Legenda Abbreviazioni | Legenda Simboli

calpída , nf: carpida, caspida, crapia, crapida Definizione aperta, segada, tzacada in sa linna, in sa terra sicada, o àteru de tostau; genia de segada chi si faet in d-una o in ambas origas de un'animale po sinnu: si faet isperrandho s'origa de sa punta a mesu, ma chentza che ndhe segare nudha Sinonimi e contrari abberta, calpidura, carfidura, secada, trapada / carfia, intaca, supada, trapada Frasi sa terra est totu calpidas, comente est dae meda chentza pròere ◊ s'abba de sa carpida la bufo ca est bona 2. sa robba mia zughet a sinnu carpidas ambas Etimo srd. Traduzioni Francese incision, fente Inglese incision Spagnolo corte, hendidura Italiano incisióne, fessura Tedesco Einschnitt.

incànsciu , nm: incàscinu, incàsciu, incàssiu Definizione genia de buidu fatu apostadamente (in linna, pedra, metallos o àteru) o naturale (de un’arremu de sa carena) inue intrat apare un’àtera parte fata a cunforma a su buidu, cosas diferentes chi portant s’una su chi mancat a s’àtera a manera de allobare bene impare Sinonimi e contrari incartu 1, incastru, intassu, mortisa / amadura, apigiadura, incasciadura Modi di dire csn: i. de sos ossos = innujadolzu; i. de sas dentes = càncara, su boidedhu, in s'ossu de sa barra, ue est ficada sa dente; i. de s'ogu = chea o calanca de s'ógiu; èssere a i. = intrare bene apare, torrare zustos; a l'as s'incàsciu!… = ses diaderus cumbintu chi…, tenis s'idea fissa chi… Frasi in coru fai un'incàsciu e poniminci su coru! 2. su mare si altzat e si falat e torrat a s'incànsciu sou 3. a l'as s'incàsciu, tue, chi cussa fémina est bella!… Etimo ctl., spn. encaix Traduzioni Francese assemblage, emboîture, creux Inglese dap Spagnolo encaje Italiano incastro, incavo Tedesco Einschnitt, Vertiefung.

incràsta , nf Definizione genia de segada o síngia chi si faet lassandho coment'e unu canaledhu; genia de buidedhu tra duas o prus cosas Sinonimi e contrari imbaga, intaca, tachedha Traduzioni Francese entaille, encoche Inglese notch Spagnolo acanaladura, ranura Italiano intacco, scanalatura Tedesco Einschnitt, Auskehlung.

incràva , nf Definizione genia de segada manna po fàere a incàsciu calecuna cosa Sinonimi e contrari arragata, intaca, intatzu, taca 2 / angina, argadóriu, àrgheda, elgatzu, gàrgaru, incartzu, ràglia 1 Terminologia scientifica fst Etimo ctl. enclava Traduzioni Francese entaille, jable Inglese notch, croze Spagnolo gárgol, jable Italiano intaccatura, caprúggine Tedesco Einschnitt, Gargel.

intàca , nf, nm: intacu Definizione síngia fata a incàsciu o marcada fintzes a tinta mescamente po singiale e cun critériu precisu (es. sas i. de s'istadea, de su metro, de su càlibbru); dannu a sa salude, a s'onore, vítziu puru Sinonimi e contrari tachedha / arragata, incrasta, incrava, intatzu, taca 2 / aciàchidu, màcia, taca 3 / peca Modi di dire csn: fàghere i. in carchi faina o chistione = fai meda, produsi un'efetu chi si bit, mannu de si biri; rispòndhere a s'intacu = a puntinu, bene meda Frasi in s'istadea donzi intaca est chimbanta grammas, pesendhe a sa fine, e mesa líbbera a sa russa ◊ cadramissat fatendhe in terra tres palmos de intacu ◊ manos de atzàgliu mi ant prenu sa carena de intacos 2. torramus in palas ca est proghendhe, chi oje ndhe picamus intacu mannu! ◊ no apo mai furadu e ne mi che cherzo pònnere cuss'intacu! 3. bi ndhe faghet de intaca, cussu, seghendhe una roca a martedhu!…◊ bi ndhe faghet de intaca una criadura in totu cussa cosa de fàghere!… Etimo srd. Traduzioni Francese gravure, égratignure, entaille, cran Inglese incision, notch, scratch Spagnolo incisión, muesca, tacha Italiano incisióne, scalfitura, tacca Tedesco Einschnitt, Schramme, Kerbe.

trapàda , nf Definizione su trapare; segada o tzacada chi si faet e gurtedhu apostadamente a s'olia de cunfetu po dha pònnere a indrucare impresse, o chi si faet a sola in cosas tostadas, comente sicant o àteru (es. fintzes in sa carre, in sa pedhe po su fritu) Sinonimi e contrari calpida, secada, tachedhada, trapadura, trapu Frasi a s'olia de cufetu si li faghet unas bàtoro trapadas e si ponet a modhe in abba a indurcare Etimo srd. Traduzioni Francese incision Inglese incision Spagnolo incisión Italiano incisióne, intàglio Tedesco Einschnitt.

trapadúra , nf Definizione su trapare; su trapai; genia de segada, de aperta, de istampu, fintzes puntu de ricamu (t. a àrgias, a culurgionedhos, de filei a naischedhas, a s'ingresa) Sinonimi e contrari secada, trapada / istampadura Frasi zughet sos pes insambentados dae sas trapaduras de sos zelones Etimo ctl. trepadura Traduzioni Francese fente, coupure Inglese notch, piercing Spagnolo incisión, agujero Italiano incisióne, strafóro Tedesco Einschnitt, Bohrung.

«« Cerca di nuovo