A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

mussòne 1, mussòni musciòne

mussòrgia , nf: mussorza, mustroxa Definizione genia de linna chi faet a cannàile longu longu e fine e si che artzat apitzu de is matas; cambu de murta atrotigau chi serbit po lióngiu / una mussorza de orrú = canna de rú Sinonimi e contrari alúsara, bentitzu, bidichinzu, elighinzu, filichinzu, inteltzu, pidighinzu, reti, tintiritzu, tretzu Frasi si ammesturant floris de meliana, de mussòrgia e de murta ◊ cun sa mustroxa acàpiant is puntedhus de mesu fendi sa fogaja ◊ po ammasetzare su cuadhu est iscudendhodhu cun d-una mussòrgia! Terminologia scientifica mt, Clematis cirrhosa Etimo ltn. *morsoria.

mussórgiu, mussórju, mussórxu mossórzu

mussòrza mussòrgia

mussórzu mossórzu

mussòta , nf: mutzota Definizione fémina bagamundhera, preitzosa e cadhotza, sèmpere in giru cricandho chistiones, mutza, nau a disprétziu de fémina mala Sinonimi e contrari catzolera, mulota Traduzioni Francese putain Inglese whore Spagnolo fulana, furcia Italiano baldracca Tedesco Dirne.

mússu , nm Definizione de sa farra, pruschetotu de su trigu, sa parte prus grussa e pagu bona, sa parte de foras de su granu / pan'e mussu = chivalzedhu Sinonimi e contrari bilinzone, chilinzone, frúfere, gràngia, linzone, podhi, russarza, talau.

mússula musciòla

mussulína mussolína

mussulíra mixurída

mussulmànu , agt, nm Definizione chi o chie professat sa fide chi at predicau Maometo Sinonimi e contrari maometanu.

mussúra musciúra

mussurílla musciuríglia

mustabèdha , nf Definizione annaemele, bíurru piticu, min. de mustela 1.

mustacèdhus , nm pl Definizione genia de erba chi faet una fògia larga e bogat una chima (pinnoni) bascitedha e grussa totu coment'e a granos, innanti birdes e apustis orrúbios: sa fògia dha poniant asuta de su pane grussu coendhodhu, po no si abbruxare; pani de mustàciu dhu narant a su civraxu: fortzis ca dhu faiant còere in pitzu de sa fògia de is mustacedhus? Sinonimi e contrari satzaroi, tatarógiu Terminologia scientifica rba.

mustaciólu , nm: mustatzolu 2 Definizione druche a bisura de pabassinu, a bàtoro puntas, prus longu chi no largu, laditu, cun d-unu pigighedhu de capa fine fine: a logos dhi narant costedhedha o ladixedha de parada; a logos narant custu númene a sa figumorisca incarnada in sa tàula (sagura) Sinonimi e contrari ttrs. mustatzoru Cognomi e Proverbi smb: Mustazzolu Terminologia scientifica drc Etimo itl. mostacciolo.

mustàciu multàtzu

mustàciu 1 , nm Definizione genia de pane modhe, grussu (si narat fintzes pani mustàciu) Frasi si su mustàciu est bèni trabballau, s'iscrafàngiat in pícius candu est cotu ◊ si porint fai mustàcius longus, tundus, crúcius Terminologia scientifica pne Etimo srd.

mustafàtzu , nm: mustatzafu Definizione genia de autoridade, unu tempus Sinonimi e contrari magiore Etimo spn. almotazaf.

mustagiòne, mustajòni , nm Definizione mastru de paza, figura a bisura de persona fata cun bestimentu béciu prenu de fenu po fàere a tímere is pigiones; nau de unu, chi est totu bestiu male, légiu meda de cara, isimpre, de pagu abbilidade Sinonimi e contrari boetone, bustaglioni, imbustajoni, ispantamata, malmuntone, pabaratusa Frasi a primu imbucada mi fiat partu unu mustajoni ◊ est bestiu chi parit unu mustajoni ◊ dhi at fatu sa bestimenta aici a mindigu de parri unu mustajoni de bíngia! Traduzioni Francese épouvantail (à moineaux) Inglese scarecrow Spagnolo espantajo Italiano spaventapàsseri Tedesco Vogelscheuche.