Ditzionàriu in línia
de sa limba e de sa cultura sarda

abbrudhàtu , pps: abbrudhau, abrudhau Definizione de abbrudhare, abbrudhai Sinonimi e contrari abbutzadu, acubadu, annicadu, dispiàchiu, pirmatu 2. su pisedhu fit abbrudhadu ca l'aiant leadu pro un'àteru! Traduzioni Francese navré, désolé Inglese sorry Spagnolo disgustado Italiano dispiaciuto Tedesco schmollend.

addolimalzàdu , agt Definizione chi est totu dólimas o dispraxeres, totugantu addoloriu Sinonimi e contrari addolimorjau, dobidori, dolintiosu, indoliu Frasi est addolimalzada in unu letu fatu de ispinas Etimo srd. Traduzioni Francese désolé, douloureux Inglese afflicted Spagnolo dolorido, afligido Italiano dolènte Tedesco schmerzend, betrübt.

amargàdu , pps, agt: amargau Definizione de amargare, -ai Sinonimi e contrari amarguradu, dispiàchiu | ctr. contentu, prexau 2. mi at azostradu donzi bolu betendhemiche amargadu in bratzu a donzi turmentu ◊ cantas famílias amargadas de fele e umiliadas! ◊ proite custa buca amargada? Traduzioni Francese désolé Inglese embittered Spagnolo amargado Italiano amareggiato Tedesco betrübt.

amarguràdu , pps, agt: amargurau Definizione de amargurai Sinonimi e contrari amargadu, amargurosu, dispiàchiu | ctr. contentu, pregiosu 2. tue e deo amargurados che seu noche finimus (G.M.Cherchi) Traduzioni Francese désolé Inglese embittered Spagnolo amargado Italiano amareggiato Tedesco betrübt.

dobidòri , agt, nm: dolidore, dolidori, dolirori Definizione chi o chie sentit làstima o dolore, si ponet is cosas a coro, faet sa caridade; is parentes de unu mortu, is chi ant tentu su dannu (in dibbatimentu, sa parte dolidora = sa persona oféndhia); genia de bregúngia chi si sentit, una genia de timoria o dispraxere a fàere calecuna cosa / sos coros dolidores = cussus chi sentint dolori po ccn. Sinonimi e contrari dispiàchidu, dolentziosu, dolimentosu, dolimorjosu, dolorzosu, dolosu / duritu, regrésciu Frasi so forsis su revudu de custa umanidade dolidora? 2. candu no nci at dobidori in sa famíglia est unu disisperu! ◊ totu sas dolidores retzint sos acunnoltos e gighent sos fiores a sos moltos issoro 3. seis malus chi apetigais is deretus de is pòberus chena de nisciunu dolidori! Etimo srd. Traduzioni Francese désolé, regret Inglese afflicted, regret Spagnolo dolido, doliente, remordimiento, pesar Italiano dolènte, rammàrico Tedesco betrübt, Betrübnis.

dolimalzósu , agt: dolimazosu, dolimogliosu, dolimorjosu Definizione chi sentit dolore, dispraxere; chi dolet; fintzes chi sentit piedade, chi sentit piedu, ndhe tenet làstima Sinonimi e contrari dispiàchidu, dobidori, dolentziosu, dolimentosu, dolimosu, dolorzosu, dolosu Frasi est iscampiada un'ànima dolimorjosa a mi nàrrere a bènnere ◊ sa pessone dolimogliosa istat a cucutzu falatu ◊ dolimogliosu si aviat a domo de su nonnu ca fit mortu ◊ su cantare a mummucu est meta dolimogliosu: gai cantant chie est in tristura 2. piús ratas, piús ti essit sa fae chi dat dolimalzosu mandhighinzu ◊ su leperedhu est in su culvenu tantendhe a díligu a díligu sa carena dolimazosa 3. Deus est dolimogliosu de sos fígios suos pecadores Etimo srd. Traduzioni Francese désolé, endolori Inglese painful Spagnolo afligido, doliente, dolorido Italiano dolénte, dolorante Tedesco betrübt, schmerzend.

dolimentósu , agt Definizione chi sentit dispraxere po su male angenu, po calecunu dannu Sinonimi e contrari dispiàchidu, dobidori, dolentziosu, dolimorjosu, dolorzosu, dolosu | ctr. contentu, prexau Frasi sas féminas, dolimentosas pro sa morte de sa pitzinna, chircant de dare cufortu a sa mama ◊ sunt totu dolimentosos ca no lis est andhada bene sa faina Etimo srd. Traduzioni Francese désolé Inglese sorry Spagnolo afligido, doliente Italiano dolénte, spiacènte Tedesco betrübt.

incrèschere , vrb: incresci, incrèsciri Definizione giare ifadu, giare incruescu, ma mescamente sentire calecunu dolore o fintzes unu dannu, unu dispraxere Sinonimi e contrari dispiàghere, dòlere, ifadare, incrudèschere Frasi non dia chèrrere incrèschere a nisciunu (G.Fiori)◊ aia bisonzu e apo incréschidu 2. dh'increscit una camba ◊ m'increscit una denti, m'increscint is arrigus 3. su de no premiare una poesia in calchi cuncursu no devet incrèschere e ne ammutzighilare sos cuncurrentes Etimo itl. increscere Traduzioni Francese avoir mal, être désolé Inglese to ache, to be sorry Spagnolo doler, lamentar Italiano dolére Tedesco schmerzen.

iscossolàu , agt Definizione chi no tenet consolu Sinonimi e contrari acoradu, afligidu, atribbuladu, contribbuladu, iscoradu, iscoridu Frasi iscossolau, chene cufortu pranghet sa malasorte Etimo srd. Traduzioni Francese éploré, désolé Inglese disconsolated Spagnolo desconsolado Italiano sconsolato Tedesco betrübt.

pirmàtu , pps, agt: primau, primmadu, primmau Definizione de pirmare; chi dha tenet cun ccn., ma fintzes tristu ebbia / primmada che a s'addolorada = trista meda Sinonimi e contrari abbrudhatu, abbutzadu, acubadu, annicadu, annoxau, dispiàchiu, inconadu, muscunzinadu | ctr. allegru, contentu, pregiau Traduzioni Francese désolé, boudeur Inglese sulky, sulked Spagnolo triste, enfurruñado, ceñudo Italiano rattristato, imbronciato Tedesco betrübt, schmollend.