scrapolàriu scapolàriu
scrapòni , nm Definizione una calidade de scrópula Sinonimi e contrari scórpula Frasi portaus scraponi, sparedha, bachixedhas, anguidha Terminologia scientifica psc Etimo ltn. scorpione(m).
scrapòni 1 scrapiòni
scrapudhài , vrb Definizione iscabidhai, bogare s'ispiga, apèrrere de calecuna cosa chi creschet; nau de piciochedhos, crèschere, fàere mannos, passare de piciochedhos a mannos fintzes in su sensu de èssere a tretu de fàere fígios; nau de mannos, aprapudhare, tocare e fintzes cobèrrere Sinonimi e contrari iscabissare, ispicare, ispighire / ammanucai, ammanutzare, aparpidare Frasi sa cocheta est acanta de si scrapudhai Etimo srd.
scrapudhàu , pps, agt Definizione de scrapudhai; apertu e cumpriu, lómpiu 2. cussus froris funt totus scrapudhaus.
scrapúdhu , nm: iscarpudhu* Definizione genia de codrolinu chi narant fintzes scrapudhu o capedhu de para (itl. mazza di tamburo) Terminologia scientifica atn, Macrolepiota procera.
scrarài , vrb: iscrariai*, scrariai Definizione fàere craru, prus craru, de si pòdere bíere méngius Sinonimi e contrari aclarai, acrarire, ilciarire, incrariare, scraressi | ctr. oscurèssere, oscuressire Modi di dire csn: scrarai sa coja = bogare a craru, dare a ischire chi duos sunt cojendhe; scrariai sa boxi = ilmaschiare, rasigare sa bula pro essire sa boghe prus crara Frasi "Duncas!" - si fadiat po cumentzai, scrariendusí sa boxi e intreghendu su contu - ◊ s'amori fait scrariai sa trama de sa vida (S.A.Spano)◊ is pampadas scràriant s'iscuru ◊ sa candela manna scràriat totu sa domu ◊ a domu de sa fémina andànt su sàbudu noti e aici su domínigu a mengianu is isposus andànt a missa impari a scrarai sa coja 2. is froris furint aspetendi a scrarai su soli po si aberri.
scrarèssi , vrb: esclarèssiri*, isclarèssiri Definizione fàere o essire craru, fàere prus in colore craru Sinonimi e contrari isclarire, ispalaciae, ispanigai, scampiai, scrarai | ctr. oscurèssere, oscuressire.
scraría scalía
scrariabitíca , nf Definizione calidade prus pitica de abrutzu e iscaria Sinonimi e contrari armutuminore, cadillonedhu, isciareuminore.
scrariài scrarài
scrariàrgiu , nm Definizione logu de abrutzu meda, de iscaria.
scrariméntu , nm Definizione su scrariri.
scraríri sclaríri
scratzadúra , nf Definizione
su trebballu de iscartzare is fundhos de sa bide in atóngiu, o fintzes àteru
Sinonimi e contrari
scartzamentu
Frasi
sa scratzadura est po allichidiri su fundu, po no dhui èssiri burdàmini ch'istrobbat
Etimo
srd.
Traduzioni
Francese
déchaussement
Inglese
undermining
Spagnolo
socava
Italiano
scalzaménto
Tedesco
Freilegung der Wurzeln.
scratzài scartzài
scratzedhài , vrb Definizione istesiare unu pagu sa terra de is fundhos faendhodhis coment’e unu fossu a inghíriu; fintzes bogare de fundhu, de is arraighinas Sinonimi e contrari scartzai Frasi chi si assentat su tempus ndi scratzedhu totu e ghetu unu paghedhu de fà (A.Garau) 2. ancu ti scratzedhint sa conca! Etimo srd.
scratzèra scracèra
scràu sclàu
scràu 1 scàu