet imponéntzia.

impòniri, impònnere, impònniri , vrb Definizione obbrigare a fàere, giare un’órdine, unu cumandhu, un’intima; lampare o iscúdere una cosa atesu, o fintzes andhare atesu, a calecunu logu; rfl. parare atza, foedhare chentza bregúngia po fàere bínchere un’idea, una volontade / pps. impónnidu, impostu Sinonimi e contrari cumandai, impòndhere, obbligai / imbàtere, imbolare, imperiare / abbàlere Modi di dire csn: giogare a impònnere = giogai a chini nci dha iscudit prus atesu una cosa; imponnirisí, impònneresi bene, male (nau de unu) = promítiri bèni, fai isperai bèni, avesaisí bèni, mali; èssere impone impone = agiummai lómpiu a tocai, tochendi Frasi pagos meres faiant su chi bolliant, imponendho a is pòberos su trebballu de totu sa vida in càmbiu de unu bículu de pane ◊ li at impónnidu de ndhe bogare su passaportu ◊ "Frimma cue!" - l'imponet sa boghe de su carabbineri 2. custu fusile no imponet ◊ che una saeta che l'imponzesi in bidha a dare sa chensa a sa giustítzia (G.Ruju) 3. si fizos tuos no ti ponent mente est ca tue no t'impones, sinono aias bidu! Etimo srd. Traduzioni Francese imposer, s'imposer Inglese to impose (oneself) Spagnolo imponer Italiano impórre, impórsi Tedesco durchsetzen, sich durchsetzen.

impónnidu , pps Definizione de impònnere Sinonimi e contrari impostu 2.

imporcài, imporcàre , vrb Definizione fàere che porcu, imbrutare meda Sinonimi e contrari imbratare.

imporcàu , pps Definizione de imporcare Sinonimi e contrari improcedhiu.

imporchilàre , vrb Definizione fàere a porchile su logu, imbrutare meda; rfl. imbrutare che porcu Etimo srd.

imporchíre , vrb Definizione ingrassare che porcu, fàere lussu meda Sinonimi e contrari illussare Etimo srd.

imporpóru , nm: impropóriu Definizione pane de fogu, orrubiamentu, pruschetotu de sa cara, fintzes po maladia Sinonimi e contrari arrujatzadura, irrujadura Traduzioni Francese érythème Inglese erythema Spagnolo eritema Italiano eritèma Tedesco Erythem.

imporràda , nf Definizione papada o bufada manna, unu tanti mannu Sinonimi e contrari abbentrada, abbuzada, acirrada, afraschedhada, atatamacada, sassada Frasi aiat ammanitzadu una brochita de abba e donzi tantu si ndhe faghiat un'imporrada ◊ si at postu s'ampulla de s'abbardente in dainanti e donzi tantu si ndhe bufat un'imporrada 2. in Núoro ebbia apo bidu zente gai meda po un'imporrada de poesia sarda Etimo srd.

imporràre , vrb rfl Definizione papare meda, tzatzare a tropu Sinonimi e contrari atzibbare, intruxai, mascare Etimo spn. emborrar.

importài , vrb rfl: importare Definizione interessare, àere importu; lassare a pèrdere, no fàere contu de calecuna cosa, fàere finta de nudha; giare múngia, matana, costare pelea e impícios fintzes in su sensu de cosa chi tocat a fàere Sinonimi e contrari afutire / interessai Frasi no t'intris in cosa chi pagu t'importat! ◊ faedha in artu ca importat a mie puru su chi ses nendhe! ◊ no mi ndi est importau nudha! ◊ no t'importet su chi faghent sos àteros: tue no toches cosa anzena! 2. isse de bois si ndhe importat! ◊ commo chi ti est passau cada briu ti ndhe importas de punnas galanas! ◊ issu si ndhe importat, de custas cosas! ◊ su mastru est semper brigàndhelu, ma su pitzinnu si ndhe importat ◊ ti ndhe importat: candho sa cosa est pulia podent pessare su chi lis aggradat ◊ Ziranu, importadindhe! ◊ de su bentu mi ndhe importo, sétzidu in domo iscaldíndhemi! 3. za ti est importadu, oe, totaganta die carrendhe brochetos a codhu!…◊ za li est importendhe cuss'istúdiu, sempre a tzufu a líbberu!… Etimo itl. Traduzioni Francese importer, s'en ficher Inglese to matter, not to care Spagnolo importar un comino Italiano importare, infischiàrsene Tedesco ankommen, pfeifen (auf).

importànsa impoltànscia

importànte, importànti , agt, nm Definizione chi est de giudu, de importu, chi balet o serbit meda, chi tenet valore, chi est de pònnere in contu, in càrculu; cosa de importu Sinonimi e contrari importósicu / cdh. impultanti Frasi che at atras cosas importantes chi nos at lassau su Cristos ◊ su mércuris de lísciu est die nodida e meda importante pro chie est cristianu ◊ sias sempre atentu a su volante ca in manos as unu mezu importante, si boles bene a issu e a tie! ◊ si sunt postus a fuedhai de sa mortalla is giornalis prus importantis ◊ prus importanti de su chi ti depeus nai nosu est su chi tenint de nai is antzianus 2. su chi est sutzédiu est sutzédiu: s’importante est chi issa siat sana Traduzioni Francese important Inglese important Spagnolo importante Italiano importante Tedesco wichtig.

importàntzia impoltànscia