A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sprallaciàe , vrb Definizione fai sprallàcius, fàere essire màncias, fàere a marcos de diferente colore Sinonimi e contrari incespiai, tacai 1.

sprallàciu sparlàcia

sprallatài , vrb Definizione fàere sa parlata, foedhada longa Frasi est abarrau mortu e fridu candu apu cumentzau a sprallatai.

sprallàxu sparlàcia

spràma , nf: isprama*, spramma, spramu Definizione assíchidu forte, de ndhe obèrrere su coro, fintzes prantu meda / fai sa s. = assuconàresi de si che abbadherigare, ma fintzas prànghere meda Sinonimi e contrari acíchidu, arrore, asciuconu, assúmbridu, assústidu, ilgiru, ispràmminu Frasi su pipiu no prangiat po sa timoria, sceti fadiat sa sprama, una sprama muda chi fiat peus de si pònniri a tzerriai.

spramài , vrb: ispramai* Definizione tímere, fàere a tímere meda / s. a unu a tzérrius, spramaisí de su prantu, tzerriendu, de dolori forti Sinonimi e contrari acicai, apramare, asciustrare, aterrighinare, ilgirare, ispantamare, istrementire, isturdinare.

spramàu , pps, agt: ispramau Definizione de spramai; nau de colore, chi est biu meda, tropu alligru, chi agiummai pigat a ogos 2. est unu colori arrúbiu, birdi, grogu sprammau.

spramèta , nf Definizione genia de erba e frore: cragarista de caboni o pinnàciu de carabbineri Sinonimi e contrari ammirante Terminologia scientifica rba, Celosia argentea.

sprametàda spalmetàda

spramiài , vrb Sinonimi e contrari acolomizare, aorrai, avitare, reprammiare* | ctr. perdimentare, sperditziai.

spràmiu , nm Definizione totu su chi si chistit o ponet a parte po candho podet bisongiare Sinonimi e contrari aorru, avitu, economia, rispàrmiu*, stràviu | ctr. dispéndiu, isperdíciu, istrubberia, példua.

spràmma spràma

sprammài spramài

spramósu , agt: isprammosu* Definizione chi faet isprammare, pigare un'isprama, un'assíchidu Sinonimi e contrari arrorosu, assustadore, assustrosu.

spràmu spràma

spranài splanài

spranaméntu , nm: ispianamentu* Definizione su spranai, aparigiamentu Sinonimi e contrari aparigiadura, imparisada, splanadura.

spranciài , vrb Definizione iscravare sa plància o tancadura de una genna, o fintzes istacare, bogare sa genna Sinonimi e contrari ispuntzare Frasi totinduna si est pesau unu bentu chi nci at spranciau su portali (T.Dei).

sprannóru , nm Definizione su spranorai, totu su chi si narat a disprétziu de s'àteru, mescamente cosas chi no funt Sinonimi e contrari afrenta, aggràbiu, aggrau, infamamentu, inzenza / discréditu, disdoru, ilbàntidu, innóriu, tragàgiu Etimo srd.

spranorài , vrb: sprenorai Definizione pigare a disprétziu, disonorare Sinonimi e contrari innorare | ctr. onorai Frasi iat sempri disigiau de agiudai cussus chi is àterus spranorànt ◊ a dh'ai sprenorau is fillus, concu Lissànduru si ndi fiat pesau arrennegau.