A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

numenónzu , nm Sinonimi e contrari fentomu, mentovu Etimo srd.

numeradòre , agt, nm Definizione chi o cosa chi númerat, ponet is números: in is fratziones, su númeru (unidades) de dividire (o giai ispartziu comente est inditau cun su denominadore) Terminologia scientifica mtc.

numeradúra , nf Definizione su numerare Terminologia scientifica mtc Traduzioni Francese numération Inglese numeration Spagnolo numeración Italiano numerazióne Tedesco Bezifferung, Zahlen.

numerài, numeràre , vrb Definizione pònnere is números, inditare cun números Sinonimi e contrari cifrai, contae Terminologia scientifica mtc Etimo ltn. numerare Traduzioni Francese numéroter Inglese to number Spagnolo numerar Italiano numerare Tedesco beziffern, numerieren.

numeràriu , agt Definizione chi serbit a inditare cantidade cun números (a/c. is agt. numeràrios impreaos coment'e númene de oras essint nf.: sa una, sas duas, sas tres, … sas úndhighi; s'itl. da + agt. numeràriu + anni / mesi / secoli / giorni e àteru po tempus/durada passada (cmpl. de tempus), in srd. si faet ponendho solu su numeràriu cun su númene de tempus: est preíderu vint'annos ◊ est cojadu degh'annos ◊ est bíndhighi annos batiu ◊ so nessi vint'annos chene lu vídere ◊ semus tres annos ispetanne su contribbutu po s'acontzu chi aimis fatu ◊ est zente chi mancat vint'annos e prus de Sardínnia ◊ custa cosa est deghe dies goi ◊ est duos meses ricoveradu in s'ispidale) Traduzioni Francese numéral Inglese numeral Spagnolo numeral Italiano numerale Tedesco Zahlen…

numeràu , pps, agt Definizione de numerare 2. no bi at de irballare: sos follos sunt numerados.

numéricu , agt Definizione de is números, chi pertocat is números.

númeru , nm: númunu Definizione sinnu chi s'impreat a solu o cun àteros po inditare unu tanti, sa cantidade / su númeru podet èssere: paris (loba), díspari o schéciu (cucu), positivu, negativu, intreu, fratzionàriu, primu (= chi no faet a dhu dividire, chentza lassare arrestu, cun perun'àteru n. foras cussu etotu e 1); genias de númeru: po comente s'iscriet, àrabbu (de zero a noe), romanu (a líteras mannas cun significau de cantidade, impreadas como prus che àteru po inditare s'órdine de una filera); n. atómicu = su tanti de is protones de un'àtomu; n. legale = de is cumponentes chi tenent diritu in d-un'assemblea, su tanti necessàriu po pòdere pigare una decisione vàlida. A/c.: css. númeru fintzes a úndhighi acumpangiau cun art. fémina inditat ora (sa de dóighi est mesudie o mesunote) Sinonimi e contrari cifra, lúmeru Frasi is números àrabbos funt: 0 (zero), 1 (unu), 2 (duos), 3 (tres), 4 (bàtoro), 5 (chimbe), 6 (ses), 7 (sete), 8 (oto), 9 (noe) e ponendhodhos paris si podet fàere calesiògiat cifra ◊ números romanos de unu a deghe: I, II, III, IV, V, VI, VII, VIII, IX, X; àteros: L (chimbanta), C (chentu), D (chimbeghentos), M (milli) 2. oi bollu imparai luegu a lígiri, cras a iscriri e pustigràs apu a imparai is númerus ◊ carrela e númeru de sa domo bos l'apo marcadu in cussu follu ◊ aio leadu su telèfono pro dha tzirriare ma che dh’aio arrimadu sentza de fàghere su númeru 3. ndhe sunt ghirados a sas chimbe de sero ◊ nci funt essius a is duas de chitzi Etimo ltn. numerus Traduzioni Francese nombre, chiffre, numéro Inglese number Spagnolo número Italiano nùmero Tedesco Zahl.

númina , nf Definizione fama chi si bogat o chi essit de ccn., numenada Sinonimi e contrari lúmena, lumenada, nomena.

numíngiu nomíngiu

númunu númeru

nunciòla naciòla

núnciu , nm: annúntziu (nún-ci-u) Sinonimi e contrari avisu, nova, sceda.

núncu , nm Sinonimi e contrari bruncu*, fruncu, murrighile, mutzichile, murru Frasi castiadí e circa de nci tzacai su nuncu! ◊ su sirboni fut crocau cun su nuncu asuba de is peis de ananti ◊ sa genti si bit cosa chi no aggradessit frungit su nuncu.

nundènte, nundènti , nm Definizione genia de orrobba de lana Sinonimi e contrari pannispica, tundhente Frasi cussas fardetas de nundenti cuant is carronis ◊ in Talana aus leau una cincuantina de metros de nundente Terminologia scientifica ts Etimo itl. filundente.

núndina , nf Definizione su noe de su mese; su pl. fintzes novena.

nungiósu , agt Definizione annischitzau, tristu, de mala ispétzia, orróschiu, chi faet orròschere Frasi cras una dí nungiosa a totus at a parri, ca sa menti a su trabballu torrat de dogna dí (S.A.Spano) Etimo srd.

núnsas, núntas , nf pl: nútzias Sinonimi e contrari afidu, bodas, cogiuonzu, coja, cojànscia, cójuba, cojubiu, isposognu Frasi siant invitu a nuntas sos pudhiles e corona de festa dogni intrinada! (Limbaresu)◊ cudhos sunt torrados dai su viàgiu de nuntas Etimo ltn. nuptiae.

núntziu , nm: nússiu Definizione (f. -a) persona chi si mandhat po giare a ischire, mandhare a nàrrere, fàere una miscione de importu mannu; fintzes segurtade, isceda Sinonimi e contrari assunta, isceda, noa Frasi sa boche de su cannone istronat dae monte in monte, nússia malinna de disauras 2. si mi torrat nússiu de àere ofesu a calicunu no be ndh'at ànima chi ti sarvet! Traduzioni Francese messager Inglese messenger Spagnolo mensajero Italiano messaggèro Tedesco Bote.

nuntzòla naciòla