incamàe, incamài, incamàre , vrb: ingammai Definizione pònnere su camu (in cobertantza, impedire calecuna cosa) Sinonimi e contrari acabinzonare, acamare, acamusonare Etimo srd.
incamasinàre , vrb: incomasinare Definizione
pònnere o chistire in magasinu
Sinonimi e contrari
ammagasinai,
incungiai
Etimo
srd.
Traduzioni
Francese
emmagasiner
Inglese
to store
Spagnolo
almacenar
Italiano
immagazzinare
Tedesco
einlagern.
incàmba , nf Definizione parte de calecuna cosa / intèndhere a un'i. = cumprèndiri allu po cibudha, una cosa po un’àtera.
incambàdu , pps, agt Definizione de incambare; chi est impare cun àteru, pruschetotu po trebballu, a cumone Sinonimi e contrari sóciu 2. Giorzi e Fidelicu sunt incambados in sa coperativa de su late (G.Ruju).
incambaradúra , nf Definizione su incambarare, limpiadura, allisadura de sa linna trebballada e incasciada inue portat abbagota Etimo srd.
incambarài, incambaràre , vrb Definizione pulire sa linna de s'abbagota incrostada in is incàscios; fàere una càrama, un'ischeadura a su sedhatzu po no freare s'animale; a logos, acapiare unu prantone o un'iferta a calecuna cosa po seguresa o fintzes pònnere cosa a inghíriu de no dhi fàere dannu su bestiàmene; incannedhare un'arremu segau Sinonimi e contrari incannedhae Etimo srd.
incambàre , vrb Definizione pònnere sa parte (camba) in is tàgios de cumone; bogare, fàere cúrrere una camba de abba 2. che ispinas mi punghent sa carena e m'iscurret tristura in donzi vena chei s'undha ch'incambat onzi riu (Giudice Marras) Etimo srd.
incambedhíe , vrb Definizione crèschere de cambas, illonghiare creschendho (foedhandho de piciochedhos).
incambionàda , nf Definizione
passu longu, camminandho a sa lestra
Sinonimi e contrari
ispalioncada,
ispassiotada,
sperroncu,
sperruncada
/
ttr. iparangada
Frasi
fit caminendhe a incambionadas mannas: depiat tènnere presse
Etimo
srd.
Traduzioni
Francese
grand pas
Inglese
long step
Spagnolo
zancada
Italiano
passo lungo
Tedesco
langer Schritt.
incambusciài, incambussàre , vrb rfl Definizione pònnere su cambúsciu in conca 2. andànt in giru totu incambusciadas Etimo srd.
incambussàu , pps Definizione de incambussare; chi portat cambúsciu Sinonimi e contrari cambusciau.
incambutzídu, incambutzíu , agt Definizione chi portat bellos cambúcios, bonos Frasi tia Filumena fit alta, russa, incambutzida e trempodhuda ◊ arratza de pudheca est, bene incambutzia! Etimo srd.
incamedhàre , vrb Definizione firmare, poderare firmu cun calecuna cosa (es. cun ghísciu, orrugos de linna) Sinonimi e contrari incannedhae, inghijare, inghisire Frasi candho un'animale s'intopat, su pastore l'incamedhat Etimo srd.
incaminàda , nf Definizione su incaminare / bona i.! = bonu printzípiu!, bonu comintzu! Sinonimi e contrari aviada, comintzu, inghitzu | ctr. acabbu Etimo srd.
incaminaméntu , nm Definizione su incamminare, cumenciare a fàere camminu Sinonimi e contrari aviada, tuca Etimo srd.
incaminàre , vrb: incamminai Definizione
cumenciare a andhare, cumenciare su camminu, su viàgiu, pònnere in o ammostare su camminu (bonu) de fàere; fàere andhare, bogandhoche a ccn.
Sinonimi e contrari
comentzari,
incarrebai,
tocai 1
Frasi
Deus at a incamminai is passus nostus in sa bia de sa paxi ◊ sa cussorza che fit atesu e si fit incamminadu luego ◊ sa chistioni si podit incamminai fàcias a su giustu ◊ candho creias chi fist arrivadu ti fist pagu prima incaminendhe ◊ s'afari est incamminau ◊ incamminarí e bai a s'ortixedhu!
2.
is serbidoras nci dhas apu incamminadas totu: sa cosa mi dha fàciu dèu
Traduzioni
Francese
acheminer
Inglese
to begin
Spagnolo
emprender el camino,
encaminar
Italiano
avviare
Tedesco
sich auf den Weg begeben.
incamingiòni , nm Sinonimi e contrari acamingioni*, alminzone, ardubinzone, graminzone, simingioni 1 Terminologia scientifica rba, rbz, Sonchus arvensis, S. oleraceus.
incamisàda , nf Definizione cascaroni in camisa, pigare totu is cartas de su monte giogandho a cascarone Etimo itl. incamiciata.
incamisàre , vrb Definizione coment'e pònnere sa camisa: faendho sa fogàgia, acabbare su muntone ponendho sa linna fine a pígiu de pitzu.
incamminài incaminàre