A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scrafèdha , nf Definizione crau mannu po apicare cosa in su muru Frasi timendi mi acafu a una scrafedha.

scrafedhadòri , nm Definizione maistu chi picat (e fintzes chi segat) pedra a iscrapedhu Sinonimi e contrari iscrapedheri, picaparderi / cdh. picapetra Etimo srd. Traduzioni Francese tailleur de pierres Inglese stone-cutter Spagnolo picapedrero Italiano scalpellino Tedesco Steinmetz.

scrafédhu scarfédhu

scràfi , vrb: iscàlfere*, scràfiri Definizione passare is ungas in sa carre o fintzes àteru a arrasigadura; nau rfl. in cobertantza e cun tzacu, istare chentza fàere nudha, o fintzes peleare cosa ifadosa, males / s. sa rúngia a unu = rispòndhereli, faedhàreli a istruncadura, a irmurriadura Sinonimi e contrari arratare, iscarpire, iscrafire, tratai Frasi chi mi spítzuat unu sintzu abarru scrafendi! 2. cussus abarrant in domu a si scrafi, a totu dí! ◊ cussa si at lassau e immoi tocat a nosu a scrafi! Traduzioni Francese se gratter Inglese to scratch oneself Spagnolo rascarse Italiano grattarsi Tedesco sich kratzen, faulenzen.

scrafidúra , nf Definizione su scrafi, su ratare Sinonimi e contrari scrafimentu, ratadura Etimo srd.

scrafiméntu , nm Sinonimi e contrari scrafidura, ratadura Etimo srd.

scrafingiósu , agt Definizione chi faet a iscrafíngiu, chi faet iscràfere Sinonimi e contrari mandhighinzosu, papingiosu Etimo srd.

scrafíngiu scarfíngiu

scrafiòni scarfajòni

scràfiri scràfi

scrafuàlla , nf: scrafuialla Definizione gentighedha de pagu contu e de pagu giudu, fintzes fedighedhu ifadosu o pagu àbbile Sinonimi e contrari piciocalla, pisedhina, ratatúglia, scrufulia Frasi importantziedha de nci ponni totu cussa scrafuialla, po isconciai su logu!…◊ chi iat postu in menti a mimi, de cussa scrafuialla no ndi dhui fiat andada! ◊ ndi fait, custa scrafualla, de istontonu!… Etimo srd. Traduzioni Francese marmaille Inglese gang Spagnolo gentuza Italiano bruzzàglia Tedesco Gesindel, Pack.

scrafudhiàlla , nf Sinonimi e contrari piciocalla, pipiàglia, pisedhina, scrafualla Etimo srd.

scrafuiàlla scrafuàlla

scràgiu scàgiu

scramài , vrb: isclamai*, scramiai Definizione foedhare o abboghinare cun boghe lastimosa coment'e chie est pedindho agiudu o frastimandho; istare a iscràmios, a màulos comente faent is gatos Sinonimi e contrari abbochinare, atzerriai, iscramorare / maulai, ilmiaulare 2. su gatu scràmiat ◊ ma càstia, su gatu candu non bit sa cumpàngia dha scràmiat!

scramentadúra , nf Definizione su scramentai Sinonimi e contrari scramentu Frasi su chi mi est capitau mi at fatu a scramentadura Etimo srd.

scramentài , vrb: iscalmentare*, scrammentai, scremmentai Definizione su si currègere, imparare de unu male, de calecuna cosa chi est costada meda, de unu dannu po dh'àere provau Sinonimi e contrari iscadhai, spriai Frasi dhu bollu biri in tribbunali, tanti po dhu scramentai! ◊ candu at scrammentau cun s'àcua callenti timit sa frida puru ◊ càstia, chi no scremmentas mancu aici dèu no sciu prus ita ti nai! 2. ómini scrammentau ómini salvau Traduzioni Francese se repentir Inglese to reform Spagnolo escarmentar Italiano ravvedérsi Tedesco sein Unrecht einsehen.

scraméntu scalméntu

scramiabbètu , nm Definizione est sa boghe de su bètu; genia de sonajolu fatu cun d-unu orrugu de pértiga de bide sicada isperrau de longu: is duas perras si acàpiant a cad'ala ponendhodhoe in mesu una tirighedha de corgiolu de bide etotu Terminologia scientifica bga, sjl Etimo srd.

scramiài scramài