A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

mònza 1 , nf, nm: monzu 1 Definizione genia de tzintzigorru a papu niedhu, unu pagu piticu, a corgiolu castangiatzu de colore, chi in istade si serrat cun d-unu pígiu biancu nidu e s'interrat; a logos, monzu dhu narant a una genia de tzintzigorru chentza corgiolu nudha Sinonimi e contrari mongeta, tapada 1 Frasi est sizigliadu che monza, intro de domo Terminologia scientifica crp, helix aperta.

monzèta mongèta

monzichédha mongixédha

monzíle mongíli

monzíta , nf Definizione min. de monza, mòngia pitica, giovonedha; est fintzes una genia de tzintzigorru Sinonimi e contrari mongixedha / mongeta Cognomi e Proverbi smb: Monzitta.

mónzu mògno

mónzu 1 móngiu 1

mónzu 2 mònza 1

mòra , nf Definizione istentu a pagare, a fàere unu pagamentu.

mòra 1 mòa, mòa 1

moràda , nf Definizione domo o logu chi si faet abbitu, ue s'istat, si bivet Sinonimi e contrari abbitatzioni, abbitu Frasi in sa morada tua intrat s'araxi Etimo ctl., spn.

moradòre , nm Definizione chie faet abbitu, istat, bivet in sa morada Etimo ctl., spn. morador.

moràle molàre

moràle 1, moràli , nf, nm, agt Definizione régula, princípiu de cumportamentu e de costumas, prus che àteru nau de su fàere onestu e giustu chi ponet a fundhamentu sa responsabbilidade personale e cunsiderat s'àteru cun oguale importu e arrespetu; genia de sentidu, de umore bonu o malu; chi pertocat is bonos princípios o chi est cunforma a is bonos princípios de su cumportamentu / m. cristiana = régulas e princípios de su fàere cunforma a s'Evangéliu de Cristos e a s'imparu de sa Crésia Frasi morale istrana: cun cussu arresonu, ch'idea santa de paghe respinghet, si aprovat s'assassíniu… nucleare! 2. si àuguro unu mare de gosu in su morale e in sa carena!

moralidàde, moralidàdi , nf Definizione su fàere cunforma a sa morale, su èssere o fàere cunforma a sa morale.

moralísmu , nm Definizione rigore in sensu morale esagerau e prus de apariéntzia chi no de sustàntzia.

moralísta , nm Definizione istudiosu de sa morale.

moralizadòre , nm Definizione chie cricat de educare a sa morale e de dha fàere arrespetare.

moralizài, moralizàre , vrb Definizione giare imparu, educatzione, abbituare a s'arrespetu de sa morale.

moralmènte, moralmènti , avb Definizione segundhu sa morale, cunforma a sa morale.