Ditzionàriu in línia
de sa limba e de sa cultura sarda

addolimàdu , pps, agt Definizione de addolimare; chi est a dólimas, chi dhi dolet calecunu arremu de sa carena, ma fintzes chi tenet dispraxere Sinonimi e contrari addoliadu, addolidu, addoliminadu, addolofiatu, addoloridu, addolumenadu, indilighidu / cdh. addulumitu Frasi est una percossada gai bruta chi si at insambenadu su carrone e tota addolimada est sa persone chi pro sa cura li ponet pedinu 2. addolimadu, sas pàzines serro de sos mentuados naradores Traduzioni Francese endolori Inglese aching, numbed Spagnolo dolorido afligido Italiano dolorante, indolenzito Tedesco schmerzend, betrübt.

addolimalzàdu , agt Definizione chi est totu dólimas o dispraxeres, totugantu addoloriu Sinonimi e contrari addolimorjau, dobidori, dolintiosu, indoliu Frasi est addolimalzada in unu letu fatu de ispinas Etimo srd. Traduzioni Francese désolé, douloureux Inglese afflicted Spagnolo dolorido, afligido Italiano dolènte Tedesco schmerzend, betrübt.

addolorídu, addolorítu, addoloríu , agt, nm Definizione chi sentit, est sentindho dolore, dispraxere mannu; su parente de unu mortu Sinonimi e contrari addoliadu, addolidu, addolimalzadu, dolotiosu / cdh. adduluritu Frasi si ndh'est pesau addoloriu iscutulàndhesi su ludu ◊ sa pobidha est sufrindho addolorida s'atrite ◊ so passandhe sa vida addolorida ◊ sa famíllia fit pranghendhe su mortu e sa domo fit prena de zente addolorita ◊ sunt restadas addoloridas tantu de no àere ardúrios de ndhe asciare sa conca Etimo srd. Traduzioni Francese affligé, peiné Inglese grieved Spagnolo afligido Italiano addolorato Tedesco betrübt.

amargàdu , pps, agt: amargau Definizione de amargare, -ai Sinonimi e contrari amarguradu, dispiàchiu | ctr. contentu, prexau 2. mi at azostradu donzi bolu betendhemiche amargadu in bratzu a donzi turmentu ◊ cantas famílias amargadas de fele e umiliadas! ◊ proite custa buca amargada? Traduzioni Francese désolé Inglese embittered Spagnolo amargado Italiano amareggiato Tedesco betrübt.

amarguràdu , pps, agt: amargurau Definizione de amargurai Sinonimi e contrari amargadu, amargurosu, dispiàchiu | ctr. contentu, pregiosu 2. tue e deo amargurados che seu noche finimus (G.M.Cherchi) Traduzioni Francese désolé Inglese embittered Spagnolo amargado Italiano amareggiato Tedesco betrübt.

aporàdu , pps, agt Definizione de aporare / a. che carrabbusu chi at pérdiu sa botza = si narat a befe a chie si mustrat aporadu pro nudha, chentza bisonzu Sinonimi e contrari acoradu, atribbuladu, contribbuladu, iscoradu, iscoridu Traduzioni Francese affligé, tourmenté Inglese afflicted Spagnolo afligido Italiano afflitto, angustiato Tedesco traurig, betrübt.

dispiàchiu , pps, agt: dispiàghidu, dispiàghitu, dispràsiu Definizione de dispiàchere; chi est provandho dispraxere Sinonimi e contrari abbrudhatu, amarguradu, annicadu, atassau, discuntentu | ctr. piàchiu / contentu, pregiau Frasi si fiaus postus a arrí, perou sa cosa si fut dispràxia etotu 2. su sardu austesu puru at comintzau a mòrrede e seus totu dispràsios ◊ festus morendi de su sidi, andaus a circai àcua ma no nd'eus agatau e si ndi seus torraus dispràxius Traduzioni Francese qui a beaucoup de peine Inglese disliked, annoyed, sorry Spagnolo disgustado Italiano dispiaciuto, contrariato Tedesco betrübt, traurig.

dolimentósu , agt Definizione chi sentit dispraxere po su male angenu, po calecunu dannu Sinonimi e contrari dispiàchidu, dobidori, dolentziosu, dolimorjosu, dolorzosu, dolosu | ctr. contentu, prexau Frasi sas féminas, dolimentosas pro sa morte de sa pitzinna, chircant de dare cufortu a sa mama ◊ sunt totu dolimentosos ca no lis est andhada bene sa faina Etimo srd. Traduzioni Francese désolé Inglese sorry Spagnolo afligido, doliente Italiano dolénte, spiacènte Tedesco betrübt.

iscossolàu , agt Definizione chi no tenet consolu Sinonimi e contrari acoradu, afligidu, atribbuladu, contribbuladu, iscoradu, iscoridu Frasi iscossolau, chene cufortu pranghet sa malasorte Etimo srd. Traduzioni Francese éploré, désolé Inglese disconsolated Spagnolo desconsolado Italiano sconsolato Tedesco betrübt.

pirmàtu , pps, agt: primau, primmadu, primmau Definizione de pirmare; chi dha tenet cun ccn., ma fintzes tristu ebbia / primmada che a s'addolorada = trista meda Sinonimi e contrari abbrudhatu, abbutzadu, acubadu, annicadu, annoxau, dispiàchiu, inconadu, muscunzinadu | ctr. allegru, contentu, pregiau Traduzioni Francese désolé, boudeur Inglese sulky, sulked Spagnolo triste, enfurruñado, ceñudo Italiano rattristato, imbronciato Tedesco betrübt, schmollend.