Ditzionàriu in línia
de sa limba e de sa cultura sarda

afilàda , nf: filada 1 Definizione aperta longa, de pàrrere unu filu, chi si faet in linna, pedras, muros o àteru de tostau Sinonimi e contrari abbelta, afiladura, cannidura, filidura, isperrada, tzacadura Etimo srd. Traduzioni Francese fissure, lézarde Inglese cleft Spagnolo hendidura, grieta Italiano fenditura, fessurazióne Tedesco Spaltung.

calànca , nf Definizione genia de buidu, piticu o mannu chi siat, chi abbarrat in is orrocas, in is muros a bullu, in is pedras o àteru Sinonimi e contrari calancolu, camaritu, garghile, garropu, imbaga, irganzada, iscalanca, isticale, pèlcia, tavone, tuvone Modi di dire csn: sa c. de s'ogru = chea de s'oju, pischedha de s'ocru, su fossu de s'ossu ue est incalancadu s'ogru; c. de muru = imbaga, tretu bóidu tra una pedra e àtera; c. de frommica = tana; sas calancas de su coro = sos bàtoro boidedhos de su coro ue su sàmbene colat pompadu dae su músculu e mandhadu a sos prummones e a totu sa carena; calancone = perca, gruta Frasi in calancas de ogros si che lu tzachet! ◊ cumpidaiant matedu e calancas de su buscu ◊ si no ndhe tenzo, de dinari, dae calancas de muru mi lu bogo? ◊ sa lepa l'apo arrimada in carchi calanca de su muru ◊ imbriagone, sèmpere betandhe, ancu che dhu betent a sa calanca! Etimo srd. Traduzioni Francese fissure, faille, orbite Inglese slit Spagnolo hendidura Italiano fessura, fenditura profónda, occhiàia, òrbita Tedesco Spalt, Augenhöhle.

calancólu , nm: carancolu Definizione genia de istampu o gruta pitica Sinonimi e contrari calanca, pentorzu, percolu Frasi ti apo chircadu in donzi carancolu ◊ su tilibbriu est carrandhe tzilighertas a intro de unu carancolu Etimo srd. Traduzioni Francese fissure, trou Inglese crack, hole Spagnolo hendidura, agujero Italiano fessura, fóro Tedesco Schlitz.

calpída , nf: carpida, caspida, crapia, crapida Definizione aperta, segada, tzacada in sa linna, in sa terra sicada, o àteru de tostau; genia de segada chi si faet in d-una o in ambas origas de un'animale po sinnu: si faet isperrandho s'origa de sa punta a mesu, ma chentza che ndhe segare nudha Sinonimi e contrari abberta, calpidura, carfidura, secada, trapada / carfia, intaca, supada, trapada Frasi sa terra est totu calpidas, comente est dae meda chentza pròere ◊ s'abba de sa carpida la bufo ca est bona 2. sa robba mia zughet a sinnu carpidas ambas Etimo srd. Traduzioni Francese incision, fente Inglese incision Spagnolo corte, hendidura Italiano incisióne, fessura Tedesco Einschnitt.

ciapída , nf Definizione iscanzada, carpida, aperta o ispacadura in is orrocas Modi di dire csn: s'abba de sa c. = abba chi essit in sa roca; c. de laras = tzocu chi si faghet abberindhe sas laras a corpu Etimo srd. Traduzioni Francese fente des rochers Inglese cliff split Spagnolo hendidura en la roca Italiano spaccatura delle rupi Tedesco Riß.

fibadúra , nf: afiladura, filadura Definizione su si cannire, filare; isperradura, apertura de muru, de linna o àteru de materiale tostau Sinonimi e contrari abbelta, abbeltura, afilada, filidura, sinnigada, tzacadura 2. s'aconciacóssiu fiat is istampus cun su girabbarchinu, is cancarronis a su fiuverru e po cantu andàt sa fibadura de s'istrexu poniat puntus ◊ su bentu nc'intrat in is filaduras de is fentanas Etimo srd. Traduzioni Francese fente, fissure Inglese fissure Spagnolo hendidura Italiano fessura Tedesco Spalt.

imbàga , nf Definizione buidedhu, tretighedhu buidu in mesu de duas cosas; pedrighedha chi dhue andhat bene a tupare o prènnere (fraigandho o pesandho muru) Sinonimi e contrari baga* 2, cafa, calanca, irganzada / cdh. spirredhu Frasi cussas imbagas de su muru cherent tupadas ◊ màniga, chi un'imbaga pro custu biculedhu de cosa za bi lu agatas! Traduzioni Francese fente, fissure Inglese fissure Spagnolo hendidura Italiano fessura Tedesco Spalt.

ispacadúra , nf Definizione genia de aperta manna Sinonimi e contrari calpidura, fresadura, isperrada, isperradura Etimo srd. Traduzioni Francese fente Inglese split Spagnolo grieta, hendidura Italiano spaccatura Tedesco Spaltung.

isperradúra , nf: sperradura Definizione su isperrare; genia de aperta, de segada Sinonimi e contrari fresadura, ispacadura, isperrada / cdh. spirredhu Frasi fiat totu pesa e croca, castiendi me is isperraduras de su portallitu Etimo srd. Traduzioni Francese fendage Inglese split Spagnolo hendidura Italiano spaccatura Tedesco Spaltung.

schinnidúra , nf: schinnirura Definizione isperradura de cosa chídrina, tostada, deasi comente dha faet sa canna chi si aperit de longu, ma chentza èssere segada deunudotu Sinonimi e contrari abbelta, afilada, afiladura, cannidura, filidura, isperrada, tzacadura Frasi est iscorrovonendi sa fentana in dogna schinnirura ◊ sa luxi passat in is schinniduras de is portellitus de sa fentana Etimo srd. Traduzioni Francese lézarde, crevasse Inglese cleft, crack Spagnolo grieta, hendidura Italiano fenditura, lesióne Tedesco Riß, Beschädigung.

sperradúra , nf: isperradura* Definizione su isperrare; genia de aperta, de segada Sinonimi e contrari fresadura, ispacadura, isperrada Frasi in cussa sperradura de arroca cumparit una fémina bècia, totu frungia, trota e tzumburuda ◊ una sperradura podit bènniri in is murrus, in is didus, in is simingionis de is féminas Traduzioni Francese fendage, fente Inglese cleft Spagnolo grieta, hendidura Italiano spaccatura, fessura Tedesco Spaltung, Spalt.