spossessài , vrb: ispossessare* Definizione bogare de possessu Sinonimi e contrari ispossidiri.
sposséssu , nm Definizione
su spossessai, su che bogare o pigare terrenu o àteru a unu po bisóngiu púbblicu
Sinonimi e contrari
ispropiamentu,
isprópiu
Etimo
srd.
Traduzioni
Francese
expropriation
Inglese
expropriation
Spagnolo
expropiación
Italiano
espropriazióne
Tedesco
Enteignung.
spossidíri , vrb: ispossidiri* Definizione
bogare de possessu, pigare su possessu a chie dhu tenet
Sinonimi e contrari
ispossessare,
ispropiare
Frasi
cussa est genti spossidia de chini tenit su dinai e si creit meri de su mundu ◊ sa giustítzia ndi dh'at spossidiu de su chi iat fatu cun is furas (G.Mura)◊ mira chi ses pòbira e tropu spossidia!
Traduzioni
Francese
exproprier
Inglese
to expropriate
Spagnolo
expropiar
Italiano
espropriare
Tedesco
enteignen.
spostadúra , nf Sinonimi e contrari ispostamentu, móida Etimo srd.
spostài , vrb: ispostare* Definizione mòvere, cambiare de postu, de unu tretu a s'àteru Sinonimi e contrari mòere.
spósu , agt, nm: isposu* Definizione
ómine cojuau nou, o fintzes chi est ammorandho
Sinonimi e contrari
fidantzadu
Frasi
seu sposu ses annus ma no mi seu cojau ancora
Traduzioni
Francese
fiancé
Inglese
boyfriend
Spagnolo
novio
Italiano
fidanzato
Tedesco
Verlobte.
spotallitài , vrb: spotilitai Definizione bogare de domo in mala manera Frasi nci dh'ant spotallitada poita no fiat cosa de giudu Etimo srd.
spotedhàriu , nm Definizione tretu de terra chentza trebballau chi abbarrat in is terrenos comente acabbant a una parte, in s'oru Sinonimi e contrari bacantinu Frasi apu arau unus cantu cungiadedhus e marrau is spotedhàrius (P.Caredda)◊ naraus bagantinu a su chi lassaus in bíngia e spotedhàriu a su chi lassaus in àteras terras ◊ arribbaus a sa fà, mammai mi at fatu setzi in d-unu spotedhàriu chi dhoi iat e issa at istegau.
spóticu , agt, nm Definizione
nau de unu, chi tenet podere tropu mannu apitzu de s'àteru, de ndhe fàere su chi bolet, chi cumandhat totu issu; podere de cumandhare e de fàere totu su chi si bolet de una cosa
Traduzioni
Francese
despotique
Inglese
despotic
Spagnolo
despótico
Italiano
dispòtico
Tedesco
despotisch.
spotilitài spotallitài
spoxài spogiài
sprabaxài spabargiàe
sprabàxu , nm: isprabarzu* Definizione su sprabaxai, istagiare, bogare unu pegus de sa chedha: unu tempus fut unu de is pagamentos chi si depiant a is feudatàrios / s. de fortzas = disperdíssiu, isperdísciu de fortza.
sprabéri , nm Definizione pigione mannu papadore de petza Sinonimi e contrari feridori 1, isparaeru Frasi cussu calavau, mangallu,… mancu mali ca est geniosu… parit unu spraberi a olleras! Terminologia scientifica pzn, accipiter nisus Etimo ctl. esparver.
spracinadróxu , nm Definizione logu inue ispartzinare Etimo srd.
spracinài sparsinài
spracíri spartíri
spradéri, spradhéri spadhéri
spragàrgia , nf Definizione bàlliu de cosa, tretu de colore diferente, de matedu bàsciu Sinonimi e contrari bàlliu, macra Frasi in Tónneri ocannu dhui iat spragàrgias de ní finas a primu làmpadas (P.Pillonca)◊ càstiant chi in mesu de is spragàrgias prenas de lua si cuat calegunu colovru.
spralàciu, sprallàcia sparlàcia