A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sarràgu , nm: sagarru, serragu, surragu Definizione sa boghe iscannia, grussa, de unu chi tenet male a su gúturu; sa moida, su sonu chi faet cun s'ogroena, cun sa buca e su nasu unu dormiu chi arrespirat male; su sorrogu de sa morte, comente faet unu morindhosi Sinonimi e contrari arragacioi, arrughimentu, isorrogu, sarragamentu, serraju / corróschiu, forróschiu, rúschida, serregu, sorroscru / acra, pilisca 1, póleu, randha 1 Frasi si fint durmios a sorrocru ◊ si est imbolau e dormiu a sorrocru 3. una tzia mia fiat cincu diis cun su sarragu innantis de mòrriri Etimo srd. Traduzioni Francese enrouement Inglese hoarseness Spagnolo ronquera Italiano raucèdine Tedesco Heiserkeit.

sarràja , nf: serràgia, serraja Definizione aina po sonare fata cun d-una busciuca de porcu prena ufrada de ària, apicada a una canna e poderada cun d-unu filu de otone cruo chi dhi passat in pitzu de longu: si sonat cun d-un'architu de modhitzi, cun is càbudos tiraos cun d-una trícia de pilu de giua de cuadhu; un'àtera genia de serràgia portat una tastiera Sinonimi e contrari serragu 2 / arranedhas, réula, reuledha Terminologia scientifica sjl Etimo srd.

sarrània sarràgna

sarrascàre , vrb: serrescare, sorrescrare, sorroscai, sorroschiai, sorrosciare, sorroscrare, sorruschiai, sorruschiare, sorrusciare, surruscai, surruschiai, surruschiare Definizione fàere una genia de sonu in s'ogroena e in buca torrandho àlidu candho unu est dormiu: nau de su cuadhu, fàere una genia de istúrridu coment'e timendho Sinonimi e contrari corroschiare, farroschiai, roschidare, sarracrare Frasi fiat sorruschiendi a seti cannas ◊ a úrtimu dhoi fut sa genti surruschiendu chi pariat un'acorru de procus! ◊ sos pastores sunt in su pinnetu drommios sorrosciendhe ◊ est drommidu sorrosciandhe a grussu Traduzioni Francese ronfler Inglese to snore Spagnolo roncar Italiano russare Tedesco schnarchen.

sarraschiàre , vrb Sinonimi e contrari carraschiare, iscarraschiare, iscupiri Frasi agabbau de nàrrere sarràschiat e ruspit a su proine Etimo srd.

sarràschiu , nm Sinonimi e contrari carràschiu, iscaràsciu, istarràsciu Etimo srd.

sarraxàre , vrb: asserraxare, serraxare Sinonimi e contrari arragai, arrughire, isarrogai, sarracrare* Traduzioni Francese râler, être enroué Inglese to gasp, to be hoarse Spagnolo ronquear Italiano rantolare, èsser ràuco Tedesco röcheln, heiser sein.

sarrèta , nf: serressa, serreta Definizione aina po segare pígiu fine de pasta crua a manera de essire s'oru a biraorba, a egasegoas: est una orrodighedha cun s'oru segante e fatu a manera de lassare una segada totu a biraorba e si pigat a una màniga cun d-una manu Sinonimi e contrari orrosenita, rodíglia Frasi po Paschixedha mamma fariat is cocòis pintaus a sarreta ◊ feus maritzosu de símbua e cacois pintaus a punta de sarreta Terminologia scientifica ans Etimo srd.

sarretài , vrb: asserretai, serretai, serritai Definizione trebballare o segare a sarreta, a orrosinita; segare coment'e a serra, male, unu pagu coment'e bogandho a iscorriadura Sinonimi e contrari bichedhare, irbinarjare Etimo srd.

sarròne, sarròni, sarrónu , nm: serrone, serroni Definizione genia de serra manna mancai de metro e mesu, a lama larga meda, a duas mànigas, de pigare a una manu ma in duos po segare o isperrare truncos mannos, linna grussa meda (ma fintzes serra pitica de pigare a solos a una manu po segare cambos e naes pudandho); bobboi chi andhat asuta de terra modhe, trebballada, e si papat s'arraighina modhe de sa cosa prantada de pagu: a logos est fintzes mardona, sórighe mannu de fogna; bobboi chi si papat sa gioga minuda e si che istichit aintru de su corgiolu, greme chi si papat sa linna, àteru greme in colore de castàngia chi podet fàere in su casu; brutore a meda in dossu; in cobertantza, su vítziu de abbetiare pruschetotu candho unu no tenet arrexone Sinonimi e contrari serra / serracu / chibudhalzu, cugumbiraxu, istampasucros, morucibudhu / tzerrone, zannarolu, zànnaru / muga, sordi / tostorrímine Modi di dire csn: intriscare o gitonare su serrone = illargare sas dentes a manera de li fàghere s'istrada e segare menzus; intrare su serrone a unu = acucai, bènniri a conca s'idea, s'abbétia de fai ccn. cosa Frasi s'arruaxu iscarràfiat che serroni ◊ passada sa bistrale, su serrone: acò totu distruta sa foresta! ◊ s'élighe chi bi fit in su cuile ndhe l'ant segadu a serrone ◊ usaiat sas rimas che serrone: dae cussu ndh'est s'ódiu dipesu! 2. cherent remíntidas sas pumatas ca medas che las at segadas su serrone 4. zughet fintzas su serrone in cambutzos de cantu est brutu, putzidha! 5. lasso a muzere mia emancipare a patu chi no l'intret su serrone de cherrer paltorire a bolt'apare! (L.Ilieschi)◊ fuit dies e dies ammudurradu, a bortas pranghiat, no ischia mancu proite… giughiat che unu serrone in cherbedhos! Cognomi e Proverbi smb: Serroni Terminologia scientifica ans, crp, gryllotalpa gryllotalpa Etimo srd. Traduzioni Francese grande scie à deux poignées Inglese big saw, mole cricket Spagnolo serrón, tronzador Italiano segóne Tedesco Zugsäge.

sàrta , nf Definizione maista de pannu, fémina chi sestat e cosit bestimentos Sinonimi e contrari cosidora, cusingiana.

sartadórgiu , nm Definizione logu, tretu de un'erriu inue faet a giumpare de una parte a s'àtera Sinonimi e contrari badu, giampadolzu Etimo srd.

sartàghina, sartàghine, sartàgnia saltàina

sartài saltài

sartaína, sartàina, sartàine, sartàini, sartània saltàina

sartaniàda saltainàda

sartanièdha , nf Definizione min. de sartàina.

sartàre saltài

sartarésu , agt, nm Definizione chi o chie abbitat a su sartu a trebballare, chi trebballat in campu Sinonimi e contrari campagnitu, campagnolu, saltalzu | ctr. bidharesu Etimo srd.

sartaròi , nm Definizione su gremighedhu chi faet in su casu martzu Sinonimi e contrari botabbota, giambaghe / cdh. saltaribídhulu Terminologia scientifica crp Etimo srd.