A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

incujàre 1 , vrb: incuxare Definizione serrare una terra, unu possessu, ponendhodhi o faendhodhi su serru, sa cresura Sinonimi e contrari cugnare, inchesurare, tancai | ctr. abbèrrere Etimo srd. Traduzioni Francese clôturer Inglese to enclose Spagnolo cercar Italiano recintare Tedesco einfrieden.

inculacíu , agt Definizione chi giughet nàdigas mannas Sinonimi e contrari culaciudu, culimannu Etimo srd.

inculàda , nf: inculiada Definizione ispinta o sedatzada de su culu; cosa fata a trampa a dannu de unu Sinonimi e contrari incóida / trampa, troga Etimo srd.

inculàre , vrb: inculiare Definizione pònnere in culu, ispínghere cun su paneri; cuncordare una troga; camminare cun is nàdigas cerri cerri, ballandho Sinonimi e contrari futire, isbuzarrare / isculiare Etimo srd.

inculbàre incruài

inculiàda inculàda

inculiadúra , nf Definizione su inculiare; nau in cobertantza, troga o trampa cuncordada a dannu de ccn. Sinonimi e contrari inculada / trampa, troga Etimo srd.

inculiàre inculàre

inculpaméntu , nf Definizione su incurpare, betare neghe, giare sa curpa Sinonimi e contrari incurpadura Etimo srd.

inculpàre incrupài

incultàre incruciài

incultínzu , nm Definizione incurtzamentu, su segare po fàere prus curtzu Sinonimi e contrari abbreviadura, incurtzadura, incurtzamentu, incurtziada | ctr. illongadura, illónghiu Etimo srd.

incultzatóriu , nm, nf: incurciadórgiu, incurciatóriu, incurtzadorju, incurtzatóriu, incurtziadórgiu, incurtziadorju, incurtziadorza, incurtziadorzu, incurtziatórju, iscurtzatólgiu, iscurtzatóriu Definizione camminu chi si faet o logu inue si passat a truncadura, po incurtzare tempus e tretu po lòmpere a unu logu / annare, passare a incurtzatóriu = a incurtzadura, a rugadura (e no in su camminu fatu apostadamente) Sinonimi e contrari curtzadroxu, istrissiada, orrugada, rucratorju, rugadolzu, tressàrgia Frasi antziabant e falabant in sos incurtziadorjos ca a colare in su caminu fit prus allargu ◊ est un'incurtziadorza, ma no andhat fora de caminu in totu ◊ cala in s'istrada ci ti apo ammostau, non passes in s'incultzatóriu ca ti peldes!◊ po nce calae a su nostru pigaaus un'iscurtzatóriu Etimo srd. Traduzioni Francese raccourci Inglese short cut Spagnolo atajo Italiano scorciatóia Tedesco Abkürzungsweg.

incultziàdu , pps, agt: incurtziau Definizione de incultziare Sinonimi e contrari mutzinau Traduzioni Francese raccourci Inglese shortened Spagnolo acortado Italiano raccorciato Tedesco verkürzt.

incultziàre incruciài

inculumberàre , vrb Definizione arregòllere, chistire, cuare in culumberis o logos apartaos Frasi bae e ischi inue che l'at inculumberada cussa cosa, chi no bi l'apo prus bida! Etimo srd.

inculumíssu , nm Definizione genia de apretu chi si ponet a ccn. Frasi che l'ant vocau dae sa bidha a fortza de inculumissu (G.F.Sedda).

inculungionàe , vrb Definizione pònnere, betare in is culungiones o cugigones Sinonimi e contrari atrabentare, chisterrare, ispantumare.

incúlvu incrúvu

incumandài , vrb: incumandhare, incumannare, incumendhare, incumentare Definizione pedire calecuna cosa coment'e a praxere, prus che àteru un'amparu, o de badrare a unu o calecuna cosa de unu male, pònnere calecuna cosa, a ccn. o su si pònnere in manos de ccn. po amparu, po méngius seguresa; fintzes ordinare, giare órdine de comporare, de fàere, de imbiare cosa a cómporu Sinonimi e contrari acossai, arrecumandai, impreigare, incumbentzai / avincare Frasi prega dae coro, t'incumandho! ◊ Cristos in sa rughe si est incumandhadu a s'Eternu Babbu ◊ cunsidera chi Deus piedosu ti at un'ànima sola incumandhadu ◊ ànghelu de Deu, m'incumandho a tie! ◊ a Deus incumandho colpus, coro e ànima! ◊ sèbera sos ómines giustos! - li aiat incumandhadu 2. fudint bénnios dae Bolòtana a l'incumendhare custa cantone (A.Satta) Etimo spn. Traduzioni Francese confier Inglese to recommend Spagnolo recomendar, encomendar Italiano raccomandare, affidare Tedesco anvertrauen.