A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

meriédhu mericédhu

merijàre mediài

merínga , nf Definizione druche lebiedhu e totu biancu, a forma cónica, fatu cun s'abru de s'ou cun tzúcuru e cun méndhula ispigiolada, turrada e segada a orrughedhos longos Sinonimi e contrari bianchitu, tutunzinu, zarminu Terminologia scientifica drc.

merínu , nm: mirinu Definizione singiale chi si ponet in s'arma po agiustare su tiru, puntare bene Frasi aiat dadu unu fusile betzu càlibru vinti a cannas a tortiglione, chena merinu e cun su cúrumu a fàcia umana Traduzioni Francese guidon Inglese foresight Spagnolo mira Italiano mirino Tedesco Korn.

meriòla , nf Definizione puntu, tretu o cosa a ue si abbàidat po fèrrere su cropu, iscudendho o isparandho / zogare a sa m. = a puntare, a chie resessit de prus a fèrrere cosa Sinonimi e contrari méria.

meriolàre , vrb Definizione istare in giru chentza cabu Sinonimi e contrari bagamundai, bandhulare, faghinerare, rundai.

meriólu mariólu

meríri meríci

merísca madísca

meríssiu , nm Sinonimi e contrari meleschimentu, meréssidu, méritu Frasi non totu tenimos meríssios a una lieridade chi tocat làcanas de adhae (F.Dedola)◊ sos meríssios benint reconnotos sempre a bistentu (F.De Cortis).

meritài, meritàre , vrb Definizione prus che àteru si narat po fàere cosa (o tènnere su cumportamentu) a manera de ndh'àere o de ndhe pòdere àere calecunu prémiu, bàntidu, làudes, praxere, ma fintzes calecuna cosa de male (po curpa, neghe, farta)/ no meritare mancu abba bruta = èssere un'arga de muntonarzu, malu meda Sinonimi e contrari imminèssere, manesci, medèsciri, meressire Frasi su binu est bonu e, si mi permitís, meritat una poesia ◊ ses diventada mamma de fillus bellus e bravus: tui meritas sa palma! ◊ a si biri cun Deus, mama, ca de siguru méritas sa prama! ◊ si patimus calchi male lu meritamus! ◊ ispero de mi dareis sas gràscias, meritandhemilas in sas bonas òperas meas Etimo itl. meritare.

meritidòre , agt Sinonimi e contrari mereschidore, meritosu.

meritósu , agt Definizione chi meressit, chi si dhu meritat Sinonimi e contrari meneschidore, mereschidore Frasi a su chi est meritosu dhu vantu ◊ tue solu, o meritosa terra mia, cun alamaros de oro mi as frunidu! (L.Mudadu)◊ si iat fatu aici fiat meritosu de dhu premiai!◊ mamma, ti bollu cantai poita ses meritosa! Traduzioni Francese méritant, digne Inglese praiseworthy Spagnolo digno, merecedor Italiano meritévole, dégno Tedesco wert, würdig.

méritu , nm Sinonimi e contrari meleschimentu, meréssidu, meríssiu Traduzioni Francese mérite Inglese merit Spagnolo mérito Italiano mèrito Tedesco Verdienst.

meríu merí

mériu médiu 2

merixédhu merichédhu

merlútzu , nm: merulutzu Definizione genia de pische, su chi faent a bacagliare sicau intreu o apertu e saliu / ozu merulutzu = s'ollu de su figau de su m., impreau ca est arricu de vitaminas A e B Sinonimi e contrari mugale, mútzaru Frasi andaus a boligiai e chi est iscrofolosu piscaus merlutzu puru Terminologia scientifica psc, gadus callarias Etimo itl. Traduzioni Francese cabillaud Inglese cod Spagnolo merluza Italiano merluzzo Tedesco Kabeljau, Dorsch.

mermadúra , nf Definizione is arremos, totu sa carena po comente si paret, po comente est fata / picare sa m. dae su babbu, dae sa mama = assimbillai de carena a su babbu, a sa mama Etimo srd. Traduzioni Francese conformation Inglese body structure Spagnolo complexión Italiano conformazióne corpòrea Tedesco Körperform.

mèrme , nm Definizione greme, bobboitedhu chi faet in terra e pruschetotu in cosa pudrigada o fintzes in sa linna; idea iscimpra, loca Sinonimi e contrari belme*, ferme, lolloi, tilingione / carignàtula, tzerrone, zànnaru Frasi su sirvone bórtulat sa terra chircanne tzurruncrones, àteros mermes o pastura ◊ est una tumba de carúmenes da'ue essint rios de brutesa e mermes ischivitzosos ◊ nudu che merme 2. bocatichelos cussos mermedhos dae conca! Terminologia scientifica crp Traduzioni Francese ver, ver (rongeur) Inglese worm (wood) Spagnolo gusano Italiano vèrme, tarlo Tedesco Wurm, Holzwurm.