A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

nurdiài, nurdigàre nodrigàre

nuríle , nm Definizione una genia de erba Frasi nos semus sétzidos in mesu de s'atandha e de su nurile Terminologia scientifica rba Etimo srd.

núrra , nf: núrria Definizione apertura in su terrenu, coment'e a putzu, a ispérrumu mannu; genia de muntone mannu meda e tundhu, fintzes fràigu, a logos fintzes linna a fasche manna / mannu cantu una núrria = mannu meda; pònnere cosa a nurra = ammuntonare, apirare Sinonimi e contrari muridina Frasi in Supramonte sa nurra e s'orale sunt cosas de perígulu ◊ nara, ite ses cupindhe in sas nurras fungudas de su chelu?! ◊ ant nurras e pinnetos abbitadu ca b'est s'istiga in tota sa leada (M.Cocco) 2. cussa fémina ch'est cantu una núrria Cognomi e Proverbi smb: (De)nurra, Nurra Terminologia scientifica slg Etimo srdn.

Núrra , nf Definizione sa leada de sa Sardigna tra Portudurre, Tàtari e Salighera, su cugigone de Nord-Ovest.

nurríle , nm Definizione totu s'erba chi essit e creschet a sola.

núrtile , agt, nm Definizione nau de ccn., bonu a nudha, chi no est àbbile Sinonimi e contrari casticau, iltrudhadu, innangaradu, lertone, néssiu | ctr. àbbile, abbistu Frasi pacos núrtiles brusant galu froedhas lassàndhennos chen'àlinu Traduzioni Francese incapable Inglese incapable Spagnolo incapaz, inútil Italiano incapace, inètto Tedesco unfähig, untüchtig, unfähiger Mensch.

nurtilèsa , nf Definizione su èssere núrtiles, bonos a fàere nudha Sinonimi e contrari disabbilidadi, innangarúmine, isgadolciúmine Frasi issu at sempre odiadu sa nurtilesa e sa tontedade Etimo srd. Traduzioni Francese gaucherie, ineptie Inglese ineptness, clumsiness Spagnolo torpeza, tosquedad, ineptitud Italiano goffàggine, inettitùdine Tedesco Plumpheit, Untüchtigkeit.

núsca , nf Definizione aprapudhamentu a parte de aintru de is còscias Etimo srd.

nuscàda , nf Definizione su nuscare Sinonimi e contrari fiagada Frasi a su binu li dabat una nuscada e l’assazabat pacu pacu Etimo srd. Traduzioni Francese flair Inglese sniff Spagnolo olfateo Italiano annusata Tedesco Riechen.

nuscadellò , nm: nuscatellò, nuscatellone Definizione calidade de bide e àghina a pibiones mannos, aghedhosa, druche meda, de gustu bellu, prus che àteru po papare Sinonimi e contrari muscadellone*.

nuscadéllu , nm: nuscatellu Definizione calidade de bide e de àghina bianca a gurdonedhos piticos e pibione piticu e cracu, druche meda, e su binu chi faet Sinonimi e contrari muscadedhu*, muscau 1 Terminologia scientifica frt.

nuscadòre , nm Definizione una calidade de armidha; chi o chie nuscat Sinonimi e contrari elbabbarona / fiagadore, fracheri, nusiadore Terminologia scientifica rba, Thymus serpyllum Etimo srd.

nuscadúra , nf Definizione su nuscare Sinonimi e contrari fracadura 1 Etimo srd.

nuscài, nuscàre , vrb Definizione pigare su fragu, fintzes fragare Sinonimi e contrari acarigai, annajare, annàsere, arrancai 1, arrastai, fiagare Frasi nusca ite fragu bellu chi li andhat a sa rosa! ◊ isse istat semper nuscandhe e leghendhe giornales de titulias! ◊ zeo mi firmo a ti nuscare, dílicu e profumatu biancu fiore! (G.Farris)◊ mi fit piàghidu de nuscare s’ària de cussos logos Etimo srd. Traduzioni Francese flairer Inglese to sniff Spagnolo olfatear Italiano fiutare Tedesco beriechen, riechen.

nuscatellò, nuscatellòne nuscadellò

nuscatéllu nuscadéllu

nuscàu , pps Definizione de nuscare Sinonimi e contrari fragau.

nuscèntri , agt, nm Sinonimi e contrari ballalloe, bambarru, illanadu, innóchidu, notzenti, scimpri Etimo itl. nocente.

nuschèra , nf Definizione su istare nuschendhe, fragandho, fintzes s'arrancu chi si pigat; istugighedhu cun àcua de fragus Sinonimi e contrari nuschinzu Etimo srd. Traduzioni Francese flacon pour parfum Inglese parfum bottle Spagnolo olfacción, pomo Italiano portaprofumi Tedesco Fläschchen Parfüm.

nuschínzu , nm Definizione su nuscare Frasi ses inoghe cun nuschinzos de late a pretèndhere una parte de sole e de luna! ◊ e cantu tempus a ti chircare in su nuschinzu de onzi fiore! Etimo srd. Traduzioni Francese action de flairer Inglese smelling Spagnolo olfateo Italiano odoraménto Tedesco Riechen.