Ditzionàriu in línia
de sa limba e de sa cultura sarda

incujàre 1 , vrb: incuxare Definitzione serrare una terra, unu possessu, ponendhodhi o faendhodhi su serru, sa cresura Sinònimos e contràrios cugnare, inchesurare, tancai | ctr. abbèrrere Ètimu srd. Tradutziones Frantzesu clôturer Ingresu to enclose Ispagnolu cercar Italianu recintare Tedescu einfrieden.

inculacíu , agt Definitzione chi giughet nàdigas mannas Sinònimos e contràrios culaciudu, culimannu Ètimu srd.

inculàda , nf: inculiada Definitzione ispinta o sedatzada de su culu; cosa fata a trampa a dannu de unu Sinònimos e contràrios incóida / trampa, troga Ètimu srd.

inculàre , vrb: inculiare Definitzione pònnere in culu, ispínghere cun su paneri; cuncordare una troga; camminare cun is nàdigas cerri cerri, ballandho Sinònimos e contràrios futire, isbuzarrare / isculiare Ètimu srd.

inculbàre incruài

inculiàda inculàda

inculiadúra , nf Definitzione su inculiare; nau in cobertantza, troga o trampa cuncordada a dannu de ccn. Sinònimos e contràrios inculada / trampa, troga Ètimu srd.

inculiàre inculàre

inculpaméntu , nf Definitzione su incurpare, betare neghe, giare sa curpa Sinònimos e contràrios incurpadura Ètimu srd.

inculpàre incrupài

incultàre incruciài

incultínzu , nm Definitzione incurtzamentu, su segare po fàere prus curtzu Sinònimos e contràrios abbreviadura, incurtzadura, incurtzamentu, incurtziada | ctr. illongadura, illónghiu Ètimu srd.

incultzatóriu , nm, nf: incurciadórgiu, incurciatóriu, incurtzadorju, incurtzatóriu, incurtziadórgiu, incurtziadorju, incurtziadorza, incurtziadorzu, incurtziatórju, iscurtzatólgiu, iscurtzatóriu Definitzione camminu chi si faet o logu inue si passat a truncadura, po incurtzare tempus e tretu po lòmpere a unu logu / annare, passare a incurtzatóriu = a incurtzadura, a rugadura (e no in su camminu fatu apostadamente) Sinònimos e contràrios curtzadroxu, istrissiada, orrugada, rucratorju, rugadolzu, tressàrgia Frases antziabant e falabant in sos incurtziadorjos ca a colare in su caminu fit prus allargu ◊ est un'incurtziadorza, ma no andhat fora de caminu in totu ◊ cala in s'istrada ci ti apo ammostau, non passes in s'incultzatóriu ca ti peldes!◊ po nce calae a su nostru pigaaus un'iscurtzatóriu Ètimu srd. Tradutziones Frantzesu raccourci Ingresu short cut Ispagnolu atajo Italianu scorciatóia Tedescu Abkürzungsweg.

incultziàdu , pps, agt: incurtziau Definitzione de incultziare Sinònimos e contràrios mutzinau Tradutziones Frantzesu raccourci Ingresu shortened Ispagnolu acortado Italianu raccorciato Tedescu verkürzt.

incultziàre incruciài

inculumberàre , vrb Definitzione arregòllere, chistire, cuare in culumberis o logos apartaos Frases bae e ischi inue che l'at inculumberada cussa cosa, chi no bi l'apo prus bida! Ètimu srd.

inculumíssu , nm Definitzione genia de apretu chi si ponet a ccn. Frases che l'ant vocau dae sa bidha a fortza de inculumissu (G.F.Sedda).

inculungionàe , vrb Definitzione pònnere, betare in is culungiones o cugigones Sinònimos e contràrios atrabentare, chisterrare, ispantumare.

incúlvu incrúvu

incumandài , vrb: incumandhare, incumannare, incumendhare, incumentare Definitzione pedire calecuna cosa coment'e a praxere, prus che àteru un'amparu, o de badrare a unu o calecuna cosa de unu male, pònnere calecuna cosa, a ccn. o su si pònnere in manos de ccn. po amparu, po méngius seguresa; fintzes ordinare, giare órdine de comporare, de fàere, de imbiare cosa a cómporu Sinònimos e contràrios acossai, arrecumandai, impreigare, incumbentzai / avincare Frases prega dae coro, t'incumandho! ◊ Cristos in sa rughe si est incumandhadu a s'Eternu Babbu ◊ cunsidera chi Deus piedosu ti at un'ànima sola incumandhadu ◊ ànghelu de Deu, m'incumandho a tie! ◊ a Deus incumandho colpus, coro e ànima! ◊ sèbera sos ómines giustos! - li aiat incumandhadu 2. fudint bénnios dae Bolòtana a l'incumendhare custa cantone (A.Satta) Ètimu spn. Tradutziones Frantzesu confier Ingresu to recommend Ispagnolu recomendar, encomendar Italianu raccomandare, affidare Tedescu anvertrauen.