Ditzionàriu in línia
de sa limba e de sa cultura sarda

arràja , nf: arraxa, ràgia* Definizione prus che àteru, síngia fata a pinna / essire de s'arraxa = essire dae sos límites Sinonimi e contrari línia, raina, ràglia, sinnale Frasi passai de sa raja Traduzioni Francese ligne, signe Inglese line Spagnolo raya Italiano lìnea, ségno Tedesco Linie, Zeichen.

arríga , nf: erriga, ria* 1 Definizione calesiògiat síngia longa e istrinta, prus che àteru dereta, mescamente in su paperi de iscríere; su chi s’iscriet in is errigas, s’iscritura chi dhu’est; genia de aina, orrugu de cosa dereta (e a bortas fintzes a intacas cun is misuras) po marcare, singiare, fàere línias Sinonimi e contrari arrégula Frasi calincuna borta in is lítaras dhue iat cuatru o cincu arrigas cancelladas ◊ oe duas arrigas cherzo iscríere: si no dhu fatzo mi sento in mancàntzia (A.Zedde) Traduzioni Francese règle, ligne, rayure Inglese ruler Spagnolo línea, raya, renglón Italiano riga Tedesco Strich.

cóntzu , nm Definizione genia de lentza po piscare Sinonimi e contrari palamitu Terminologia scientifica ans Etimo itl.s conzu Traduzioni Francese ligne à pêcher Inglese boulter Spagnolo clase de hilo para pescar Italiano palàmito Tedesco Langleine.

cràstili , nm Definizione caràilis avatu de pari, puntas de monte s'una aifatu de s'àtera a serra Sinonimi e contrari serra Terminologia scientifica slg Traduzioni Francese ligne de faîte, cordillère Inglese mountain range, poke Spagnolo sierra, cordillera Italiano giogàia Tedesco Gebirgskette.

lència , nf: lensa, lénsia, lentza, lintza 1 Definizione ispau grussitu, forte e longu, chi s'impreat po tirare línias deretas, mescamente faendho muru; codriola po piscare Modi di dire csn: pònnere o tirare a l.; a lintza de… = a paris de…; pinnicare sas lentzas = pinnicai totu e andaisindi 2. po is arretzas, nassas, frúscias, lentzas e gamus andaus a sa butega afaci de su mollu ◊ beto a su mare lentzas ca sa barca est segada e timo su piscare… 3. su cambúsciu depit calai a lintza de is origas Cognomi e Proverbi smb: Lenza Etimo itl. Traduzioni Francese ligne Inglese fishing line Spagnolo sedal Italiano lènza Tedesco Angelleine, Angelschnur.

línia , nf Definizione logu de is puntos a filera unu aifatu de s'àteru a manera de fàere una figura chi arresurtat solu de longària (e podet èssere dereta, bàdula o curva, a biraorba, a tretos); síngia longa chi si faet de iscritura; figura chi arresurtat de calecuna cosa chi andhat a totuna filada; òpera fata de binàrios o àteru po passare calecuna cosa (es. trenu, currente); foedhandho de sa calidesa de su corpus, po comente su termòmetro po dha medire ispartzit is grados, línia est fintzes decimale de gradu / a l. dereta (fatu, mediu) = itl. in linea retta (distàntzia mínima inter duos puntos) Sinonimi e contrari riga / ferrovia Traduzioni Francese ligne Inglese line Spagnolo línea Italiano lìnea Tedesco Linie.

mesanía, mesaníu , nf, nm Definizione su tretu o parte de mesu de una cosa, de unu logu, de una mannària, de unu tanti, tra duos logos / a m. de su séculu = a sa bandha de sa metade de su séculu Sinonimi e contrari mesale, mesu Frasi no so giómpidu mancu a mesania de su resultadu ◊ su monumentu l'ant fatu in mesania de sa piata ◊ canno ti bient superendhe sas sinzas de mesania, in s'istrada, ti faghes contare perigulosu ◊ cussu logu si agatat a mesania de duas bidhas ◊ su fabedhare de unu pópulu no est su matessi dae su mesaniu a s'oru (M.Columbu) Etimo srd. Traduzioni Francese ligne médiane, ligne de sécurité (di una stada) Inglese middle Spagnolo medianería Italiano mezzerìa Tedesco Mitte, Straßenmitte.

ràgia , nf: arraja, raja Definizione prus che àteru, síngia, línia fata a pinna, ma fintzes marcada cun àteru (es. in terra) Sinonimi e contrari línia, ràglia, raina, sinnale / umiadroxu Modi di dire csn: passai, essiri de sa r. = andhare prus addainanti de su sinnale, fintzas de su zustu, de su chi si depet pro educassione; sa r. de sa currera de is cuadhus = sa ràglia, su tretu e sinza a ue depent lòmpere, itl. traguardo Cognomi e Proverbi smb: Raia Etimo spn. raya Traduzioni Francese ligne, ligne d'arrivée Inglese line, finishing line Spagnolo raya, meta Italiano lìnea, traguardo Tedesco Linie, Strich, Ziel.

ría 1 , nf: arriga, erriga, riga Definizione calesiògiat línia istrinta e longa pruschetotu dereta (es. in su paperi po iscríere, e fintzes sa chi abbarrat in terra de comente ant passau ccn. cosa); su chi s'iscriet in is errigas, s'iscritura de un'erriga; genia de aina, po tirare línias deretas e precisas, fata a intacos cun is números po inditare sa misura; foedhandho de sa conca, s'ispartzidura de is pilos petenaos; cosas postas a filera una aifatu de s'àtera; foedhandho de is àrias su chitzo, sa lughe comente si cumènciat a bíere ororu de su fundhale in s'orizonte Sinonimi e contrari línia, síngia / arralla 2, pinta 1 / régula / chirra 1, scrima / fibera Modi di dire csn: ponindhe r., a sa posta de sa riga = orbescendi; ischírendhe duas rigas = zúghere trassas meda Frasi semus faghindhe sa mesa totu a rigas, comente bi colamus cosa subra ◊ est iscrindhe in su cuadernu a rigas 2. a s'amigu l'at iscritu pagas rigas 3. a su sartu sestendhe li serbit sa riga 6. fit su manzanu chito ponindhe riga Cognomi e Proverbi smb: Riga Terminologia scientifica ans Etimo itl. Traduzioni Francese ligne, règle Inglese line, ruler Spagnolo línea, raya, regla Italiano riga, rigo, righèllo Tedesco Linie, Zeile, Lineal.

sèrra , nf Definizione crista de monte, tretu longu in artu a costera a un'ala e a s'àtera, montes totu unu aifatu de s'àteru de longu; logu serrau, a bisura de domo longa a duas abbas, totu serrada a imbidros o fintzes cun plàstica, po dhue fàere ortalítzia, frores e àteru, in cunditziones totu portadas a càstiu de crèschere de sa méngius manera cun calesisiat tempus / min. serritzina Sinonimi e contrari cràstili Modi di dire csn: filu de s., sa línia de totu is puntus prus artus de aundi s'àcua calat a una parti o a s'àtera = itl. displùvio; sa s. de sa camba = cannedha, tílviu, s’ossu de s’anca a s’ala de dainanti; s. de trigu = trigu a muntone (chentza triuladu o triuladu puru); una s. de robba de sapunare = bigada de arrobba bruta; andhare, essire serra serra = andai, passai schina schina Frasi pustis sas fozas si fint ingroghidas e bentu fritu torresit, astraore, e sas serras niadas si fint bidas (P.Sulis)◊ duos de Illorai sunt calendhe in sa serra e los giughet su bentu…◊ biadu su pastore chi in sa serra cantat ca no at bidu custa vista! Cognomi e Proverbi smb: (De)serra, (De)sserra, Serra, Serras Terminologia scientifica slg Etimo srdn. Traduzioni Francese ligne de faîte, sommet Inglese ridge Spagnolo cima, divisoria Italiano crinale Tedesco Grat.

serràcu 1 , nm: serragu 1 Definizione logu a serra, in su tretu prus artu chi a bisura de línia o filu de serra ispartzit su logu de betare is abbas a duas bandhas e badhes diferentes / annare serragu serragu = monte monte, serra serra Sinonimi e contrari serra Frasi cumintzeint s'aronzu dae sas badhes fintzas a su serragu ◊ apelzeint camminos pro giumpare sos serragos ◊ est istétia una fatiga a si ndi bènniri a innòi a susu, a su serragu de sa costera arrata ◊ furint iscumpartus apalas de unu serragu Terminologia scientifica slg Etimo srd. Traduzioni Francese crête, versant, ligne de partage des eaux Inglese watershed Spagnolo divisoria de aguas Italiano spartïacque, displùvio Tedesco Wasserscheide.

umiadórgiu, umiadróxu , nm Definizione logu inue bufat o si faet bufare su bestiàmene; tretu e síngia a ue si depet lòmpere currendho a bínchidas, a trivas Sinonimi e contrari abbadógiu, biberadóriu, bidorzu / ràgia 2. a cali umiadroxu eus a cúrriri? Traduzioni Francese abreuvoir, ligne d'arrivée Inglese trough (drinking), finishing line Spagnolo abrevadero, meta Italiano abbeveratóio, traguardo Tedesco Tränke, Ziel.